BAʼAXTEN KʼAʼANAʼAN: Ichil junpʼíit kʼiineʼ yaan u yúuchul baʼaloʼob mix juntéen ilaʼak. Lelaʼ yaan u yeʼesik wa jach tu jaajil k-confiar tiʼ Jéeoba yéetel maʼ saajkoʼoniʼ. Yáaxeʼ yaan u xuʼulsaʼal le religiónoʼob maʼatech u kaʼanskoʼob u jaajiloʼ, le kun eʼesik tsʼoʼok u káajal le nojoch muʼyajiloʼ (Mt 24:21; Ap 17:16, 17). Teʼ kʼiinoʼob jeʼeloʼ maʼ xaaneʼ yaan k-tsʼáaik ojéeltbil le castigo ken u taas Dios yóokʼol le máakoʼoboʼ (Ap 16:21). Yaan k-atacartaʼal tumen Gog tiʼ Magog (Eze 38:10-12, 14-16). Kéen úuchuk leloʼ yaan u káajal le «baʼateʼel kun antal tu noj kʼiinil le Dios jach táaj yaan u poderoʼ» (Ap 16:14, 16). Wa desde beora k-eʼesik maʼ saajkoʼon k-beet baʼax uts tu tʼaan Jéeobaeʼ, teʼ kʼiinoʼob jeʼeloʼ maʼ ken k-chʼaʼ xan saajkil.

BIX JEʼEL A BEETKEʼ:

• Defendert baʼax uts tu tʼaan Jéeoba (Isa 5:20).

• Meyajt Jéeoba junmúuchʼ yéetel le sukuʼunoʼoboʼ (Heb 10:24, 25).

• Séeb beet le baʼax ku yaʼalik u kaajal Jéeobaoʼ (Heb 13:17).

• Kʼaʼajs bix tu salvartil Jéeoba u kaajal úuchjeakil (2Pe 2:9).

• Orarnen yéetel confiarnen tiʼ Jéeoba (Sl 112:7, 8).

CHAʼANT LE VIDEO MAʼ A SAJAKTAL TIʼ BAʼAXOʼOB KUN ÚUCHUL (JUNXÓOTʼ), TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten le ka anchaj kʼeexoʼob teʼ múuchʼuliloʼ tu tsʼáaj tuʼux u yeʼesik le sukuʼunoʼob wa ku yuʼubikoʼob tʼaanoʼ?

• ¿Baʼaxten utiaʼal u yuʼubik máak tʼaaneʼ kʼaʼabéet maʼ saajkiʼ?

• ¿Baʼaxten kʼaʼabéet maʼ sajak máak kéen taalak Armagedóniʼ?

• Aʼal junpʼéel baʼax ku tsikbaltik le Biblia eʼesik Jéeobaeʼ jeʼel u salvarkoʼoneʼ (2Cr 20:1-24).