Job 38:1-41
38 Le táan le kʼaʼamkach iikʼoʼ Jéeobaeʼ tu yaʼalaj tiʼ Job:+
2 «¿Máax le ku atrever u kʼaskúunt baʼaxoʼob kin waʼalikyéetel ku tʼaan kex maʼ u yojel mix baʼaliʼ?+
3 Jeʼex juntúul xiib maʼatech u chʼaʼik saajkileʼ beet uts a prepararkaba,tumen yaan baʼaxoʼob ken in kʼáattech, teech túuneʼ unaj a núukikten.
4 ¿Tuʼux yanech ka tin beetaj le luʼumoʼ?+
Wa ka tuklik a wojleʼ, aʼalten.
5 ¿A wojel wa máax chʼaʼtukult bukaʼaj nojchil unaj u beetaʼal?
¿A wojel wa máax sin junpʼéel suum utiaʼal u pʼisik?
6 ¿A wojel wa tiʼ baʼax etsʼekbal u baseil le luʼumaʼ?
¿A wojel wa máax tsʼáa u cimientoil?+
7 Le ka úuch lelaʼ le estrellaʼob+ ku jóokʼloʼob le táan u taal u sáastaloʼ káaj u yawatoʼob tumen kiʼimak u yóoloʼob,le ángeloʼoboʼ*+ joʼopʼ u kʼaʼam alabarkoʼob Dios.
8 Le ka yanchaj le kʼáaʼnáaboʼ,¿a wojel wa máax tsʼáa u joonajiloʼob utiaʼal u kʼaʼalal u beel?+
9 ¿Tuʼux yanech le ka tin pixaj le kʼáaʼnáab yéetel múuyaloʼob,le ka tin báatsʼtepʼtaj yéetel box múuyaloʼob,
10 le ka tin chʼaʼtuklaj tak tuʼux unaj u náakal,le ka tin tsʼáaj u joonajiloʼob yéetel ka tin trancartoʼoboʼ?+
11 ¿Tuʼux yanech le ka tin waʼalajtiʼ: ‹Tak way kan náakleʼ, mix tuʼux maas,way kun náakal a nukuch olaseʼ›?+
12 ¿Yaan wa kʼiin tsʼoʼok a tsʼáaik orden utiaʼal ka sáasak,wa a waʼalik tiʼ le sáasil tuʼux unaj u tíipʼil+
13 utiaʼal ka juulnak tiʼ tuláakal yóokʼol kaabyéetel ka u beet u kʼiʼitpajal le kʼasaʼan máakoʼoboʼ?+
14 Le sáasiloʼ ku beetik u kʼexpajal le luʼum jeʼex u beetik le sello tiʼ le kʼatoʼ,ku beetik u chíikpajal le baʼaloʼob jatsʼutskíintikoʼ, beyoʼob jeʼex le adornoʼob jatsʼutskíintik junpʼéel nookʼoʼ.
15 Le sáasil yaan tiʼ le kʼasaʼan máakoʼoboʼ ku luʼsaʼaltiʼob,ku xuʼulul u beetkoʼob loob.
16 ¿Tsʼoʼok wa a wéemel tak tuʼux yaan u sayabil le kʼáaʼnáaboʼ?
¿Tsʼoʼok wa a kʼuchul tu maas taamil le kʼáaʼnáaboʼ?+
17 ¿Tsʼoʼok wa u yeʼesaʼaltech u joonajil le kíimiloʼ?+
¿Tsʼoʼok wa a wilik u joonajil le tuʼux jach táaj éeʼjochʼeʼenoʼ?+
18 ¿A wojel wa bukaʼaj nojchil le luʼumaʼ?+
Wa a wojleʼ, aʼalten.
19 ¿A wojel wa tuʼux yaan u yotoch le sáasiloʼ,+bey xan tuʼux kajaʼan le éeʼjochʼeʼenil
20 utiaʼal ka a bisoʼob tuʼux kajaʼanoʼob,yéetel utiaʼal ka a kʼaj óolt u bejil u yotochoʼoboʼ?
21 Tuláakal le baʼaloʼobaʼ, ¿a wojel wa tumen tsʼokaʼaniliʼ a síijil le ka tin beetoʼobeʼ?
¿A wojel wa tumen yaʼab años yaantech?
22 ¿Tsʼoʼok wa a wokol teʼ tuʼux yaan le nieve+bey xan teʼ tuʼux yaan le bat*+
23 in líiʼsmaj utiaʼal yaayaj kʼiinoʼob,utiaʼal u kʼiinil baʼateʼel yéetel u kʼiinil guerraoʼ?+
24 ¿A kʼaj óol wa le bej tuʼux ku kʼiʼitpajal le sáasil,yéetel desde tuʼux ku káajal u saltaʼal le luʼum tumen le iikʼ ku taal lakʼinoʼ?+
25 ¿Máax jeʼik u beel le bukaʼaj jaʼ yaan teʼ kaʼanoʼ?
