Salmos 26:1-12
David tsʼíibte.
26 Jéeoba Dios, beetten justicia, teneʼ chúukaʼan in wóol in beet baʼax maʼalob.+
Jéeoba, mix juntéen xuʼuluk in confiar tiʼ teech.+
2 Jéeoba Dios, xakʼalt in kuxtaliʼ yéetel jach ilawil bixen.
Limpiokíint in tuukul* yéetel in puksiʼikʼal.+
3 Mix bikʼin kun tuʼubulten bix a weʼesik a nojoch yaabilaj,mantatsʼ kin xíimbal teʼ maʼalob bejoʼ.+
4 Maʼatech in máan* yéetel le máakoʼob ku tuusoʼoboʼ,+yéetel kin náachkuntikinba tiʼ le máaxoʼob ku taʼakikoʼob jach bixoʼoboʼ.*
5 In pʼeek in wantal yéetel le máaxoʼob beetik baʼax kʼaasoʼ,+maʼatech xan in wóotik máan yéetel le kʼasaʼan máakoʼoboʼ.+
6 Yaan in pʼoʼik in kʼab utiaʼal in weʼesik mix baʼal kʼaas in beetmaj.
Jéeoba Dios, yaan in xíimbal tu baʼpach a altar,*
7 yaan in tʼaan kʼaʼam utiaʼal in tsʼáaiktech gracias+yéetel utiaʼal in tsʼáaik ojéeltbil tuláakal le nukuch baʼaloʼob a beetmoʼ.
8 Jéeoba, in yaabiltmaj le tuʼux kajaʼanechoʼ,+le lugar tuʼux ku páajtal u yilaʼal a kiʼichkelmiloʼ.+
9 Maʼ a míistiken paʼteʼ yéetel le máaxoʼob ku kʼebantaloʼoboʼ,+maʼ a luʼsik in kuxtal paʼteʼ yéetel le máaxoʼob uts tu tʼaan u beetkoʼob looboʼ.
10 Letiʼobeʼ maʼatech u xuʼulul u beetkoʼob baʼaloʼob suʼtsiltak,chuup u x-noʼoj kʼaboʼob yéetel le baʼaloʼob ku x-mukul tsʼaʼabaltiʼoboʼ.*
11 Pero teneʼ yaan u chúukpajal in wóol in beet baʼax maʼalob.
Salvarteniʼ, chʼaʼten óotsilil.
12 Teneʼ waʼalakbalen tiʼ junpʼéel luʼum firme yanil.+
Yaan in alabartik Jéeoba junmúuchʼ yéetel le máaxoʼob adorarkoʼ.+
Notas
^ Ich hebreoeʼ ku yaʼalaʼal kaʼach «riñónoʼob».
^ Ich hebreoeʼ ku yaʼalaʼal kaʼach «in kutal».
^ Wa «yéetel maʼatech in wantal yéetel le máaxoʼob kaʼapʼéel ichoʼoboʼ».
^ Ilawil página 2554.
^ Wa «tsʼáaikoʼoboʼ».
