Salmos 72:1-20
Junpʼéel kʼaay ku tʼaan tiʼ Salomón.
72 In Dios, kaʼans tiʼ le rey u beet baʼax maʼaloboʼ.
Kaʼans tiʼ u hijo le rey bix unaj u beetik justiciaoʼ.+
2 Ka u beet justicia, ka u defendert a kaajal,ka u beet justicia tiʼ le óotsiloʼoboʼ.+
3 Le montañaʼoboʼ ka u taasoʼob jeetsʼelil tiʼ le kaajoʼ,yéetel le puʼukoʼoboʼ ka u taasoʼob justicia.
4 Ka u defendert* le óotsiloʼob yanoʼob teʼ kaajoʼ,ka u salvart u paalal le óotsiloʼoboʼ,ka u xuʼuls tiʼ le máaxoʼob ku beetik u kʼasaʼaniloʼoboʼ.+
5 Jeʼex le Kʼiin yéetel le Luna mantatsʼ kun antaloʼoboʼa kaajaleʼ yaan xan u meyajtikechutiaʼal mantatsʼ.+
6 Letiʼeʼ yaan u pʼáatal jeʼex le jaʼ ku kʼáaxal tu yóokʼol le suʼuk túumben kʼosaʼaniloʼ,bey jeʼex le kʼaʼamkach jaʼ ku chʼulik le luʼumoʼ.+
7 Tu kʼiinil táan u gobernareʼ yaan u yaʼabtal máaxoʼob beetik baʼax maʼalob,+jeʼex le Luna mantatsʼ kun antaloʼ le jeetsʼeliloʼ mantatsʼ xan kun antal.+
8 Yaan u gobernar desde le kʼáaʼnáab yaan lakʼinoʼ tak le kʼáaʼnáab yaan chikʼinoʼ,desde Río Éufrates tak tu xuul yóokʼol kaab.+
9 Le máaxoʼob kajaʼanoʼob teʼ desiertooʼ yaan u chintaloʼob tu táan,yaan u tsʼáanchaʼatik u enemigoʼob.+
10 U reyiloʼob u luʼumil Tarsis yéetel u reyiloʼob le islaʼoboʼ yaan u taaskoʼob le baʼaxoʼob ku kʼáataʼaltiʼoboʼ.+
U reyiloʼob u luʼumil Seba yéetel u luʼumil Seebaeʼ yaan u taaskoʼob baʼaloʼob u síiʼob tiʼ le reyoʼ.+
11 Tuláakal reyoʼob kun chintal tu táan,tuláakal kaajoʼob kun meyajtik.
12 Tumen yaan u salvartik le óotsil táan u kʼáatik áantajoʼ,le máax ku pechʼ óoltaʼaloʼ bey xan le máax minaʼan máax áantkoʼ.
13 Yaan u chʼaʼik óotsilil tiʼ le óotsiloʼoboʼ bey xan tiʼ le máaxoʼob ku pechʼ óoltaʼaloʼoboʼ,yaan xan u salvartik u kuxtaloʼob.
14 Yaan u salvarkoʼob tiʼ le máaxoʼob beetik u muʼyajoʼob yéetel beetik loob tiʼoboʼ.
Tumen tu táaneʼ jach koʼoj u kuxtaloʼob.
15 Ka kuxlak yaʼab kʼiinoʼob yéetel ka tsʼaʼabaktiʼ le oro ku taal tu luʼumil Sebaoʼ.+
Mantatsʼ ka orarnak máak tu yoʼolal,bul kʼiin ka bendecirtaʼak.
16 Yaan u sen tsʼáaik u yich le luʼumoʼ,+tak tu maas kaʼanlil le montañaʼoboʼ,yaan u pʼáatal jeʼex u luʼumil Líbanoeʼ.+
U kajnáaliloʼob le kaajoʼoboʼ yaan u yaʼabtaloʼob jeʼex u yaʼabtal le xíiwoʼob teʼ luʼumoʼ.+
17 Mantatsʼ ka kʼaʼajsaʼak u kʼaabaʼ,+ka kʼaj óoltaʼak tuláakal tuʼux,ka bendecirtaʼak le máakoʼob tu yoʼolaloʼ,+aʼalaʼak kiʼimak u yóol tumen tuláakal le kaajoʼoboʼ.
18 Alabartaʼak Jéeoba Dios, u Dios u kaajil Israel,+tumen chéen letiʼ beetik nukuch baʼaloʼob tu yoʼolal u kaajal.+
19 Mantatsʼ ka alabartaʼak u kiʼichkelem kʼaabaʼ,+ilaʼak tiʼ tuláakal le luʼum bukaʼaj u poderoʼ.+
Ka béeyak, ka béeyak.*
20 Yéetel lelaʼ ku tsʼoʼokol le oraciónoʼob tu beetaj David, u hijo Jeséoʼ.+
