1 Crónicas 5:1-26
5 U yáax hijo Israeleʼ, Rubén,+ chéen baʼaleʼ letiʼeʼ yanchaj baʼal u yil yéetel le uláakʼ u yatan u papáoʼ.+ Le oʼolaleʼ le derecho yaantiʼ bey yáax hijooʼ luʼsaʼabtiʼeʼ ka tsʼaʼab tiʼ u hijoʼob José,+ u hijo Israel. Tu yoʼolal leloʼ le ka tsʼíibtaʼab u kʼaabaʼ le máaxoʼob yanoʼob ichil u familia Rubénoʼ maʼ tsʼíibtaʼab de ke letiʼ le yáax hijooʼ.
2 Kex Judá+ maas anchaj u páajtalil tiʼ u sukuʼunoʼob yéetel kex tiʼ letiʼ taal le máax ken u beet u nojchiloʼ,+ le derecho yaan tiʼ le yáax hijooʼ pʼáat tiʼ José.
3 U hijoʼob Rubén, u yáax hijo Israeleʼ, letiʼe jeʼeloʼobaʼ: Anok, Palú, Ezrón yéetel Karmí.+
4 U hijoʼob Joeleʼ letiʼe jeʼeloʼobaʼ: Semaya, Gog, Simey,
5 Miqueas, Reayá, Baal
6 yéetel Beeraj, le máax bisaʼab tumen Tilgat-pilnéser+ u reyil Asiriaoʼ. Beeraj kaʼacheʼ juntúul tiʼ u nuuktakil le rubenitaʼoboʼ.
7 U sukuʼunoʼob Beeraj según bix tsʼíibtaʼanil u kʼaabaʼ u familiaʼobeʼ letiʼe jeʼeloʼobaʼ: u nojchil ichiloʼobeʼ Jeyeel, tsʼoʼoleʼ Zacarías
8 bey xan Bela, letiʼeʼ u hijo Azaz u yáabil Sema yéetel u kaʼa áabil Joel. Le máaxoʼob yanoʼob ichil u familia Belaeʼ kajaʼanoʼob kaʼach desde Aroer+ tak Nebo bey xan tak Baal-meón.+
9 Letiʼobeʼ binoʼob lakʼineʼ ka kajlajoʼob tak teʼ tuʼux ku káajal le desierto yaan tu jáal le Río Éufratesoʼ,+ kajlajoʼob teʼeloʼ tumen tsʼoʼok u jach yaʼabtal le u yaalakʼoʼob yaantiʼob tu luʼumil Galaadoʼ.+
10 Tu kʼiiniloʼob Saúleʼ letiʼobeʼ baʼatelnajoʼob tu contra le agritaʼoboʼ ka ganarnajoʼob. Letiʼobeʼ tu chʼaʼajoʼob le najoʼob de nookʼ yaan kaʼach tiʼ le agritaʼoboʼ ka pʼáatoʼob kajtal tiʼ tuláakal le luʼum yaan tu lakʼinil Galaadoʼ.
11 U paalal Gadeʼ kajlajoʼob tu tséel u paalal Rubén, kajlajoʼob desde tu luʼumil Basán tak Saleká.+
12 Tu luʼumil Basáneʼ u maas nojchileʼ Joel, le kéen tsʼoʼokkeʼ Safam, tu yéeteloʼobeʼ tiaʼan xan Janay yéetel Safatiʼ.
13 U láakʼtsiloʼobeʼ letiʼe jeʼeloʼobaʼ: Miguel, Mesulam, Seba, Joray, Jakán, Ziya yéetel Éber, tuláakloʼobeʼ siete u túulaloʼob. Letiʼob kaʼacheʼ u nuuktakil u familiaʼob.
14 Le jeʼeloʼobaʼ u hijoʼob Abiyail u hijo Jurí. Juríeʼ u hijo Jaroaj, Jaroajeʼ u hijo Galaad, Galaadeʼ u hijo Miguel, Migueleʼ u hijo Jesisay, Jesisayeʼ u hijo Jadó, yéetel Jadóeʼ u hijo Buz.
