Salmos 34:1-22
Le kʼaayaʼ David tsʼíibte. Lelaʼ yaan yil yéetel le ka chaʼab u bin tumen Abimélek, úuchik u beetik bey chokochajaʼan u pooleʼ.+
א [Alef]
34 Mantatsʼ ken in alabart Jéeoba,maʼ kun xuʼulul in alabartik yéetel in chiʼ.
ב [Bet]
2 Teneʼ yaan in alabartik Jéeoba,+kéen u yuʼuben le utsul máakoʼoboʼ yaan u kiʼimaktal u yóoloʼob.
ג [Guimel]
3 Koʼoneʼex múul alabartik Jéeoba,+koʼoneʼex múul alabartik u kʼaabaʼ.
ד [Dalet]
4 Ka orarnajen tiʼ Jéeobaeʼ, tu núukaj in oración.+
Tu salvarten tiʼ tuláakal baʼax beetik in sajaktal.+
ה [Je]
5 Kiʼimak u yóol le máaxoʼob ku kʼubik u yóoloʼob tiʼ letiʼoʼ,tumen maʼ kun pʼatbiloʼob kʼaasil.
ז [Zayin]
6 Ka tʼaanaj le óotsil máakaʼ uʼuyaʼab tumen Jéeoba.
Salvartaʼab tiʼ tuláakal baʼax beetik u muʼyaj.+
ח [Jet]
7 U ángel Jéeobaeʼ ku kanáantik le máaxoʼob meyajtik Diosoʼ,+letiʼ salvarkoʼob.+
ט [Tet]
8 Túunteʼex utiaʼal ka a wileʼex bukaʼaj utsil Jéeoba.+
Kiʼimak u yóol le máax ku taʼakikuba tu yiknaloʼ.
י [Yod]
9 Teʼex yéeyaʼaneʼex utiaʼal a meyajtikeʼex Jéeobaeʼ respetarteʼex,tumen mix baʼal ku bineltik tiʼ le máaxoʼob respetarkoʼ.+
כ [Kaf]
10 Tak le leónoʼob jach yaan u muukʼoʼoboʼ* ku pʼáatal minaʼan baʼal u jaantoʼob,pero le máaxoʼob meyajtik Jéeobaoʼ mix baʼal ken u binelttiʼob.+
ל [Lamed]
11 In paalaleʼex, koʼoteneʼex, chʼenxikinteneʼexiʼ,yaan in kaʼansikteʼex bix unaj a meyajtikeʼex Jéeoba.+
מ [Mem]
12 ¿Máax ichileʼex uts tu tʼaan u kuxtal ich kiʼimak óolalyéetel maʼ u jáan kíimil?+
נ [Nun]
13 Le máax uts tu tʼaaneʼ unaj u kanáantik u yaakʼ utiaʼal maʼ u yaʼalik baʼax kʼaas.+
Unaj xan u kanáantik u chiʼ utiaʼal maʼ u tuus.+
ס [Samek]
14 Unaj u náachkuntkuba tiʼ baʼax kʼaas ka u beet baʼax uts.+
Unaj u kaxtik jeetsʼelil yéetel unaj u yilik maʼ u xuʼulul u yantaltiʼ.+
ע [Ayin]
15 Jéeobaeʼ táan u paktik le máaxoʼob beetik baʼax maʼalob+ utiaʼal u kanáantkoʼoboʼ,ku chʼenxikintikoʼob kéen u kʼáatoʼob áantaj.+
פ [Pe]
16 Pero Jéeobaeʼ tiaʼan tu contra le máaxoʼob ku beetkoʼob baʼax kʼaasoʼ,kéen kíimkoʼobeʼ mix máak kun kaʼa kʼaʼajsikoʼob.+
צ [Tsade]
17 Ka tu kʼáataj áantaj le máaxoʼob utsoʼoboʼ, uʼuyaʼaboʼob tumen Jéeoba,+salvartaʼaboʼob tiʼ tuláakal baʼax beetik u muʼyajoʼob.+
ק [Kof]
18 Jéeobaeʼ naatsʼ yanil tiʼ le máaxoʼob ku muʼyajoʼoboʼ,+ku yáantik le máaxoʼob yaachajaʼan u yóoloʼoboʼ.*+
ר [Reix]
19 Yaʼab baʼax ku muʼyajtik le máax beetik baʼax maʼaloboʼ,+pero Jéeoba salvartik tiʼ tuláakal baʼax beetik u muʼyaj.+
ש [Xin]
20 Letiʼ kanáantik tuláakal u baakeloʼob,le oʼolal mix junpʼéel u baakel kaʼachak.+
ת [Taw]
21 Le kʼasaʼan máakoʼ yaan u kíimil kéen taalak kʼaas tu yóokʼol.
Yaan u condenartaʼal le máakoʼob pʼektik le máax beetik baʼax maʼaloboʼ.
22 Jéeobaeʼ táan u salvartik le máaxoʼob meyajtikoʼ.
Mix juntúul tiʼ le máaxoʼob ku natsʼkubaʼob tu yiknal kun condenarbiloʼ.+
Notas
^ Wa «le táankelem leónoʼob tsʼoʼok u chowaktal u tsoʼotsel u pooloʼoboʼ».
^ Wa «le máaxoʼob lubaʼan u yóoloʼoboʼ».
