Salmos 6:1-10
Utiaʼal máax ku nuʼuktaj: u paaxileʼ unaj u beetaʼal yéetel u nuʼukuliloʼob paax yaan u cuerdailoʼob afinartaʼanoʼob utiaʼal Seminit. Le kʼaayaʼ David tsʼíibte.
6 Jéeoba Dios, maʼ a nuʼuktiken wa kʼuuxilnajaʼanech,maʼ a castigarken wa jach pʼujaʼanech.+
2 Jéeoba Dios, chʼaʼten óotsilil tumen táan u pʼáatal minaʼan in muukʼ.
Jéeoba Dios, tsʼakeniʼ+ tumen táan u tíitaʼal* in baakeloʼob.
3 Jéeoba Dios, u jaajileʼ jach táaj chiʼichnaken,+le oʼolal kin kʼáatiktech, ¿bukaʼaj kʼiin maas kin muʼyaj?+
4 Jéeoba Dios, koʼoten a salvarten,+salvarten tu yoʼolal a nojoch yaabilaj.+
5 Tumen máax kimeneʼ maʼ tu páajtal u kʼaʼajsikech.
¿Máax jeʼel u alabarkech desde teʼ Muknaloʼ?*+
6 Tsʼoʼok in kaʼanal jajak iikʼ,+sen chʼuul in cama tumen bul áakʼab táan in wokʼol,yoʼolal bukaʼaj u jaʼil in wicheʼ+ buulul tuʼux chilikbalen.
7 Le baʼaxoʼob kin muʼyajtikoʼ ku beetkoʼob in sen chiʼichnaktal.+
Butsʼuknak* tak in paakat yoʼolal baʼax ku beetikten le máaxoʼob pʼekmilenoʼ.
8 Teʼex ka beetkeʼex baʼaloʼob kʼaastakeʼ náachkuntabaʼex tiʼ teen,tumen kéen u yuʼub Jéeoba táan in wokʼoleʼ yaan u taal u yáanten.+
9 Jéeobaeʼ yaan u chʼaʼikten óotsilil.+
Jéeobaeʼ yaan u yuʼubik in oración.
10 Tuláakal in enemigoʼobeʼ yaan u pʼáatloʼob ich suʼtsilil yéetel yaan u sajaktaloʼob.
Chéen ken jáan úuchuk loob tiʼob.+
