Isaías 27:1-13
27 Teʼ kʼiin jeʼeloʼ Jéeobaeʼ yaan u chʼaʼik u nuxiʼ espada, junpʼéel espada yaan u yej yéetel ku beetik u sajaktal máak.+
Le kéen tsʼoʼokkeʼ yaan u sutik u yich tu tojil Leviatán,* le kaan jach péekaʼanyéetel ku chʼoʼochʼotkubaoʼ.
Letiʼeʼ yaan u kíimsik le nuxiʼ kaan yaan teʼ kʼáaʼnáaboʼ.
2 Teʼ kʼiin jeʼeloʼ unaj a kʼaykeʼex tiʼ letiʼ:*
«¡Teech le u matailoʼob uva ikil u beetaʼal le vino ku yóomankiloʼ!+
3 Teen Jéeoba, teen kanáantik,+láalaj hora táan in jóoyabtik,+bul kʼiin yéetel bul áakʼab táan in kanáantikutiaʼal maʼ u kʼaskúuntaʼal tumen mix máak.+
4 Teneʼ maʼ pʼujaʼaneniʼ,+chéen baʼaleʼ wa yaan máax ku tsʼáaik kʼiʼixoʼob yéetel kʼaakʼas xíiwoʼob ichil in pakʼal uvaeʼ yaan in baʼateʼel tu contra,teen xaneʼ yaan in yayaʼchaʼatik yéetel yaan in láaj tóokik le kʼiʼixoʼob yéetel le kʼaakʼas xíiwoʼoboʼ.
5 Chéen baʼaleʼ wa maʼ u kʼáat ka úuchuk leloʼ taalak tin wiknal,unaj u yilik u yantaltiʼ jeetsʼelil tin wéetel,unaj u kaxtik jeetsʼelil tin wéetel».
6 Teʼ kʼiinoʼob ku taaloʼ Jacobeʼ yaan u tabik u moots,Israeleʼ yaan u loolankil yéetel yaan u jóokʼol u kʼuʼukʼ,+letiʼobeʼ yaan u chupikoʼob le luʼum yéetel u yichoʼoboʼ.+
7 ¿Unaj wa u jaʼatsʼal jeʼex táan u jaʼatsʼaloʼ?
¿Unaj wa u kíimsaʼal jeʼex táan u kíimsaʼaloʼ?
8 Techeʼ yaan a castigartik, yaan a kʼaʼam tʼantik utiaʼal a tojolchʼintik,yaan a táaj ustik utiaʼal a beetik u bin, yaan a táaj ustik tu kʼiinil yaan lakʼin iikʼ.+
9 Lelaʼ letiʼe baʼax kun beetbil utiaʼal u perdonartaʼal le baʼax u beetmaj Jacoboʼ,+yéetel letiʼe baʼax kun úuchul le kéen luʼsaʼak u kʼebanoʼ:
letiʼeʼ yaan u beetik u pʼáatal u tuunichiloʼob le altarjeʼex le sajkab tuunichoʼob tsʼoʼok u xiixkúuntaʼaloʼoboʼ,maʼ kun pʼáatal mix junpʼéel tiʼ le cheʼob ku adorartaʼaloʼ mix xan junpʼéel u nuʼukulil incienso.+
10 Mix máak kun pʼáatal kajtal teʼ kaaj kaʼanal u pakʼiloʼ.
Yaan u tuʼubsaʼal le tuʼux yaʼab suʼuk yanoʼ, yaan u xúumpʼattaʼal jeʼex junpʼéel desiertoeʼ.+
Tiʼ kun janal le chan wakaxoʼ, tiʼ ken u jeʼelsubaiʼ,yéetel yaan u jaantik le mejen gajosoʼ.+
11 Le kéen tijik le mejen gajosoʼ,yaan u taal le koʼoleloʼoboʼ yéetel yaan u kachkoʼob,le kéen tsʼoʼokkeʼ ku tʼabkoʼob kʼáakʼ tu yéeteloʼob.
Le kaajaʼ jach minaʼan u naʼat,+le oʼolal maʼ kun chʼaʼabil óotsilil tiʼ tumen le Máax Beetoʼ,le Máax Beetoʼ maʼ ken u yeʼes u yutsil tiʼ.+
12 U kaajil Israel,+ jeʼex u bin u moʼolol u yich junkúul cheʼ le kéen tsʼoʼokok u tíitaʼaleʼ, bey ken u beetil Jéeoba tiʼ teʼex kʼiʼitpajaʼaneʼex desde teʼ Río* tak tu Táax Luʼumil Egiptooʼ.+
13 Teʼ kʼiin jeʼeloʼ yaan u yustaʼal junpʼéel nojoch baak.+ Le máaxoʼob túun taʼaytak u kíimloʼob tu luʼumil Asiria+ yéetel le máaxoʼob kʼiʼitpajaʼanoʼob tu luʼumil Egiptooʼ+ yaan u taaloʼob yéetel yaan u chintaloʼob tu táan Jéeoba tu montañail Jerusalén, teʼ lugar santooʼ.+
Notas
^ Ilawil página 2569.
^ Maʼ xaaneʼ teʼelaʼ táan u yúuchul tʼaan tiʼ Israel, táan u keʼetel yéetel u matail uva.
^ Uláakʼ bix kʼaj óolaʼanileʼ Éufrates.
