Salmos 45:1-17
Utiaʼal máax ku nuʼuktaj: unaj u paʼaxal jeʼex le kʼaay ku kʼaabaʼtik «Lirioʼob». Le kʼaayaʼ u paalal Coré+ tsʼíibte. Maskil. Junpʼéel kʼaay romántico.
45 Yaan junpʼéel baʼal beetik u kukulankil in puksiʼikʼal.
Kin waʼalik: «Le baʼax ken in kʼayaʼ ku tʼaan tiʼ juntúul rey».+
Kexiʼ ka pʼáatak in waakʼ jeʼex le nuʼukul ikil u tsʼíib+ juntúul máax noʼojaʼan u tsʼíibeʼ.+
2 In rey, minaʼan uláakʼ máax maas kiʼichkelem ke teech.
Jach táaj jatsʼuts bix a tʼaan.+
Mantatsʼ kan bendecirbil tumen Dios.+
3 Xiixib máak, jéepʼkʼaxt a espada+ ta nakʼ,eʼes a páajtalil,+ eʼes minaʼan uláakʼ máak jeʼex techeʼ.+
4 Ganart le baʼateʼel yéetel le páajtalil yaantechoʼ,+natʼ a tsiimin, defendert u jaajil, defendert le justiciaoʼ bey xan le máaxoʼob maʼatech u taaskubaʼob nojbaʼaliloʼ,+beyoʼ yéetel a x-noʼoj kʼabeʼ yaan a beetik nukuch baʼaloʼob ku beetik u jaʼakʼal u yóol máak.
5 Puputsʼkil a flechaʼob, le oʼolal ku lúubul kaajoʼob ta táan,+ku táatsʼmáanoʼob tu puksiʼikʼal u enemigoʼob le reyoʼ.+
6 Dios tsʼáaiktech autoridad* utiaʼal mantatsʼ.+
Le xóolteʼ ikil a gobernaroʼ ku meyaj utiaʼal a beetik justicia.+
7 Ta yaabiltaj le justiciaoʼ+ ka ta pʼektaj baʼax kʼaas.+
Le oʼolal Dioseʼ tu yalaj aceite ta pool utiaʼal u yéeyikech,+ tu beetaj u maas kiʼimaktal a wóol+ tiʼ u maasil reyoʼoboʼ.
8 A nookʼeʼ kiʼibokkíintaʼan yéetel mirra, áloe yéetel casia.*
Ku kiʼimakkúuntik a wóol le u nuʼukuliloʼob paax ku paʼaxal teʼ palacio adornartaʼan yéetel marfiloʼ.
9 Yaan u hijaʼob reyoʼob ichil le damaʼob láakʼintikechoʼ.
Le reinaoʼ tsʼoʼok u kutal tu tojil a x-noʼoj kʼab, adornartaʼan yéetel u oroil Ofir.*+
10 In paal, chʼenxikinteniʼ, jach uʼuy baʼax ken in waʼaltech.
Tuʼubs a kaajal bey xan u yotoch a papá.
11 Beyoʼ le reyoʼ yaan u tsʼíiboltik a kiʼichpanil,chinaba tu táantumen letiʼ a tsʼuulil.
12 U kaajil Tiroeʼ yaan baʼax ken u taas u síitech.
Le máakoʼob maas ayikʼaloʼoboʼ yaan u yilik u lúubloʼob utsil tech.
13 Teʼ palaciooʼ* tiaʼan u hija le reyoʼ, jach táaj jatsʼuts bix u vestirmiluba.
U nookʼeʼ adornartaʼan yéetel oro.
14 Jach jatsʼuts le nookʼ u takmaj kéen bisaʼak tu táan le reyoʼ.
Le x-chʼúupalaloʼob láakʼintikoʼ ku bisaʼaloʼob xan tu táan le reyoʼ.
15 Yéetel kiʼimak óolal kun bisbiloʼob.
Letiʼobeʼ yaan u yookloʼob tu palacio le reyoʼ.
16 A hijoʼobeʼ yaan u jeelintkoʼob a úuchben láakʼtsiloʼob.
Yaan a tsʼáaikoʼob u beet u príncipeiloʼob tiʼ tuláakal yóokʼol kaab.+
17 Yaan in tsʼáaik kʼaj óoltbil a kʼaabaʼ tiʼ tuláakal le generaciónoʼob kun antaloʼ.+
Le oʼolal mix bikʼin kun xuʼulul a alabartaʼal tumen le kaajoʼoboʼ.
Notas
^ Ich hebreoeʼ ku yaʼalaʼal kaʼach «Dioseʼ a trono».
^ Lelaʼ junpʼéel clase canela.
^ Junpʼéel lugar jach kʼaj óolaʼan tumen tiʼ ku jóoʼsaʼal kaʼach yaʼabkach maʼalob oroiʼ.
^ Ich hebreoeʼ ku yaʼalaʼal kaʼach «Ichileʼ».
