Proverbios 30:1-33
30 Lelaʼ letiʼe baʼaxoʼob kʼaʼanaʼantak aʼalaʼab tiʼ Itiel yéetel Ukal tumen Agur, u hijo Jaké.
2 Teneʼ maas chéen junpʼíit baʼal in wojel ke uláakʼ máakoʼob,+yéetel minaʼanten le bukaʼaj naʼat unaj u yantal tiʼ juntúul máakoʼ.
3 Maʼ in kan baʼax le naʼatoʼyéetel minaʼanten le naʼat ku taal tiʼ le Máax Jach Santooʼ.
4 ¿Máax tsʼoʼok u naʼakal teʼ kaʼan yéetel tsʼoʼok u kaʼa éemeloʼ?+
¿Máax tsʼoʼok u machik le iikʼ yéetel u kʼaboʼoboʼ?
¿Máax tsʼoʼok u toʼik le jaʼ yéetel u nookʼoʼ?+
¿Máax tsʼaamil tak tuʼux ku náakal le luʼumoʼ?+
¿A wojel wa bix u kʼaabaʼ letiʼ, yéetel bix u kʼaabaʼ u paal?
5 Tuláakal baʼax ku yaʼalik Dioseʼ jach maʼalob,+letiʼeʼ bey junpʼéel escudo utiaʼal le máaxoʼob ku natsʼkubaʼob tu yiknaloʼ.+
6 Maʼ a waʼalik u maasil tiʼ le baʼaxoʼob tu yaʼaloʼ+wa maʼeʼ yaan u castigarkech,yéetel yaan u yilaʼal chéen táan a tuus.
7 Kaʼapʼéel baʼal kin kʼáatiktech,tsʼáatenoʼob antes in kíimil.
8 Náachkunt le tuus yéetel le baʼaloʼob maʼ jaajtak tiʼ tenoʼ.+
Maʼ a tsʼáaikten óotsilil mix ayikʼalil.
Chéen chaʼa in jaantik le bukaʼaj janal kʼaʼabéettenoʼ,+
9 utiaʼal maʼ in naʼajtal ka in negartech yéetel ka in waʼal: «¿Máax Jéeoba?»,+maʼ a chaʼik xan in wóotsiltal utiaʼal maʼ in wookol yéetel ka in mixbaʼalkúunt a kʼaabaʼ in Dios.
10 Maʼ a waʼalik baʼaloʼob maʼ jaajtak yoʼolal juntúul esclavo tu táan u tsʼuulil,tumen wa maʼeʼ yaan u maldecirkech yéetel yaan u yilaʼal tiʼ teech yaan u culpail.+
11 Yaan junpʼéel generación máakoʼob ku maldecirkoʼob u papáʼobyéetel maʼatech u respetarkoʼob u maamaʼob.+
12 Yaan junpʼéel generación máakoʼob limpio u yilkubaʼob,+pero maʼ luʼsaʼaktiʼob le baʼax éekʼkuntmiloʼoboʼ.
13 ¡Yaan junpʼéel generación máakoʼob jach ku creerkubaʼobyéetel ku yilkoʼob u maasil máakoʼob bey mix baʼaloʼobeʼ!+
14 Yaan junpʼéel generación máakoʼob bey espada u kojoʼobeʼ,u chaʼankojoʼobeʼ beyoʼob cuchilloʼob ku kíimsajoʼobeʼ.
Letiʼobeʼ ku jaantikoʼob le óotsiloʼob yanoʼob way luʼumeʼ,+le máaxoʼob minaʼan máax áantkoʼoboʼ.
15 Le sanguijuela’obo’* yaan kaʼatúul u hijaʼob ku kʼaʼam aʼalikoʼob: «¡Tsʼáaten! ¡Tsʼáaten!».
Yaan óoxpʼéel baʼaloʼob maʼatech u chuʼuploʼob,kanpʼéel baʼaloʼob mantatsʼ táan u yaʼalikoʼob: «¡Tsʼáaten!»:
16 junpʼéeleʼ letiʼe Muknaloʼ,*+ uláakʼeʼ letiʼe koʼolel maʼ tu páajtal u yantal u paalaloʼ,uláakʼeʼ letiʼe luʼum jach junpuliʼ minaʼan u jaʼiloʼyéetel u tsʼookoʼ letiʼe kʼáakʼ mantatsʼ ku yaʼalik: «¡Tsʼáaten u maasil!».