¿Máax beetik u beel le box múuyal ku kíilbal,+
26 utiaʼal u kʼáaxal jaʼ tuʼux mix máak kajaʼan,teʼ desierto tuʼux mix máak yaan,+
27 utiaʼal u chʼulik le tikin luʼumutiaʼal ka jóokʼok suʼukoʼ?+
28 ¿Máax u papá le jaʼ ku kʼáaxloʼ?+
¿Máax u papá le pʼuuljaʼoʼ?+
29 ¿Máax u maama le hielooʼ?
¿Máax u maama le nieve ku kʼáaxal desde teʼ kaʼanoʼ?+
30 ¿Máax beetik u pʼáatal bey tuunich u yóoʼkabil le jaʼoʼ?
¿Máax beetik u suut hieloil u yóoʼkabil le taamkach jaʼoboʼ?+
31 ¿Jeʼel wa u páajtal a kʼaxik u suumiloʼob le junmúuchʼ estrellaʼob ku kʼaabaʼtik Kimáoʼ?*
¿Jeʼel wa u páajtal a wachʼik u suumiloʼob le junmúuchʼ estrellaʼob ku kʼaabaʼtik Kesiloʼ?*+
32 ¿Jeʼel wa u páajtal a beetik u chíikpajal le junmúuchʼ estrellaʼob jach teʼ kʼiin unaj u chíikpajloʼoboʼ?
¿Jeʼel wa u páajtal a nuʼuktik le junmúuchʼ estrellaʼob ku kʼaabaʼtik Ash* paʼteʼ yéetel u paalaloʼ?
33 ¿A kʼaj óol wa le leyoʼob controlartik le baʼaxoʼob yaan teʼ kaʼanoʼ?+
¿Jeʼel wa u páajtal xan a beetik u meyajoʼob yóokʼol le luʼumaʼ?
34 ¿Jeʼel wa u páajtal a waʼalik tiʼ le múuyaloʼobka u láaloʼob kʼaʼamkach jaʼ ta wóokʼoloʼ?+
35 ¿Jeʼel wa u páajtal a túuxtik le rayoʼob u beetoʼob baʼax a kʼáat,ku tsʼoʼoleʼ ka suunakoʼob u yaʼaloʼobtech: ‹Tsʼoʼok k-beetik le baʼax ta waʼaloʼ›?
36 ¿Máax tsʼáa naʼat tiʼ le múuyaloʼoboʼ?*+
¿Máax tsʼáa naʼat tiʼ le baʼaloʼob yaan teʼ kaʼanoʼ?+
37 ¿Máax jach yaan u naʼat utiaʼal ka u xok jaypʼéel múuyaloʼob yaan?
¿Máax jeʼel u walkʼesik le tinajaʼob chuup yéetel jaʼ yaan teʼ kaʼan+
38 utiaʼal u suut luukʼil le luʼumoʼbey xan utiaʼal u chʼulik yéetel u beetik u machkuba le luʼum jach tikinoʼ?
39 ¿Jeʼel wa u páajtal a kaxtik baʼal u jaant juntúul león,bey xan a naʼajkúuntik le táankelem leónoʼob+
40 u taʼakmubaʼob táan u kaxtik baʼal u chukoʼobwa le u taʼakmubaʼob utiaʼal u chʼúukoʼoboʼ?
41 ¿Máax tsʼáaik janal tiʼ le cuervo*+utiaʼal u bis tiʼ u mejniloʼob le táan u kʼáatkoʼob áantaj tiʼ Dios,le táan u suʼusutkubaʼob tumen minaʼan baʼal u jaantoʼoboʼ?
Notas
^ Ich hebreoeʼ ku yaʼalaʼal kaʼach «u paalal Dios».
^ Wa «granizo».
^ Maʼ xaaneʼ letiʼe constelación wa le múuchʼ estrellaʼob ku kʼaabaʼtik Oriónoʼ.
^ Maʼ xaaneʼ letiʼe estrellaʼob ku kʼaabaʼtik Pléyades yaan ichil le constelación wa le múuchʼ estrellaʼob ku kʼaabaʼtik Taurooʼ.
^ Maʼ xaaneʼ letiʼe constelación wa le múuchʼ estrellaʼob ku kʼaabaʼtik Osa Mayoroʼ.
^ Uláakʼ bix u traducirtaʼaleʼ «wíinikoʼoboʼ».
^ Le chʼíichʼaʼ chíikaʼan tiʼ kʼaʼaw, chéen baʼaleʼ maas nojoch.
