Salmos 4:1-8
Utiaʼal máax ku nuʼuktaj: u paaxileʼ unaj u beetaʼal yéetel u nuʼukuliloʼob paax yaan u cuerdailoʼob. Le kʼaayaʼ David tsʼíibte.
4 In Dios, techeʼ justoech,+ kéen tʼaanakeneʼ núukten.
Beet u yantal junpʼéel bej utiaʼal in púutsʼul tiʼ le baʼax beetik in muʼyajoʼ.*
Chʼaʼten óotsilil, uʼuy in oración.
2 Máakeʼex, ¿baʼax kʼiin ken xuʼuluk a taaskeneʼex mix baʼalil?
¿Baʼax kʼiin u xuʼulul a yaabiltikeʼex baʼaloʼob mix baʼal u biilal yéetel u xuʼulul a tuuseʼex? (Séla)
3 Ojéelteʼexeʼ Jéeobaeʼ jach maʼalob ken u tratartil le máax maʼatech u náachtaltiʼoʼ.
Jéeobaeʼ yaan u yuʼubiken le kéen in kʼáat áantaj tiʼ.
4 Wa ka pʼuʼujuleʼexeʼ maʼ a kʼebantaleʼex,+kéen chilakeʼexeʼ aʼaleʼex jeʼel baʼaxak a kʼáateʼex ichil a puksiʼikʼaleʼexeʼ, kéen tsʼoʼokkeʼ mak a chiʼex. (Séla)
5 Jeʼel baʼaxak sacrificioil ka a kʼubeʼex tiʼ Dioseʼ beeteʼex yéetel junpʼéel maʼalob puksiʼikʼal,yéetel kʼub a wóoleʼex tiʼ Jéeoba.+
6 Yaʼab máaxoʼob aʼalik: «¿Máax kun tsʼáaiktoʼon baʼaloʼob maʼalobtak?».
Jéeoba Dios, eʼestoʼon a wutsil.+
7 Techeʼ tsʼoʼok a beetik u kiʼimaktal u yóol in puksiʼikʼalmaas ke tiʼ le kiʼimak óolal yaan tiʼ le máaxoʼob yaʼab baʼax ku cosecharkoʼob yéetel yaan túumben vino tiʼoboʼ.
8 Le kéen chilaken weenleʼ mix baʼal kun chiʼichnakkúuntiken,+tumen Jéeoba Dios, chéen teech áantken utiaʼal maʼ in sajaktal.+
Notas
^ Wa «in sufriroʼ».
