Salmos 104:1-35
104 Yaan in alabartik Jéeoba.+
Yuum Jéeoba in Dios, minaʼan uláakʼ dios jeʼex techeʼ.+
Techeʼ tsʼoʼok a búukbeskaba yéetel páajtalil bey xan yéetel kiʼichkelmil.+
2 A pixmaba yéetel sáasil,+ bey junpʼéel nookʼ yanil tiʼ techeʼ.
Ka sinik le kaʼan jeʼex u siʼinil junpʼéel naj de nookʼeʼ.+
3 Techeʼ ka beetik a wotoch maas kaʼanal tiʼ le múuyaloʼoboʼ,*+le múuyaloʼ bey a carroeʼ,+ka máan tu yóokʼol le iikʼoʼ.+
4 A ángeloʼobeʼ bey de iikʼ a beetmiloʼobeʼ,le máaxoʼob meyajtikechoʼ beyoʼob junpʼéel kʼáakʼ ku tóokik tuláakal baʼaleʼ.+
5 Jach maʼalob úuchik a beetik u cimientoil le luʼumoʼ,+mix bikʼin u péeksaʼal tuʼux yaan.+
6 Ta pixaj yéetel yaʼabkach jaʼ, bey junpʼéel nookʼ pʼáatiktiʼeʼ.+
Le jaʼoʼ tu pixaj le nukuch montañaʼoboʼ.
7 Le ka ta táajtʼantaj le jaʼoʼ púutsʼul tu beetaj,+le ka tu yuʼubaj u kíilbal a tʼaaneʼ jóokʼ u yáalkab
8 tak teʼ lugar a prepararmaj utiaʼal u yantaloʼ.
Bey túunoʼ líikʼ le nukuch montañaʼoboʼ+ yéetel éem le táax luʼumoʼoboʼ.
9 Ta tsʼáaj tuʼux unaj u náakal le jaʼoʼ,+beyoʼ mix bikʼin u kaʼa pixik le luʼumoʼ.
10 Techeʼ ka beetik u kʼuchul le jaʼ tak teʼ táax luʼumoʼoboʼ,tiʼ ku taal u yéemel desde tu yóokʼol le nukuch montañaʼoboʼ.
11 Beyoʼ ku yantal jaʼ u yukʼ tuláakal u baʼalcheʼiloʼob kʼáax,tak le burroʼob* ku yantal jaʼ u yukʼoʼoboʼ.
12 Naatsʼ tiʼ le jaʼoʼ tiʼ ku tʼúuchul le chʼíichʼoʼoboʼ.
Tiʼ ku kʼaayoʼob tu gajosil le nukuch cheʼoboʼ.
13 Desde ta wotoch yaan teʼ kaʼanoʼ ka jóoyabtik le montañaʼoboʼ.+
Le luʼumoʼ ku naʼajtal yéetel u yich a meyaj.+
14 Ka beetik u jóokʼol suʼuk utiaʼal u jaant le wakaxoʼoboʼ,ka beetik u yantal xíiwoʼob yéetel cheʼob utiaʼal u meyaj tiʼ u kajnáaliloʼob yóokʼol kaab,+ka beetik utiaʼal u yantal baʼal jaantbil way luʼumeʼ,
15 utiaʼal u yantal le vino ku kiʼimakkúuntik u yóol u puksiʼikʼal máakoʼ,+utiaʼal u yantal aceite ku pʼatik suaveil u yich máak,utiaʼal u yantal baʼal u jaant máak.+
16 Jéeoba, le cheʼob a pakʼmoʼ kiʼimak u yóoloʼob,kiʼimak u yóol le cedroʼob a pakʼmaj tu luʼumil Líbanooʼ,
17 teʼ tuʼux ku beetik u kʼuʼ le chʼíichʼoʼoboʼ.
Le cigüeñaoʼ+ tiʼ ku beetik u kʼuʼ tu matail le enebroʼoboʼ.
