Salmos 51:1-19
Utiaʼal máax ku nuʼuktaj. Junpʼéel kʼaay tu tsʼíibtaj David. Lelaʼ tu beetaj le ka tsʼoʼok u bin ilbil tumen profeta Natán, úuchik u yantal baʼal u yil yéetel Bat-seba.+
51 In Dios, techeʼ nojoch a yaabilaj, eʼesten a wutsil.+
Tumen jach ka chʼaʼik óotsilileʼ, perdonart* le baʼaxoʼob maʼ maʼalob in beetmoʼ.+
2 Pʼoʼen tiʼ le baʼax kʼaas in beetmoʼ,+limpiarten tiʼ in kʼebaniʼ.+
3 In wojel yaan baʼax maʼ maʼalob in beetmiʼ,maʼ tu páajtal in luʼsik tin tuukul le baʼax in beetmoʼ.+
4 Tsʼoʼok in kʼebantal, maases ta táan tsʼoʼok in kʼebantal.+
Tsʼoʼok in beetik baʼax maʼ uts ta tʼaaniʼ.+
Techeʼ justoech, kin merecertik ka a condenarten,jach maʼalob bix a juzgar.+
5 U jaajileʼ desde ka síijeneʼ j-kʼeban máaken,desde ka káaj in formar ichil u nakʼ in maamaeʼ in kuchmaj kʼeban.+
6 U jaajileʼ techeʼ ku kiʼimaktal a wóol kéen a wil junpʼéel puksiʼikʼal maʼatech u tuus.+
Áanten utiaʼal u yantalten junpʼéel puksiʼikʼal yaan u naʼat.
7 Pʼoʼen yéetel hisopo utiaʼal in pʼáatal limpioil tiʼ in kʼeban,+limpiokíinten utiaʼal in pʼáatal maas sak ke le nieveoʼ.+
8 Beet u kiʼimaktal in wóol yéetel in wuʼuyikinba maʼalobil,beyoʼ yaan u kiʼimaktal u yóol le in baakeloʼob tsʼoʼok a opʼikoʼoboʼ.+
9 Perdonart in kʼebanoʼobiʼ,+tup tuláakal le baʼax maʼ maʼalob in beetmoʼ.+
10 In Dios, beet u yantalten junpʼéel puksiʼikʼal limpio,+beet u yantalten junpʼéel maʼalob tuukul+ utiaʼal maʼ in náachtal tiʼ teech.
11 Chaʼa u seguer in wantal ta táan.
Maʼ a luʼsikten a poder.
12 Beet u kiʼimaktal in wóol jeʼex le ka ta salvarteneʼ,+beet in tsʼíiboltik in wuʼuyik a tʼaan.
13 Tiʼ le máaxoʼob ku beetkoʼob baʼax maʼ maʼaloboʼ yaan in weʼesiktiʼob le bej uts ta tʼaanoʼ,+beyoʼ yaan u suut ta wiknal le máaxoʼob tsʼoʼok u kʼebantaloʼoboʼ.
14 In Dios, teech salvarken,+ maʼ a chaʼik in condenartaʼal tu yoʼolal le kʼiʼikʼ tin wekoʼ,+beyoʼ in waakʼeʼ yéetel kiʼimak óolal kun tʼaan tiʼ a justicia.+
15 Jéeoba Dios, jeʼekʼabt in chiʼutiaʼal in alabarkech tu yéetel.+
16 Techeʼ maʼ a kʼáat junpʼéel sacrificioiʼ, le oʼolal maʼ tin beetiʼ.+
Maʼ tu kiʼimaktal a wóol ikil u kʼuʼubultech tóokbil ofrendaʼob.+
17 Baʼax ku kʼamik Dioseʼ junpʼéel puksiʼikʼal yaachajaʼan u yóol.
In Dios, techeʼ yaan a kʼamik junpʼéel puksiʼikʼal xeʼexetʼpajaʼan ku yuʼubik bey táan u peʼechʼleʼ.*+
18 Tu yoʼolal a wutsileʼ beet u bin utsil tiʼ u kaajil Sión,líiʼs nukuch pakʼoʼob tu baʼpach Jerusalén.
19 Beyoʼ yaan a kʼamik le sacrificioʼob ken u kʼubtech le máaxoʼob toj u kuxtaloʼoboʼ,le tóokbil u beetaʼaloʼoboʼ bey xan le maʼatechoʼ.
Ta altareʼ yaan u kʼuʼubul wakaxoʼob.+
