Salmos 63:1-11
Le kʼaayaʼ David tsʼíibte. Ku tʼaan tiʼ bix úuchik u yuʼubikuba le tiaʼan teʼ desierto yaan tu luʼumil Judáoʼ.+
63 In Dios, in Dios, maʼ tu xuʼulul in kaxtikech.+
Jach kin tsʼíiboltik in wantal ta wiknal.+
Kin wuʼuyik bey jach taʼaytak in jochʼkʼajleʼ tumen maʼ tin wilkech.
Teʼ tuʼux yanenaʼ minaʼan jaʼiʼ, tikin yéetel mix baʼal yaniʼ.+
2 Tsʼoʼok in wilik tiaʼanech teʼ lugar santooʼ,tsʼoʼok in wilik bukaʼaj a poder bey xan bukaʼaj a muukʼ.+
3 A nojoch yaabilajeʼ maas maʼalob tiʼ le kuxtaloʼ,+in chiʼeʼ yaan u alabarkech.+
4 Yaan in alabarkech tuláakal u kʼiiniloʼob in kuxtal.
Yaan in waʼalik a kʼaabaʼ kéen orarnaken.
5 Teneʼ tsʼoʼok in disfrutartik le baʼaloʼob maas maʼalobtak yéetel maas kiʼitakoʼoboʼ,le oʼolal in chiʼeʼ yaan u alabarkech yéetel kiʼimak óolal.+
6 Kin kʼaʼajsikech le tiaʼanen tin camaoʼ.
Tak chúumuk áakʼabeʼ táan in tuukul tiʼ teech.+
7 Tumen teech áantkeneʼ+kin kʼaay yéetel kiʼimak óolal le tiaʼanen yáanal a xiikʼoʼoboʼ.+
8 Mix bikʼin in náachtal tiʼ teech.
Maʼalob a machmilen yéetel a x-noʼoj kʼab.+
9 Le máaxoʼob táan u kaxtikoʼob bix jeʼel u xuʼulskoʼob tiʼ in kuxtaloʼyaan u binoʼob tu maas taamil le luʼumoʼ.
10 Yaan u kíimsaʼaloʼob yéetel espada.
Yaan u jaantaʼaloʼob tumen chacaloʼob.*
11 Le reyoʼ yaan u kiʼimaktal u yóol kéen u yil baʼax ku beetik Dios tu yoʼolal.
Tuláakal máax ku jurar tu kʼaabaʼ Dioseʼ yaan u kiʼimaktal u yóol.
Tuláakal le máaxoʼob ku tuusoʼoboʼ yaan u xuʼulsaʼaltiʼob.
Notas
^ Juntúul baʼalcheʼ chíikaʼan tiʼ chʼomak.