17 Le máax ku burlartik u papá yéetel maʼ tu beetik baʼax ku yaʼalik u maamaeʼ...+
yaan u jóoʼsaʼal u yich tumen le cuervoʼob* yanoʼob teʼ táax luʼumoʼyéetel yaan u jaantaʼal u yich tumen u mejnil le águilaʼoboʼ.+
18 Yaan óoxpʼéel baʼaloʼob maʼ tu páajtal in naʼatik,kanpʼéel baʼaloʼob maʼ kʼuchken in naʼatiʼ:
19 le bej tuʼux ku máan le águila teʼ kaʼanoʼ,le bej ku bisik juntúul kaan kéen naʼakak tiʼ junpʼéel tuunichoʼ,le bej ku bisik junpʼéel barco yóokʼol le kʼáaʼnáaboʼyéetel le bej ku bisik juntúul máak utiaʼal u kʼuchul tu puksiʼikʼal juntúul x-chʼúupaloʼ.
20 U beel le koʼolel ku bisik junpʼéel kʼaakʼas kuxtaloʼ letiʼe jeʼelaʼ:
ku janal, ku choʼik u chiʼ,yéetel ku yaʼalik: «Mix baʼal kʼaas in beetmaj».+
21 Yaan óoxpʼéel baʼaloʼob beetik u tíitkuba le luʼumoʼ,yéetel kanpʼéel baʼaloʼob maʼ maʼalob u yilaʼal tumen le máakoʼoboʼ:
22 u beetik u reyil juntúul esclavo,+u sen antal baʼal u jaant juntúul j-maʼ naʼat,
23 u tsʼoʼokol u beel juntúul máak yéetel juntúul koʼolel u pʼekmaj,*yéetel u chʼaʼabal u lugar juntúul xunáan tumen u x-meyaj.+
24 Way luʼumeʼ yaan baʼaloʼob kex mejentakoʼobeʼ jach yaan u naʼatoʼob,ichil le baʼaloʼob maas mejentakoʼoboʼ tiaʼan le kantúuloʼobaʼ:+
25 le síinikoʼoboʼ maʼ jach yaan u muukʼoʼob jeʼex uláakʼ baʼalcheʼobeʼ,kex beyoʼ ku juntartik u yoʼochoʼob tu kʼiinil yaan cosecha.+
26 Le damánoʼoboʼ*+ maʼ baʼalcheʼob jach yaan u muukʼoʼobiʼ,kex beyoʼ ku beetik u yotochoʼob tu kaʼanlil le nukuch tuunichoʼoboʼ.+
27 Le sáakʼoʼoboʼ*+ minaʼan u reyoʼob,kex beyoʼ tuláakloʼob tsoolol u binoʼob.+
28 Le gecooʼ+ ku machkuba tiʼ le pakʼ yéetel u kʼaboʼoboʼ,ku yokol tu palacio juntúul rey.
29 Yaan óoxpʼéel baʼaloʼob jach ku náachtal u síitʼoʼob,yaan kanpʼéel baʼaloʼob ku beetik u jaʼakʼal u yóol máak kéen péeknakoʼob:
30 le leónoʼ letiʼe baʼalcheʼ maas yaan u páajtalil ichil le tsʼíitsʼik baʼalcheʼoboʼ,maʼatech u jóokʼol u yáalkab tu táan mix baʼal,+
31 le galgoo’,* le chivoo’,yéetel juntúul rey tiaʼan yéetel u ejércitoeʼ.
32 Wa ichil a j-maʼ naʼatil ta nojbaʼalkúuntaba+bey xan wa tsʼoʼok a tuklik a beetkeʼ,maas maʼalob ka a pix a chiʼ yéetel a kʼab.+
33 Ikil u júuytaʼal lecheeʼ ku yantal mantequilla,ikil u chich bitʼik u niʼ máakeʼ ku jóokʼol u kʼiʼikʼel,ikil u pʼuʼujul máakeʼ ku yantal baʼateltʼaan.+
Notas
^ Junpʼéel clase x-nookʼol kajaʼan ich jaʼ ku chuʼuchik u kʼiʼikʼel máak bey xan u kʼiʼikʼel baʼalcheʼ kéen táakʼaktiʼob.
^ Ilawil página 2572.
^ Le chʼíichʼaʼ chíikaʼan tiʼ kʼaʼaw, chéen baʼaleʼ maas nojoch.
^ Wa «maʼ u yaabiltmiʼ».
^ Lelaʼ juntúul chan baʼalcheʼ chíikaʼan tiʼ tʼuʼul.
^ Wa «langostaʼob».
^ Junpʼéel clase peekʼ jach chich u yáalkab.
