Salmos 85:1-13
Utiaʼal máax ku nuʼuktaj. Le kʼaayaʼ u paalal Coré tsʼíibte.+
85 Jéeoba Dios, ta weʼesaj a wutsil tiʼ le luʼum a tiaʼaloʼ.+
Ta sutaj u paalal Jacob bisaʼanoʼob kaʼach táanxel luʼumiloʼ.+
2 Ta perdonartaj a kaajal.
Ta perdonartaj tuláakal u kʼebanoʼob.+ (Séla)
3 Ta controlartaj a pʼujaʼanil.
Xuʼul a pʼujaʼanil.+
4 In Dios, teech salvarkoʼon, kaʼa eʼestoʼon a wutsil,xuʼuluk a pʼujaʼanil t-éetel.+
5 ¿Mix bikʼin wa u xuʼulul a tsʼíikil t-éetel?+
¿Mix bikʼin wa u xuʼulul a pʼuʼujul t-contra?
6 ¿Baʼax kʼiin a beetik u kaʼa bintoʼon utsilutiaʼal u kiʼimaktal k-óol?+
7 Jéeoba Dios, eʼestoʼon a nojoch yaabilaj,+salvartoʼoniʼ.
8 Yaan in jach uʼuyik baʼax ku yaʼalik Jéeoba, u jaajil Dios.
Letiʼeʼ yaan u yaʼalik ka yanak jeetsʼelil tiʼ u kaajal,+ tiʼ le máaxoʼob toj u kuxtaloʼoboʼ.
Pero letiʼobeʼ maʼ unaj u kaʼa kʼubik u yóoloʼob chéen tiʼ letiʼobiʼ.+
9 Letiʼeʼ listo utiaʼal u salvartik le máaxoʼob meyajtikoʼ,+utiaʼal u yeʼesik u poder teʼ luʼum tuʼux yanoʼonoʼ.
10 Le nojoch yaabilaj yéetel le chúukaʼan óolaloʼ yaan u nupkubaʼob.
Le justicia yéetel le jeetsʼeliloʼ yaan u múul xíimbaloʼob.+
11 Le chúukaʼan óolaloʼ yaan u jóokʼol desde teʼ luʼumoʼ,le justiciaoʼ yaan u taal desde teʼ kaʼanoʼ.+
12 Jéeobaeʼ yaan u beetik u bintoʼon utsil,+jach yaan u yantal u yich le baʼax k-pakʼmoʼ.+
13 Tu táaneʼ tiʼ kun bin u xíimbal le justiciaoʼ,+le justiciaoʼ bey yaan u beetik junpʼéel bej utiaʼal u máan Dioseʼ.