18 Le nukuch montañaʼoboʼ utiaʼal u kajtal le chivoʼoboʼ.*+
U yáam le nukuch tuunichoʼoboʼ utiaʼal u taʼakikuba le damánoʼoboʼ.*+
19 Techeʼ tsʼoʼok a beetik le Luna utiaʼal u pʼiʼisil le tiempooʼ.
Le Kʼiin xanoʼ u yojel baʼax hora ken u baluba.+
20 Teech beetik u yéeʼjochʼeʼental utiaʼal u yáakʼabtal,+teʼ súutuk jeʼeloʼ ku joʼopʼol u máan u baʼalcheʼiloʼob kʼáax.
21 Le táankelem leónoʼoboʼ* ku jéenkaloʼob mientras táan u máan u kaxt baʼal u jaantoʼob,+ku máan u kaxtoʼob le u yoʼochoʼob ku tsʼaʼabal tumen Diosoʼ.+
22 Le kéen sáasakeʼku binoʼob chital tuʼux ku taʼakikubaʼob.
23 Pero máakeʼ ku bin tu joʼol u meyaj,ku meyaj tak ken chíinik kʼiin.
24 Jéeoba Dios, ¡yaʼab nukuch baʼaloʼob a beetmaj!+Le baʼaxoʼob a beetmoʼ ku yeʼeskoʼob jach yaan a naʼat.+
Le luʼumaʼ chuup yéetel tuláakal le baʼaxoʼob a beetmoʼ.
25 Le kʼáaʼnáaboʼ jach nojoch yéetel jach taam,chuup yéetel baʼalcheʼob nuuktakoʼob yéetel mejentakoʼob.+
26 Tiʼ ku máan le barcoʼoboʼ,tiʼ ku máan xan Leviatán,+ le nojoch baʼalcheʼ ta beetaj utiaʼal u báaxal ichiloʼ.
27 Tuláakloʼob táan u páaʼtkoʼoba tsʼáaik baʼal u jaantoʼob tu yorail.+
28 Ku jaantikoʼob le baʼax ka tsʼáaiktiʼoboʼ,+le kéen a jeʼekʼabt a kʼabeʼ ku kʼamkoʼob yaʼab baʼaloʼob maʼalobtak.+
29 Le kéen xuʼuluk a paktikoʼobeʼ ku joʼopʼol u kaxkubaʼob.
Ku kíimloʼob wa ka luʼsik u muukʼil u kuxtaloʼob.+
30 Le kéen meyajnaktech a podereʼ ka beetik u yantal tuláakal baʼal,+ka beetik u yantal túumben baʼaloʼob way luʼumeʼ.
31 Mix bikʼin u xuʼulul u yilaʼal bukaʼaj u poder Jéeoba.
Jéeobaeʼ yaan u kiʼimaktal u yóol yoʼolal le baʼaxoʼob u beetmoʼ.+
32 Le kéen u pakt le luʼumoʼ ku joʼopʼol u kikilankil le luʼumoʼ.
Le kéen u péetsʼkʼabt le montañaʼoboʼ ku káajal u butsʼilankiloʼob.+
33 Yaan in kʼaay tiʼ Jéeoba+ tuláakal u kʼiiniloʼob in kuxtal.
Mientras kuxaʼaneneʼ yaan in kʼaay* utiaʼal in alabartik in Dios.+
34 Kexiʼ ka utschajak tu tʼaan Dios le baʼaxoʼob kin tuklikoʼ.
Teneʼ yaan u kiʼimaktal in wóol tu yoʼolal Jéeoba.
35 Le máaxoʼob ku beetkoʼob baʼaloʼob kʼaastakoʼ maʼ kun kaʼa ilbiloʼob way luʼumeʼ,yaan u pʼáatal minaʼan kʼasaʼan máakoʼob.+
Yaan in alabartik Jéeoba. ¡Alabartaʼak Jéeoba!*
Notas
^ Wa «le yaʼabkach jaʼoboʼ».
^ Wa «burro salvaje». Lelaʼ junpʼéel clase burro maʼ suukbesaʼaniʼ yéetel chéen tiʼ kʼáax wa tiʼ desierto ku máan.
^ Lelaʼ juntúul chan baʼalcheʼ chíikaʼan tiʼ tʼuʼul.
^ Teʼelaʼ táan u tʼaan tiʼ junpʼéel clase chivo kʼoʼoxtakoʼob, maʼ tu páajtal u yalakʼtaʼaloʼob.
^ Wa «Le táankelem leónoʼob tsʼoʼok u chowaktal u tsoʼotsel u pooloʼoboʼ».
^ Wa «in paax».
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
