Salmos 20:1-9
-
Dioseʼ ku salvartik le rey u yéeymoʼ
-
Ku confiaroʼob tiʼ yaanal baʼaloʼob, pero toʼoneʼ tiʼ Jéeoba (7)
-
Utiaʼal máax ku nuʼuktaj. Le kʼaayaʼ David tsʼíibte.
20 Ka u núuk Jéeoba a oración tu kʼiinil yaayaj kʼiinoʼob.
Ka u kanáantech u Dios Jacob kéen a chʼaʼchiʼit u kʼaabaʼ.+
2 Desde teʼ lugar santo ka u túuxt áantbilechoʼ,+ka u yáantech desde Sión.+
3 Kʼaʼajaktiʼ tuláakal le baʼaxoʼob a kʼubmajtiʼoʼ,ka u kʼam yéetel kiʼimak óolal le tóokbil ofrenda ken in kʼubtiʼoʼ. (Séla)
4 Ka u tsʼáatech baʼax ku tsʼíiboltik a puksiʼikʼal+yéetel ka u beet u bin utsil tuláakal baʼax ka tuklik a beetik.
5 Yéetel kiʼimak óolal ken k-awat tumen ka salvartik máak.+
Yaan k-alabartik u kʼaabaʼ k-Dios.+
Ka u tsʼáatech Jéeoba tuláakal baʼax ka kʼáatiktiʼ.
6 Beoraaʼ tsʼoʼok in wilkeʼ Jéeobaeʼ ku salvartik le máax u yéeymoʼ.+
Ku núukik u oración desde teʼ kaʼan, le lugar santo tuʼux yanoʼ,ku salvartik yéetel le nojoch poder yaan tu x-noʼoj kʼaboʼ.+
7 Yaan máakoʼob ku tsʼáaik u confianzaʼob tiʼ u carroiloʼob baʼateʼel, yanoʼob xaneʼ ku tsʼáaik u confianzaʼob tiʼ tsíiminoʼob,+pero toʼoneʼ k-confiar tiʼ u kʼaabaʼ Jéeoba Dios.+
8 Letiʼobeʼ tsʼoʼok u tʼóochpajloʼob yéetel tsʼoʼok u lúubloʼob,pero toʼoneʼ tsʼoʼok k-líikʼil, tsʼoʼok k-áantaʼal utiaʼal k-toj waʼatal.+
9 ¡Jéeoba Dios, salvart le reyoʼ!+
Techeʼ yaan a wáantkoʼon kéen k-kʼáat áantaj.+
