Kex yaʼab taakʼin yéetel muukʼ xuʼup utiaʼal u beetaʼal u temploil Israeleʼ, le israelitaʼoboʼ yéetel kiʼimak óolal áantajnajoʼob (1Cr 29:2-9; 2Cr 6:7, 8). Le bix tu kanáantiloʼob le templo ka tsʼoʼokoʼ tu yeʼesaj wa espiritualoʼob (2Re 22:3-6; 2Cr 28:24; 29:3). Toʼon xaneʼ k-xupik tiempo yéetel muukʼ utiaʼal k-líiʼsik, k-limpiokíintik yéetel k-kanáantik u Najiloʼob Reino bey xan u Najiloʼob Asamblea. K-ojel táakaʼan ichil le adoración k-tsʼáaik tiʼ Jéeobaoʼ yéetel jatsʼuts k-ilik k-múul meyaj tu yéetel (Sl 127:1; Ap 7:15).

• Ken tsʼoʼokok le muchʼtáambaloʼ pʼat ordenadoil tuláakal baʼal; wa maʼ tu páajtaleʼ kex chéen le tuʼux kulajechoʼ.

• Táakpajkech mantatsʼ teʼ limpiezaoʼ bey xan teʼ mantenimientooʼ. Wa yaʼaboʼoneʼ maas jatsʼuts yéetel maas séeb le meyajoʼ (lv t.j. 92 § 18).

• Jeʼel u páajtal a tsʼáaik a siibaleʼ. Wa ku síijil ta puksiʼikʼaleʼ Jéeobaeʼ jeʼel u kʼamiktech tak chéen «kaʼapʼéel mejen taakʼin[eʼ]» (Mr 12:41-44).

• Wa ku páajtaleʼ áantajnakech utiaʼal u líiʼsaʼal wa u jeel beetaʼal le najoʼob tuʼux k-adorartik Jéeobaoʼ. Utiaʼal a táakpajleʼ maʼ tsaaj a yáax beetmaj le meyajoʼ.