Salmos 116:1-19
116 Teneʼ in yaabiltmaj Jéeoba tumen ku yuʼubiken,ku yuʼubiken le kéen in kʼáat áantaj tiʼ.+
2 Letiʼeʼ ku chʼenxikintiken,*+mientras kuxaʼaneneʼ* maʼ kun xuʼulul in kʼáatik áantaj tiʼ.
3 Tu bakʼen u suumil le kíimiloʼ.
Tiaʼanen kaʼach tu kʼab le Muknaloʼ.*+
Tin wuʼuyaj maʼ tin tsaʼayal tu yéetel le baʼax pechʼ óoltiken yéetel lúuʼsik in wóoloʼ.+
4 Chéen baʼaleʼ orarnajen tiʼ Jéeoba,+ tin chʼaʼchiʼitaj u kʼaabaʼeʼ ka tin waʼalajtiʼ:
«¡Jéeoba Dios, salvarteniʼ!».
5 Jéeobaeʼ jach uts yéetel mantatsʼ maʼalob baʼax ku beetik.+
Letiʼeʼ jach ku chʼaʼik óotsilil.+
6 Jéeobaeʼ ku yáantik le máaxoʼob maʼ jach yaan u naʼatoʼoboʼ.+
Teneʼ pʼáat minaʼan in muukʼ, letiʼ túuneʼ tu salvarten.
7 Beoraaʼ jeʼel u páajtal in kaʼa jeʼeleleʼ,tumen Jéeobaeʼ jach tu yeʼesajten u yutsil.
8 Tsʼoʼok a salvarken tiʼ le kíimiloʼ,tsʼoʼok a beetik u xuʼulul in wokʼol yéetel tsʼoʼok a wáantken utiaʼal maʼ in tʼóochpajal.+
9 Le oʼolal yaan u seguer in kuxtal yéetel in xíimbal tu táan Jéeoba.
10 Teneʼ tʼaanajen tumen kin creertik jeʼel u yáantken Dioseʼ.+
Jach táan in muʼyaj kaʼachi.
11 Tumen jach táaj saajken kaʼacheʼ, tin waʼalaj:
«Tiʼ mix juntúul máak ku páajtal in confiar».+
12 ¿Bix jeʼel in boʼotik tiʼ Jéeobatuláakal le baʼaxoʼob tsʼoʼok u beetik tin woʼolaloʼ?
13 Yaan in wukʼik le copa utiaʼal in tsʼáaik gracias tiʼ úuchik u salvarkenoʼ,yéetel yaan in chʼaʼchiʼitik u kʼaabaʼ Jéeoba.
14 Yaan in beetik tuláakal baʼax in prometermaj tiʼ Jéeoba,yaan in beetik tu táan u kaajal.+
15 Jach táaj ku yaatal u yóol Jéeobale kéen u yil u kíimil le máaxoʼob meyajtik yéetel chúukaʼan óolaloʼ.+
16 Jéeoba Dios, teech kin meyajtikech.
Chéen teech kin meyajtikech,u hijoen juntúul koʼolel adorarkech.
Tsʼoʼok a kotsik le cadena kʼaxmilenoʼ.+
17 Yaan in beetik junpʼéel sacrificio utiaʼal in tsʼáaiktech gracias.+
Jéeoba, yaan in chʼaʼchiʼitik a kʼaabaʼ.
18 Yaan in beetik tuláakal baʼax in prometermaj tiʼ Jéeoba,+yaan in beetik tu táan u kaajal,+
19 yaan in beetik le kéen u muchʼubaʼob tu táankabil u yotoch Jéeoba,+chúumuk tiʼ u kaajil Jerusalén.
¡Alabartaʼak Jéeoba!*+
Notas
^ Wa «ku chinikuba utiaʼal u yuʼubiken».
^ Ich hebreoeʼ ku yaʼalaʼal kaʼach «tuláakal u kʼiiniloʼob in kuxtaleʼ».
^ Ich hebreoeʼ ku yaʼalaʼal kaʼach «Tu chukpachten le baʼaxoʼob ku muʼyajtaʼal teʼ Muknaloʼ».
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
