Proverbios 6:1-35
6 In paal, wa tsʼoʼok a pʼaxkaba tu yoʼolal a wéet máakil,*+wa tsʼoʼok a beetik junpʼéel trato yéetel juntúul máak,+
2 wa tsʼoʼok a kʼaxkaba yéetel le promesa ta beetoʼ,yéetel wa tsʼoʼok u kʼaxkech le tʼaanoʼob jóokʼ ta chiʼoʼ,+
3 in paal, letiʼe baʼax unaj a beetik utiaʼal a púutsʼulaʼ,tumen tsʼoʼok a lúubul tu kʼab a wéet máakil:
xeeneʼ ka a mixbaʼalkúuntaba tu táan, yéetel tu séebaʼanil unaj a sen kʼáatiktiʼ ka u chʼaʼtech óotsilil.+
4 Wa maʼ a beet leloʼ, maʼ a wenelmix a chaʼik u múutsʼul a wichoʼob.
5 Púutsʼkech jeʼex u púutsʼul juntúul kéej tu kʼab le máax ku tsʼoonoʼ,jeʼex u púutsʼul juntúul chʼíichʼ tu kʼab le máax ku chuk chʼíichʼoʼ.
6 Maʼakʼóol máak, xeen teʼ tuʼux yaan le síinikoʼoboʼ.+
Ilawil bix u kuxtaloʼob, beyoʼ yaan u yantal a naʼat.
7 Kex minaʼan máax nuʼuktikoʼob, kex minaʼan u jefeʼob yéetel kex minaʼan máax tusik u beeloʼobeʼ,
8 tu kʼiiniloʼob cosechaeʼ letiʼobeʼ ku kaxtik u yoʼochoʼob,+ku juntarkoʼob baʼal u jaantoʼob.
9 Maʼakʼóol máak, ¿maʼ wa náakak a wóol chitaliʼ?
¿Maʼ wa pʼiisak a weenliʼ?
10 Wa ka wenel junpʼíit maas, wa ku múutsʼul a wich junsúutuk maasyéetel wa ka pʼáatal a méekʼ a kʼabeʼ,+
11 séebaʼan kan óotsiltal, bey ka u jáan atacartech juntúul ookoleʼ,yéetel bey ka láaj chʼaʼabak baʼaxoʼob yaantech tumen juntúul máax u chʼaʼamaj u armaeʼ.+
12 Juntúul kʼasaʼan máak mix baʼal u biilaleʼ chéen tuus ku máan u beete,+
13 ku chakʼik u yich,+ ku péepeksik u yookoʼob yéetel ku péepeksik u kʼaboʼob.
14 Yéetel u kʼasaʼan puksiʼikʼaleʼ táan u tuklik bix jeʼel u beetik kʼaaseʼ+yéetel chéen táan u máan u beet u yantal baʼateʼel.+
15 Le oʼolaleʼ chéen ken jáan káajak u bin kʼaasil tiʼ,chéen ken jáan xuʼulsaʼaktiʼ, maʼ kun páajtal u púutsʼul.+
16 Yaan seis baʼaloʼob pʼektaʼan tumen Jéeoba.
Jach beyoʼ, siete baʼaloʼob jach táaj u pʼekmaj:
17 ichoʼob jach ku creerkubaʼob,+ junpʼéel aakʼ ku tuus,+ kʼaboʼob ku wekikoʼob u kʼiʼikʼel juntúul máax mix baʼal kʼaas u beetmaj,+
18 junpʼéel puksiʼikʼal ku chʼaʼtuklik u beetik baʼaloʼob kʼaastak+ yéetel ookoʼob chich u yáalkaboʼob utiaʼal u bin u beetoʼob baʼax maʼ maʼalobiʼ,
19 juntúul máak chéen tuus ku beetik kéen u beet u testigoil tiʼ wa baʼax,+yéetel jeʼel máaxak ku beetik u yantal problemas ichil sukuʼuntsiloʼobeʼ.+
