Salmos 21:1-13
Utiaʼal máax ku nuʼuktaj. Le kʼaayaʼ David tsʼíibte.
21 Jéeoba Dios, le reyoʼ kiʼimak u yóol kéen u yil bukaʼaj a poder.+
¡Jach táaj kiʼimak u yóol tumen ka salvartik!+
2 Tsʼoʼok a tsʼáaiktiʼ baʼax ku tsʼíiboltik u puksiʼikʼal,+tsʼoʼok a tsʼáaiktiʼ tuláakal baʼax ku kʼáatiktech. (Séla)
3 Ka bendecirtik yéetel ka tsʼáaiktiʼ baʼaloʼob maʼalobtak,tu yóokʼol u pooleʼ ka tsʼáaik junpʼéel corona beetaʼan yéetel maʼalob oro.+
4 Ka tu kʼáatajtech kuxtaleʼ, ta tsʼáajtiʼ.+
Ta tsʼáaj junpʼéel chowak kuxtal tiʼ, junpʼéel kuxtal mix bikʼin kun xuʼulul.
5 Tumen ka salvarkeʼ jach ku bin utsil tiʼ.+
Ka nojbaʼalkúuntik yéetel ka beetik u respetartaʼal.
6 Maʼ tu xuʼulul a bendecirtik,+kiʼimak u yóol tumen tiaʼanech tu yéeteleʼ.+
7 Le reyoʼ ku confiar tiʼ Jéeoba,+mix bikʼin kun péeksbil tuʼux yaan, tumen jach yaabiltaʼan tumen le Maas Nojoch Diosoʼ.+
8 A kʼabeʼ yaan u chukik tuláakal a enemigoʼob,a x-noʼoj kʼabeʼ yaan u chukik le máaxoʼob pʼekmilechoʼ.
9 Bey tiʼ junpʼéel horno ken a puloʼob kéen kʼuchuk u kʼiinil a líikʼil tu contraʼobeʼ.
Jéeoba, kéen pʼuʼujkecheʼ yaan a castigarkoʼob, yaan a xuʼulsiktiʼob yéetel kʼáakʼ.+
10 Yaan a xuʼulsik tiʼ u paalaloʼob yaan way luʼumeʼ,yaan u pʼáatal minaʼan u paalal way yóokʼol kaabeʼ.
11 Letiʼobeʼ yaan baʼax tu yóotaj u beetoʼob ta contra,+yaan baʼax tsʼoʼok u tuklik u beetkoʼob, pero maʼ kun jóokʼloʼob yéetel le baʼax ku tuklikoʼoboʼ.+
12 Yaan a beetik u jóokʼol u yáalkaboʼob+kéen a tuchʼubtoʼob yéetel a flechaʼob.
13 Kiʼichkelem Yuum Jéeoba, líiʼkech utiaʼal a weʼesik a páajtalil.
Yaan k-kʼaay* utiaʼal k-alabarkech yoʼolal a poder.
Notas
^ Ich hebreoeʼ ku yaʼalaʼal kaʼach «Yaan k-kʼaay yéetel yaan k-paax».
