Ka taal Jesús way Luʼumeʼ tu yaʼalaj jach kʼaʼabéet k-eʼesik ‹tsiikil tiʼ k-taata yéetel tiʼ k-maama› (Éx 20:12; Mt 15:4). Tu yaʼalaj beyoʼ tumen letiʼeʼ tu yuʼubaj u tʼaan u taataʼob (Lu 2:51). Táanil tiʼ u kíimileʼ tu yaʼalaj tiʼ u disipulo ka u kanáant María, u maama (Jn 19:26, 27).

Teʼ kʼiinoʼobaʼ le táankelem paalaloʼoboʼ láayliʼ ku yeʼeskoʼob tsiikil tiʼ u taataʼob kéen u yuʼuboʼob tʼaaneʼ. U jaajileʼ kex tsʼoʼok k-nojochtaleʼ maʼ unaj u xuʼulul k-eʼesik tsiikil tiʼ k-taataʼobiʼ. Kex tsʼoʼok u chʼíijil k-taataʼobeʼ unaj k-uʼuyik le tsolnuʼukoʼob ku tsʼáaikoʼoboʼ (Pr 23:22). Uláakʼ bix jeʼel k-eʼesik tsiikil tiʼobeʼ letiʼe kéen k-chʼaʼ en cuenta bix u yuʼubikubaʼoboʼ yéetel kéen k-tsʼáa baʼax kʼaʼabéettiʼob (1Ti 5:8). Kex táankelmoʼon wa maʼeʼ k-eʼesik tsiikil tiʼob kéen tsikbalnakoʼon tu yéeteloʼob.

TSʼÁA LE VIDEO ¿BIX JEʼEL A TSIKBAL YÉETEL A TAATAʼOBEʼ?, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten yaan kʼiineʼ maʼ chéen chʼaʼabil a tsikbal yéetel a taataʼobiʼ?

• ¿Bix jeʼel a weʼesik tsiikil tiʼ a taataʼob kéen tsikbalnakech tu yéeteloʼobeʼ?

• ¿Baʼaxten kʼaʼabéet a wilik a tsikbal yéetel a taataʼob? (Pr 15:22)