Salmos 17:1-15
Junpʼéel oración tu beetaj David.
17 Jéeoba Dios, uʼuy bix in kʼáatik ka beetaʼak justicia.
Chʼenxikint bix in kʼáatik áantaj.
Uʼuy le oración kin beetik yéetel u jaajil in wóoloʼ.+
2 Chʼaʼtukult baʼax maʼalob tin favor.+
Ilawil le baʼaxoʼob maʼalobtak kin beetkoʼ.
3 Techeʼ tak de áakʼab tsʼoʼok a jach ilik baʼax yaan tin puksiʼikʼal.+
Tsʼoʼok a limpiokíinken,+tsʼoʼok a wilik mix baʼal kʼaas in tukultmaj in beetik,yéetel mix junpʼéel kʼaakʼastʼaan tsʼoʼok u jóokʼol tin chiʼ.
4 Le máakoʼoboʼ ku beetkoʼob chéen jeʼel baʼaxak u kʼáatoʼobeʼ,pero teneʼ kin wuʼuyik a tʼaan, maʼatech in seguertik le bej ku bisik le j-ookoloʼoboʼ.+
5 Chaʼa u seguer in xíimbal teʼ bej a táaxkuntmoʼ,utiaʼal maʼ in tʼóochpajal.+
6 In Dios, yaan in kʼáat óolal tiʼ teech tumen in wojel yaan a núukikten.+
Chʼenxikinteniʼ,* uʼuy baʼax kin waʼalik.+
7 Teech salvartik máak, beet nukuch baʼaloʼobutiaʼal a weʼesik a nojoch yaabilaj+ tiʼ le máaxoʼob ku natsʼkubaʼob ta wiknaloʼ,tumen letiʼobeʼ táan u púutsʼloʼob tiʼ le máaxoʼob ku líikʼloʼob ta contraoʼ.
8 Kanáanten jeʼex a kanáantik u neekʼ a wicheʼ.+
Pixen yéetel a xiikʼoʼob utiaʼal a kanáantken.+
9 Kanáanten tiʼ le kʼasaʼan máakoʼob atacarkenoʼ,le máaxoʼob baʼpachtmilen taak u kíimskenoʼoboʼ.+
10 Letiʼobeʼ maʼatech u chʼaʼikoʼob óotsilil,kéen tʼaanakoʼobeʼ nojbaʼal u taaskubaʼob.
11 U baʼpachtmoʼonoʼob,+chéen táan u páaʼtkoʼob u súutukil utiaʼal u xuʼulskoʼobtoʼon.
12 Le kʼasaʼan máakoʼ bey juntúul león taak u xeʼexetʼik le baʼax ku lúubul tu kʼaboʼ,bey juntúul táankelem león u taʼakmuba táan u chʼúukeʼ.
13 Kiʼichkelem Yuum Jéeoba, líiʼkech utiaʼal a waʼatal tu táan,+ xuʼulstiʼ.
Meyajnaktech a espada utiaʼal a salvarken tiʼ le kʼasaʼan máakoʼ.
14 Jéeoba Dios, token tu kʼab u máakiloʼob le yóokʼol kaabaʼ,letiʼobeʼ chéen táan u yilik u disfrutarkoʼob le kuxtal yaantiʼoboʼ,+chéen táan u jóoʼskoʼob u yutsil le baʼaloʼob maʼalobtak ka tsʼáaikoʼ+yéetel ku pʼatkoʼob herencia tiʼ le bukaʼaj paalal yaantiʼoboʼ.
15 Pero teneʼ yaan in wantal ta táan tumen kin beetik baʼax maʼalob.
Jach kiʼimak in wóol tumen kéen aajkeneʼ tiaʼanen ta táaneʼ.+
Notas
^ Wa «Chinaba utiaʼal a wuʼuyiken».
