Isaías 44:1-28
44 «Jacob, techeʼ in j-meyajech, uʼuy a wuʼuy baʼax ken in waʼaltech.
Israel, teneʼ tsʼoʼok in yéeyikech, uʼuy a wuʼuy lelaʼ.+
2 Lelaʼ letiʼe baʼax ku yaʼalik Jéeobale Máax Beetmilech yéetel tsʼaamil a kuxtaloʼ,+le máax áantech desde le tiaʼanech ichil u nakʼ a maamaoʼ:*
‹Jacob, techeʼ in j-meyajech, maʼ a chʼaʼik saajkil.+
Jesurún,* teen yéeymilech, maʼ a sajaktal.+
3 Teneʼ yaan in tsʼáaik jaʼ u yukʼ le máax ukʼajoʼ,*+yaan in beetik u yáalkab jaʼ teʼ tuʼux tikin le luʼumoʼ.
Yaan in láalik in poder tu yóokʼol a paalal,+yaan in láalik in bendición tu yóokʼol a paalal.
4 Letiʼobeʼ yaan u jóokʼloʼob jeʼex le yaʼax suʼukoʼ,+yaan u pʼáatloʼob jeʼex le u cheʼiloʼob álamo yanoʼob teʼ tuʼux ku yáalkab jaʼoʼ.
5 Juntúuleʼ yaan u yaʼalik: «U tiaʼalen Jéeoba».+
Uláakʼ juntúuleʼ yaan u yaʼalik Jacob u kʼaabaʼ.
Uláakʼ xan juntúuleʼ yaan u tsʼíibtik tu kʼab: «Jéeoba in yuumil».
Letiʼeʼ yaan u yaʼalik Israel u kʼaabaʼ›.
6 Lelaʼ letiʼe baʼax ku yaʼalik Jéeoba,u Rey Israel,+ le Máax kaʼa manikoʼ,+ Jéeoba le máax gobernartik le ángeloʼoboʼ:
‹Teneʼ Diosen desde tu káajbal bey xan utiaʼal kʼiinoʼob minaʼan u xuul,+chéen teen Diosen, minaʼan uláakʼ.+
7 ¿Yaan wa uláakʼ Dios jeʼex teneʼ?+
¡Tʼaanak, kʼaʼam tʼaanak utiaʼal u yaʼalik, yéetel ka u yeʼesten jaaj baʼax ku yaʼalik!+
Wa yaan juntúuleʼ ka u yaʼal baʼaxoʼob ku taal u kʼiinyéetel baʼaxoʼob kun úuchul maas táanil,jeʼex tsʼoʼok in beetik desde le ka tin beetaj u yantal le kaaj úuchjeakiloʼ.
8 In kaajal, maʼ a sen sajaktaleʼex,maʼ a sajaktaleʼex ka pʼáatak mix tu páajtal a péekeʼex.+
¿Maʼ wa in waʼalmiliʼ tiʼ cada juntúul tiʼ teʼex tuláakal le baʼaloʼobaʼ?
Teʼexeʼ in testigoʼex.+
¿Yaan wa uláakʼ Dios aparte tiʼ teen?
Minaʼan, minaʼan uláakʼ bey junpʼéel nuxiʼ tuunich tuʼux a balikabaʼexeʼ.+ Teneʼ minaʼan in kʼaj óoliʼ›».
9 Tuláakal le máaxoʼob ku beetkoʼob imagenoʼoboʼ mix baʼal u biilaloʼob.
Le baʼaloʼob jach u yaabiltmoʼoboʼ mix junpʼéel utsil ken u taastiʼob.+
Le imagenoʼoboʼ maʼ tu páajtal u beetik u testigoiloʼob tumen maʼ tu páajtal u yilkoʼob mix baʼal yéetel maʼ u yojloʼob mix baʼaliʼ,+le oʼolaleʼ yaan u paʼajal u suʼtal le máaxoʼob beetmiloʼoboʼ.+
10 ¿Bix u atrever juntúul máak u beet juntúul dios yéetel u beet junpʼéel imagen de metalkex mix junpʼéel utsil ku taasik?+
11 ¡Uʼuy a wuʼuyeʼex lelaʼ! ¡Tuláakal le máaxoʼob yanoʼob tu yéeteloʼ yaan u paʼajal u suʼtaloʼob!+
Le máaxoʼob beetik le imagenoʼoboʼ chéen máakoʼob.
