Salmos 136:1-26
136 Tsʼáaʼex gracias tiʼ Jéeoba, tumen letiʼeʼ jach ku yeʼesik u yutsil,+letiʼeʼ mantatsʼ ku yeʼesik nojoch yaabilaj.+
2 Tsʼáaʼex gracias tiʼ Dios, tumen letiʼ le Maas Nojoch Diosoʼ.+
Letiʼeʼ mantatsʼ ku yeʼesik nojoch yaabilaj.
3 Tsʼáaʼex gracias tiʼ Yuumtsil, tumen minaʼan uláakʼ máax jeʼex letiʼeʼ.
Letiʼeʼ mantatsʼ ku yeʼesik nojoch yaabilaj.
4 Chéen letiʼ beetik nukuch baʼaloʼob.+
Letiʼeʼ mantatsʼ ku yeʼesik nojoch yaabilaj.+
5 Jach maʼalob úuchik u beetik le kaʼanoʼ.+
Letiʼeʼ mantatsʼ ku yeʼesik nojoch yaabilaj.
6 Tu jayaj le luʼum yóokʼol le jaʼoʼ.+
Letiʼeʼ mantatsʼ ku yeʼesik nojoch yaabilaj.
7 Letiʼ beet le nukuch baʼaloʼob ku juul u sáasiloʼob teʼ kaʼanoʼ.+
Letiʼeʼ mantatsʼ ku yeʼesik nojoch yaabilaj.
8 Tu beetaj le Kʼiin utiaʼal u sáasilkunaj de díaoʼ.+
Letiʼeʼ mantatsʼ ku yeʼesik nojoch yaabilaj.
9 Tu beetaj le Luna yéetel le estrellaʼob utiaʼal u sáasilkunajoʼob de áakʼaboʼ.+
Letiʼeʼ mantatsʼ ku yeʼesik nojoch yaabilaj.
10 Letiʼ xuʼuls tiʼ u yáax hijoʼob le egipcioʼoboʼ bey xan tiʼ le yáax xibil baʼalcheʼob yáax síijoʼoboʼ.+
Letiʼeʼ mantatsʼ ku yeʼesik nojoch yaabilaj.
11 Tu jóoʼsaj u kaajil Israel tu luʼumil Egipto.+
Letiʼeʼ mantatsʼ ku yeʼesik nojoch yaabilaj.
12 Tu salvartoʼob yéetel u nojoch poder+ bey xan yéetel u muʼukʼaʼan kʼab.
Letiʼeʼ mantatsʼ ku yeʼesik nojoch yaabilaj.
13 Tu bujaj u jaʼil le Mar Rojooʼ.+
Letiʼeʼ mantatsʼ ku yeʼesik nojoch yaabilaj.
14 Tu yáantaj le israelitaʼob utiaʼal u máanoʼob chúumuk le kʼáaʼnáaboʼ.+
Letiʼeʼ mantatsʼ ku yeʼesik nojoch yaabilaj.
15 Tu beetaj u búulul* Faraón yéetel u soldadoʼob teʼ Mar Rojooʼ.+
Letiʼeʼ mantatsʼ ku yeʼesik nojoch yaabilaj.
16 Tu kanáantaj u kaajal le táan u máanoʼob teʼ desiertooʼ.+
Letiʼeʼ mantatsʼ ku yeʼesik nojoch yaabilaj.
17 Tu xuʼulsaj tiʼ nukuch reyoʼob.+
Letiʼeʼ mantatsʼ ku yeʼesik nojoch yaabilaj.
18 Tu xuʼulsaj tiʼ reyoʼob jach yaan páajtalil tiʼob.
Letiʼeʼ mantatsʼ ku yeʼesik nojoch yaabilaj.
19 Tu xuʼulsaj tiʼ Seón,+ u rey le amorreoʼoboʼ.
Letiʼeʼ mantatsʼ ku yeʼesik nojoch yaabilaj.
20 Tu xuʼulsaj tiʼ Og,+ u reyil Basán.
Letiʼeʼ mantatsʼ ku yeʼesik nojoch yaabilaj.
21 Le luʼum tu chʼaʼajtiʼoboʼ tu tsʼáaj bey junpʼéel herencia tiʼ u kaajaleʼ.+
Letiʼeʼ mantatsʼ ku yeʼesik nojoch yaabilaj.
22 Tu tsʼáaj bey herencia tiʼ Israel, u kaajaleʼ.
Letiʼeʼ mantatsʼ ku yeʼesik nojoch yaabilaj.
23 Maʼ tu tuʼubsoʼon teʼ kʼiinoʼob lubaʼan k-óoloʼ.+
Letiʼeʼ mantatsʼ ku yeʼesik nojoch yaabilaj.+
24 Mix juntéen tu pʼatoʼon tu kʼab le máaxoʼob pʼekmiloʼonoʼ.+
Letiʼeʼ mantatsʼ ku yeʼesik nojoch yaabilaj.
25 Letiʼ tsʼáaik baʼal u jaant tuláakal baʼal kuxaʼan.+
Letiʼeʼ mantatsʼ ku yeʼesik nojoch yaabilaj.
26 Tsʼáaʼex gracias tiʼ le Dios yaan teʼ kaʼanoʼ.
Letiʼeʼ mantatsʼ ku yeʼesik nojoch yaabilaj.
Notas
^ Wa «Tu woʼoltaj».
