Salmos 101:1-8
Le kʼaayaʼ David tsʼíibte.
101 Yaan in kʼaay utiaʼal in alabartik a nojoch yaabilaj yéetel a justicia.
Jéeoba Dios, yaan in kʼaay* utiaʼal in alabarkech.
2 Yaan in kanáantik baʼax kin beetik, maʼ ken in beet baʼax kʼaas.
¿Baʼax kʼiin a taal a wáanten?
Yéetel tuláakal in puksiʼikʼal+ kun chúukpajal in wóol in beet baʼax maʼalob ichil in wotoch.
3 Maʼ ken in chaʼant mix junpʼéel baʼal kʼaas.*
In pʼekmaj le baʼaxoʼob ku beetik le máaxoʼob ku kʼéechloʼob tiʼ le maʼalob bejoʼ.+
Junpuliʼ maʼ ken in beet baʼax ku beetkoʼob.
4 Juntúul máax kʼasaʼan u puksiʼikʼaleʼ maʼ tin chaʼik u náatsʼal tin wiknal.
Teneʼ maʼ ken in kʼam mix junpʼéel baʼal kʼaas.
5 Yaan in xuʼulsik tiʼ jeʼel máaxakku joʼopʼol u yaʼalik baʼaloʼob maʼ jaajtak tu contra u yéet máakileʼ.+
Maʼ ken in chéen il baʼax ku beetikjuntúul máak ku creerkuba yéetel nojbaʼal u taaskuba.
6 Yaan in weʼesik in wutsil tiʼ le máaxoʼob chúukaʼan u yóoloʼoboʼ,letiʼobeʼ yaan u kajtaloʼob tin wotoch.
Le máaxoʼob mix baʼal kʼaas ku beetkoʼoboʼ yaan u meyajtikenoʼob.
7 Le máaxoʼob ku tuusoʼoboʼ maʼ kun kajtaloʼob tin wotoch,le máaxoʼob ku tuusoʼoboʼ junpuliʼ maʼ kun antaloʼob tin táan.
8 Sáamsamal kéen sáasakeʼ yaan in makik u chiʼ* tuláakal le kʼasaʼan máakoʼob yaan way luʼumeʼ.
Mix juntúul tiʼ le máaxoʼob ku beetkoʼob baʼaloʼob kʼaastak ken in chaʼa u pʼáatal ichil u kaajal Jéeobaoʼ.+