Ka u muchʼubaʼob tuláakloʼob yéetel ka yanakoʼob teʼ tuʼux aʼalaʼantiʼoboʼ.
Yaan u beetaʼal u sen sajaktaloʼob yéetel yaan u láaj paʼajal u suʼtaloʼob.
12 Le máax meyajtik le metaloʼ ku chʼaʼik u herramienta utiaʼal u meyajtik le fierro ku chokokíintik yéetel chúukoʼ.
Letiʼeʼ ku babaxjatsʼtik yéetel martillo utiaʼal u tsʼáaik forma tiʼ,ku meyajtiʼ u muʼukʼaʼan kʼaboʼob utiaʼal u beetik.+
Chéen baʼaleʼ le kéen wiʼijchajkeʼ ku pʼáatal minaʼan u muukʼ.
Le kéen pʼáatak maʼ tu yukʼik jaʼeʼ ku kaʼanal.
13 Le máax ku póol cheʼoʼ ku sinik le cordel tu yóokʼol le cheʼoʼ, tsʼoʼoleʼ ku marcartik yéetel chak gis.
Tsʼoʼoleʼ ku póolik yéetel u herramientail u póol cheʼ, ku bin u trazartik yéetel junpʼéel compás,ku póolik u forma juntúul máakiʼ,+jeʼex u jatsʼutsil juntúul wíinikeʼ,ku beetik utiaʼal u yetsʼkúuntaʼal ichil junpʼéel naj.*+
14 Yaan máakeʼ u meyajeʼ u chʼakik cedroʼob.
Letiʼ xaneʼ ku yéeyik junpʼéel clase nojoch cheʼ,*yéetel ku chaʼik u nojochtal ichil u maasil cheʼob teʼ kʼáaxoʼ.+
Letiʼ xaneʼ ku pakʼik junkúul laurel yéetel kéen kʼáaxak jaʼeʼ ku nojochtal.
15 Kéen máanak kʼiineʼ le cheʼoʼ ku meyaj tiʼ máak utiaʼal u tʼabik kʼáakʼ.
Letiʼeʼ ku chʼaʼik junxóotʼ tiʼ le cheʼ utiaʼal u kʼíichoʼ,tu yéetel xaneʼ ku tʼabik kʼáakʼ utiaʼal u beetik waaj u jaante.
Yéetel le cheʼoʼ ku beetik xan juntúul dios utiaʼal u adorarte.
Ku póolik junpʼéel imagen, tsʼoʼoleʼ ku chintal tu táan.+
16 Táanchumuk tiʼ le cheʼoʼ ku meyajtiʼ utiaʼal u tʼabik kʼáakʼ,tu yéeteleʼ ku kʼáaʼtik le bakʼ ken u jaantoʼ, bey túunoʼ ku naʼajtal.
Tumen kʼíinal u yuʼubik le kʼáakʼoʼ ku yaʼalik:
«¡Jach maʼalob le kʼáakʼ utiaʼal in kʼíichaʼ!».
17 Chéen baʼaleʼ yéetel u yalabeʼ ku beetik juntúul dios, ku beetik junpʼéel imagen.
Le máak túunaʼ ku chintal tu táan utiaʼal u adorarte.
Ku orar tiʼ letiʼ, ku yaʼalik:
«Salvarteniʼ, tumen teech in dios».+
18 Le máakoʼob beetik beyoʼ maʼ tu naʼatkoʼob mix baʼal,+letiʼobeʼ maʼalob pixaʼanil u yichoʼob, maʼ tu páajtal u paakatoʼobyéetel minaʼan u naʼat u puksiʼikʼaloʼob.
19 Mix máak tuklik ichil u puksiʼikʼal,mix máak tsʼoʼok u kaanbal yéetel mix máak yaan u naʼat ka u yaʼal:
«Táanchumuk tiʼ le cheʼoʼ meyajnajten utiaʼal in tʼabik kʼáakʼ,yéetel u chúukileʼ tin takʼankúuntaj in woʼoch waaj yéetel tin kʼáaʼtaj in woʼoch bakʼ.
¿Unaj wa túun in beetik junpʼéel x-laʼ baʼal yéetel u yalab le cheʼoʼ?+
¿Unaj wa in adorartik junxóotʼ tikin cheʼ?».
