Salmos 138:1-8
Le kʼaayaʼ David tsʼíibte.
138 Yaan in alabarkech yéetel tuláakal in puksiʼikʼal.+
Kex tiaʼanen tu táan uláakʼ diosoʼobeʼ,yaan in kʼaay utiaʼal in alabarkech.
2 Yaan in chintal tu tojil a templo,+yéetel yaan in alabartik a kʼaabaʼ+tumen ka weʼesik nojoch yaabilaj yéetel chúukaʼan óolal.
A kʼaabaʼ yéetel le baʼaxoʼob ka waʼalikoʼ tsʼoʼok a nojbaʼalkúuntikoʼob tu yóokʼol jeʼel baʼalakeʼ.
3 Ka tin kʼáatajtech áantajeʼ, ta wáanten.+
Ta wáanten utiaʼal maʼ in sajaktal yéetel ta tsʼáajten muukʼ.+
4 Jéeoba Dios, yaan a alabartaʼal tumen tuláakal le reyoʼob yaan way luʼumeʼ,+tumen yaan u yojéeltikoʼob le baʼaxoʼob ka prometerkoʼ.
5 Yaan u kʼaayoʼob tu yoʼolal le baʼaxoʼob ku beetik Jéeobaoʼ,tumen Jéeobaeʼ jach nojoch u poder.+
6 Kex Jéeoba tiaʼan teʼ kaʼanoʼ ku biskuba yéetel le máax humildeoʼ,+pero junpuliʼ maʼatech u biskuba yéetel le máax ku creerkubaoʼ.+
7 Techeʼ yaan a kanáantik in kuxtal le kéen máanken tuʼux sajbeʼentsil.+
Techeʼ ka líiʼsik a kʼab tu contra in enemigoʼob pʼujaʼanoʼoboʼ.
Yaan a salvarken yéetel a x-noʼoj kʼab.
8 Jéeobaeʼ yaan u beetik tuláakal baʼal utiaʼal in wutsil.
Jéeoba Dios, techeʼ mantatsʼ ka weʼesik nojoch yaabilaj.+
Maʼ a xúumpʼatkoʼon, tumen teech beetmiloʼon.+