15 Ayí u hijo Abdiel u yáabil Guníeʼ letiʼ kaʼach u nojchil ichil u familiaʼob.
16 Letiʼobeʼ kajlajoʼob tu luʼumil Galaad,+ Basán+ yéetel teʼ kaajoʼob yanoʼob tu baʼpachoʼ, binoʼob xan kajtal tak Sarón. Tu luʼumil Saróneʼ kajlajoʼob tiʼ tuláakal le lugaroʼob tuʼux yaan janal utiaʼal u yaalakʼoʼoboʼ.
17 Tuláakloʼobeʼ tsʼíibtaʼab u kʼaabaʼob según tiʼ baʼax familiail u taaloʼob, lelaʼ beetaʼab tu kʼiiniloʼob Jotán+ u reyil Judá yéetel tu kʼiiniloʼob Jeroboán*+ u reyil Israel.
18 Le rubenitaʼob, le gaditaʼob yéetel u táanchumuk tribu Manaséseʼ yaantiʼob kaʼach 44,760 soldadoʼob jach u yojloʼob baʼateʼel, letiʼobeʼ yaan kaʼach u escudoʼob, u espadaʼob yéetel u arcoʼob,* tsʼoʼoleʼ jach kaʼansaʼanoʼob baʼateʼel.
19 Letiʼobeʼ binoʼob baʼateʼel tu contra le agritaʼoboʼ,+ tu contra Jetur, Nafís+ yéetel Nodab.
20 Le tribuʼobaʼ áantaʼaboʼob tumen Dios utiaʼal ka u ganartoʼob le agritaʼob bey xan le máaxoʼob yanoʼob tu yéeteloʼoboʼ. Bey úuchikoʼ tumen le táan le baʼateloʼ tu kʼáatoʼob u yáantaj Dios, letiʼ túuneʼ tu yáantoʼob tumen confiarnajoʼob tiʼ letiʼ.+
21 Letiʼob túuneʼ tu chʼaʼaj u bisoʼob u yaalakʼoʼob le máakoʼoboʼ, tu chʼaʼajoʼob 50,000 camelloʼob, 250,000 tamanoʼob yéetel 2,000 burroʼob. Tu bisoʼob xan 100,000 u túulal máakoʼob.
22 Teʼ baʼateloʼ yaʼab u enemigoʼob kíimoʼobiʼ tumen le u jaajil Diosoʼ baʼatelnaj tu favoroʼob.+ Letiʼob túuneʼ kajlajoʼob teʼ tuʼux kajaʼan kaʼach u enemigoʼoboʼ, yéetel tiʼ pʼáatoʼob tak ka bisaʼaboʼob yaanal tuʼuxiʼ.+
23 Le máaxoʼob yanoʼob ichil u táanchumuk tribu Manasésoʼ+ jach táaj yaʼabchajoʼob. Letiʼobeʼ kajlajoʼob desde Basán tak Baal-ermón, kajlajoʼob xan tak Senir yéetel tak teʼ Montaña Ermónoʼ.+
24 U nuuktakil le familiaʼob yanoʼob ichiloʼoboʼ letiʼe jeʼeloʼobaʼ: Éfer, Isí, Eliel, Azriel, Jeremías, Odavías yéetel Jadiel. Letiʼobeʼ soldadoʼob jach u yojloʼob baʼateʼel, máakoʼob jach kʼaj óolaʼanoʼob, letiʼob u nuuktakil u familiaʼob.
25 Tuláakloʼobeʼ tu traicionartoʼob u Dios u yúuchben láakʼtsiloʼob ka tu adorartoʼob u diosoʼob le kaajoʼob yanoʼob teʼ luʼum jeʼeloʼ,+ le kaajoʼob tu yiloʼob u xuʼulsaʼaloʼob tumen Diosoʼ.
26 U Dios Israel túuneʼ tu péeksaj Pul, u reyil Asiria+ (wa Tilgat-pilnéser,+ u reyil Asiria), utiaʼal ka u bis le rubenitaʼob, le gaditaʼob yéetel u táanchumuk tribu Manasésoʼ. Le rey Pul túunoʼ tu bisoʼob tak Alaj, Abor, Aaraj yéetel tak teʼ río Gozánoʼ,+ yéetel tak bejlaʼa tiʼ yanoʼobeʼ.