20 Le máax ku beetik beyoʼ bey táan u jaantik taʼaneʼ.
Tumen tusaʼan u puksiʼikʼaleʼ ku beetaʼal u saʼatal bej tiʼ.
Maʼ tu páajtal u salvarkuba, mix tu páajtal u yaʼalik:
«Le baʼax yaan tin kʼabaʼ mix baʼal u biilal».
21 «Jacob, maʼ a tuʼubsik le baʼaloʼobaʼ. Israel, maʼ a tuʼubsik le baʼaloʼobaʼtumen techeʼ in j-meyajech.
Teen beetmilech, techeʼ in j-meyajech.+
Israel, teneʼ maʼ ken in tuʼubsech.+
22 Teneʼ yaan in tupik le baʼaxoʼob maʼ maʼalob a beetmoʼ+yéetel yaan in pixik a kʼebanoʼob yéetel junpʼéel múuyal.
Suunen tin wiknal tumen teneʼ yaan in kaʼa manikech.+
23 Kaʼaneʼex, ¡awatnakeʼex yéetel kiʼimak óolaltumen tsʼoʼok u beetik Jéeoba le baʼax u chʼaʼtukultmoʼ!
U taamileʼex luʼum, ¡awatnakeʼex tumen tsʼoʼok a ganareʼex!
¡Awatnak yéetel kiʼimak óolal le montañaʼoboʼ,+le kʼáaxoʼoboʼ bey xan u cheʼiloʼob!
Tumen Jéeobaeʼ tsʼoʼok u kaʼa manik Jacob,yéetel ku yeʼesik u kiʼichkelmil tu yóokʼol Israel».+
24 Lelaʼ letiʼe baʼax ku yaʼalik Jéeoba le Máax kaʼa manikechoʼ,+le máax beet a formar desde tu nakʼ a maamaoʼ:
«Teneʼ Jéeobaen, teen beet tuláakal baʼal.
Teen jaymil le kaʼanoʼ, tin juunal tin beetaj,+teen beetmil xan le luʼumoʼ.+
¿Yaan wa juntúul máak áanten in beete?
25 Teneʼ maʼ tin chaʼik u chíikpajal le señaloʼob ku yaʼalik le maʼ jaajil profetaʼoboʼ.
Teen beetik u pʼáatal le j-meenoʼob jeʼex le máaxoʼob minaʼan u naʼatoʼoboʼ.+
Teen beetik u xaʼakʼpajal u tuukul le máaxoʼob yaan u naʼatoʼoboʼ,teen beetik u pʼáatal mix baʼal u biilal le baʼaxoʼob u yojloʼoboʼ.+
26 Teen beetik u béeytal le baʼax ku yaʼalik le máax meyajtikenoʼ.
Teen beetik u yúuchul tuláakal le baʼaxoʼob ku yaʼalik le máaxoʼob bisik in tʼaanoʼ.+
Teen aʼalik tu yoʼolal Jerusalén: ‹Yaan u kaʼa antal u kajnáaliloʼob›.+
Teen aʼalik xan tu yoʼolal u kaajiloʼob Judá: ‹Yaan u jel beetaʼaloʼob.+
Yaan in jel líiʼsik u pakʼiloʼob›.+
27 Teen aʼalik tiʼ le taamkach jaʼoboʼ: ‹Saʼapʼakeʼex,teneʼ yaan in tikinkúuntik tuláakal le ríoʼob ku taal tiʼ teʼexoʼ›.+
28 Teen aʼalik tu yoʼolal Ciro:+ ‹Letiʼ le j-kanan taman in yéeymoʼ,letiʼeʼ yaan u beetik tuláakal baʼax in kʼáat›.+
Teen aʼalik tu yoʼolal Jerusalén: ‹Yaan u jel líiʼsaʼal›.
Teen aʼalik tu yoʼolal le templooʼ: ‹Yaan u beetaʼal u cimientoil›».+
Notas
^ Wa «desde ka síijechoʼ».
^ U kʼáat u yaʼal «Juntúul Máak Beetik Baʼax Toj», lelaʼ junpʼéel kʼaabaʼ ku tsʼaʼabal tiʼ Israel utiaʼal u yeʼesaʼal respeto tiʼ.
^ Wa «yaan in láalik jaʼ tu yóokʼol le luʼum ukʼajoʼ».
^ Wa «lugar tuʼux ku yúuchul adorar».
^ U kʼaabaʼ le cheʼaʼ «encino».
