Salmos 146:1-10
146 ¡Alabartaʼak Jéeoba!*+
Yaan in alabartik Jéeoba yéetel u jaajil in wóol.+
2 Yaan in alabartik Jéeoba tuláakal u kʼiiniloʼob in kuxtal.
Mientras kuxaʼaneneʼ yaan in kʼaay* utiaʼal in alabartik in Dios.
3 Maʼ a kʼubik a wóoleʼex tiʼ príncipeʼob,mix tiʼ uláakʼ j-kʼeban máakoʼob tumen maʼ tu páajtal u salvarkoʼob máak.+
4 Tumen le kéen xuʼuluk u chʼaʼik u yiikʼoʼobeʼ ku suutoʼob teʼ luʼumoʼ.+
Ku pʼáatal maʼ tu páajtal u béeykuntkoʼob le baʼax u tukultmoʼoboʼ.+
5 Kiʼimak u yóol le máax ku kʼáatik áantaj tiʼ u Dios Jacoboʼ,+tumen táan u páaʼtik u yáantaʼal tumen Jéeoba Dios,+
6 le Máax Beetmil le kaʼan, le luʼum,le kʼáaʼnáab yéetel tuláakal le baʼaxoʼob chupmiloʼoboʼ,+le Máax mantatsʼ jeʼel u páajtal u confiar máak tiʼ letiʼoʼ,+
7 le Máax ku beetik justicia tiʼ le máaxoʼob ku toʼokol le baʼaxoʼob yaantiʼoboʼ,le Máax tsʼáaik baʼal u jaant le máaxoʼob minaʼan baʼal u jaantoʼoboʼ.+
Jéeobaeʼ ku jáalkʼabtik le máaxoʼob kʼalaʼanoʼoboʼ.*+
8 Jéeobaeʼ ku jeʼekʼabtik u yich le chʼóopoʼoboʼ.+
Jéeobaeʼ ku tsʼáaik u muukʼ le máaxoʼob minaʼan u muukʼoʼoboʼ.+
Jéeobaeʼ u yaabiltmaj le utsul máakoʼoboʼ.
9 Jéeobaeʼ ku kanáantik le j-táanxel luʼumiloʼoboʼ,ku yáantik le paalaloʼob minaʼan u papáʼoboʼ bey xan le viudaʼoboʼ.+
Letiʼeʼ maʼ tu chaʼik u jóokʼol le kʼasaʼan+ máakoʼob yéetel baʼax ku tuklikoʼoboʼ.
10 Jéeobaeʼ mix bikʼin kun xuʼulul u beetik u Reyil.+
U kaajil Sión, a Dios ken u beet u Reyil kex jeʼel jaypʼéel generación ka máankeʼ.
¡Alabartaʼak Jéeoba!*
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Wa «in paax».
^ Ich hebreoeʼ ku yaʼalaʼal kaʼach «le máaxoʼob kʼaxaʼanoʼob yéetel cadenaoʼ».
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
