U DIECIOCHO KʼÁATCHIʼ
¿Bix jeʼel u natsʼkuba máak tiʼ Dioseʼ?
«In Dios, teech uʼuyik le oraciónoʼoboʼ, le oʼolal tuláakal máak ken u natsʼuba ta wiknal».
«Kʼub a wóol tiʼ Jéeoba yéetel tuláakal a puksiʼikʼal, maʼ a confiar chéen tiʼ le naʼat yaantechoʼ. Chʼaʼ en cuenta tiʼ tuláakal baʼax ka beetik, letiʼ túuneʼ yaan u beetik u bintech utsil ichil a kuxtal».
«Lelaʼ letiʼe baʼax kun tsʼáaik kuxtal minaʼan u xuul tiʼ le máakoʼoboʼ: ka kʼuchuk u kʼaj óoltechoʼob, teech le u juntúuliliʼ jaajil Diosoʼ, bey xan ka u kʼaj óoltoʼob Jesucristo, le máax ta túuxtoʼ».
«U jaajileʼ Dioseʼ maʼ náach yanil tiʼ máakiʼ».
«Letiʼe baʼax mantatsʼ kin kʼáatik ich oraciónaʼ: maʼ u jáawal u maas yaʼabtal a yaabilajeʼex, yéetel maʼ u jáawal a jach kʼaj óoltikeʼex yéetel a naʼatkeʼex tubeel baʼax u kʼáat Dios».
«Wa yaan tiʼ teʼex ku bineltik naʼat tiʼeʼ seguernak u kʼáatik tiʼ Dios, bey túunoʼ yaan u tsʼaʼabaltiʼ, tumen Dioseʼ uts tu tʼaan u síik baʼaloʼob tiʼ tuláakal máak yéetel maʼatech u chʼinik tu yich máak».
«Natsʼabaʼex tu yiknal Dios, letiʼ túuneʼ bíin u natsʼuba ta wiknaleʼex. Pʼoʼex a kʼabeʼex, j-kʼeban wíinikeʼex».
«Le máax u yaabiltmaj Dioseʼ ku beetik le baʼaxoʼob ku yaʼalik Diosoʼ, tsʼoʼoleʼ le baʼaxoʼob ku yaʼalikoʼ maʼ talam u beetaʼaloʼobiʼ».
