Le muchʼtáambaloʼoboʼ junpʼéel baʼal jach kʼaʼanaʼan utiaʼal u adorartaʼal Jéeoba (Sl 22:22). Le máaxoʼob ku muchʼkubaʼoboʼ jach ku kiʼimaktal u yóoloʼob yéetel yaʼab utsil ku taasiktiʼob (Sl 65:4). Le j-xoknáaloʼob suuk u binoʼob teʼ muchʼtáambaloʼoboʼ maas séeb u progresaroʼob.

¿Bix jeʼel a wáantik a j-xoknáal utiaʼal u bin teʼ muchʼtáambaloʼoboʼ? Maʼ u xuʼulul a invitartik. Tsʼáa u chaʼant le video ¿Bix le muchʼtáambaloʼob ku beetaʼal teʼ Najil Reinooʼ?, yéetel tsoltiʼ baʼax utsil jeʼel u taasiktiʼ wa ku bineʼ (lff xook 10). Jeʼel xan u páajtal a tsikbaltiktiʼ junpʼéel baʼax tsʼoʼok a kanik teʼ muchʼtáambaloʼoboʼ wa aʼaltiʼ baʼax kun ilbil tiʼ uláakʼ muchʼtáambaloʼob. Tsʼáatiʼ le publicaciónoʼob kun xakʼaltbil teʼ muchʼtáambaloʼ wa eʼestiʼ le jaats «Reuniones» ku taasik le JW Library^®. Tsʼoʼoleʼ wa ku páajtaleʼ máankech a chʼaʼe wa beet uláakʼ wa baʼax tu yoʼolal. Le kéen káajak u bin a j-xoknáal teʼ muchʼtáambaloʼoboʼ jach yaan u kiʼimaktal a wóol (1Co 14:24, 25).

KÉEN TSʼOʼOKOK A CHAʼANTIK LE VIDEO ÁANT A J-XOKNÁAL UTIAʼAL KA XIʼIK MUCHʼTÁAMBAL, NÚUK LE KʼÁATCHIʼOBAʼ:

• ¿Baʼax súutukil tu aprovechartaj Rita utiaʼal u invitartik Coral teʼ muchʼtáambaloʼ?

• ¿Baʼaxten jach ku kiʼimaktal k-óol kéen káajak u bin muchʼtáambal juntúul máax ku xook t-éetel?

• ¿Bix tu yuʼubiluba Coral ka yáax bin teʼ muchʼtáambaloʼ?