20 In paal, beet baʼax ku yaʼaliktech a papá,yéetel maʼ a xúumpʼattik baʼax ku kaʼansiktech* a maama.+
21 Ilawil u pʼáatal mantatsʼ ta puksiʼikʼal le baʼaxoʼob ku yaʼalikoʼobtechoʼ,kʼaxláantoʼob ta kaal.
22 Letiʼob kun nuʼuktikechoʼob jeʼel tuʼuxak ka xiʼikecheʼ,le kéen chilakecheʼ yaan u kanáantkechoʼob,yéetel le kéen aajkecheʼ yaan u tʼankechoʼob.*
23 Tumen le baʼax ku yaʼalaʼaltech ka a beetoʼ bey junpʼéel lámparaeʼ,+yéetel le leyoʼ bey junpʼéel sáasileʼ,+le u tojkíintaʼal yéetel le u tsoʼolol u nuʼuk tiʼ máakoʼ letiʼ u bejil le kuxtaloʼ.+
24 Yaan u kanáantkechoʼob tiʼ le x-kʼasaʼan koʼoleloʼ,+yaan u kanáantkechoʼob tiʼ u chʼujuk tʼaan le koʼolel minaʼan u suʼtaloʼ.*+
25 Maʼ a tsʼíiboltik u kiʼichpanil yéetel a puksiʼikʼal,+maʼ a chaʼik u táabsikech yéetel u jatsʼutsil u yichoʼob,
26 tumen juntúul x-prostitutaeʼ jach jeʼel u yóotsilkuntik máakeʼ,*+pero juntúul koʼolel tsʼokaʼan u beeleʼ jeʼel tak u beetik u perdertik u kuxtal máakeʼ.
27 ¿Jeʼel wa u páajtal u jayik máak chakjoleʼen chúuk tu tseem sin ke u yelel u nookʼeʼ?+
28 ¿Jeʼel wa u páajtal u máan máak ich chakjoleʼen chúuk sin ke u yelel u yookeʼ?
29 Bey jeʼel u yúuchul tiʼ jeʼel máaxak ka yanak baʼal u yil yéetel u yatan yaanal máakoʼ,jeʼel máaxak ka u mach juntúul koʼolel beyoʼ maʼ ken u jech u castigartaʼal.+
30 Le máakoʼoboʼ maʼatech u pʼektikoʼobjuntúul máax ku yookol utiaʼal u máansik u wiʼijil.
31 Kex beyoʼ le kéen chuʼukukeʼ yaan u boʼotik siete u téenel le baʼax u chʼaʼamoʼ,yaan u kʼubik tuláakal le baʼaxoʼob yaan tu yotochoʼ.+
32 Le máax ku yantal baʼal u yil yéetel juntúul koʼolel tsʼokaʼan u beeleʼ maʼ tu yóol yaniʼ,*le máax ku beetik junpʼéel baʼal beyoʼ tu juunal ku loobiltkuba.+
33 Yaan u náajaltik u sen muʼyaj yéetel u pʼáatal kʼaasil,+mantatsʼ kun pʼáatal ich suʼtsilil.+
34 Tumen junpʼéel baʼal beyoʼ* ku beetik u sen pʼuʼujul juntúul íichamtsil,letiʼeʼ maʼ ken u chʼaʼ óotsilil le kéen u vengartuba.+
35 Maʼ ken u yóot u kʼam mix baʼal tu yoʼolal,maʼ kun xuʼulul u pʼujaʼanil kex jeʼel bukaʼaj koʼojil le baʼax ken a síitiʼoʼ.
Notas
^ Wa «wa tsʼoʼok a waʼalik teech kan responder tu yoʼolal u pʼaax a wéet máakil».
^ Wa «u ley».
^ Wa «kaʼansikechoʼob».
^ Wa «juntúul koʼolel maʼatech u kuxtal jeʼex uts tu tʼaan Dioseʼ».
^ Ich hebreoeʼ ku yaʼalaʼal kaʼach «jeʼel u pʼatik máak chéen yéetel jun chan xéetʼ waajeʼ».
^ Ich hebreoeʼ ku yaʼalaʼal kaʼach «minaʼan u puksiʼikʼal».
^ Wa «Tumen le celosoʼ».
