Miqueas 4:1-13
4 Tu tsʼook kʼiinoʼobeʼle montaña tuʼux yaan u yotoch Jéeobaoʼ+yaan u yetsʼkúuntaʼal maʼalob tu yóokʼol le montañaʼoboʼ,yéetel yaan u chʼúuyaʼal utiaʼal ka yanak tu yóokʼol le puʼukoʼoboʼ,*teʼeloʼ tiʼ kun bin le kaajoʼoboʼ.+
2 Yaʼab kaajoʼob kun binoʼobiʼ, yéetel yaan u yaʼalikoʼob:
«Koʼoteneʼex utiaʼal ka naʼakakoʼon tu montaña Jéeoba,tu yotoch u Dios Jacob.+
Letiʼeʼ yaan u kaʼansiktoʼon u beeloʼob,toʼon túuneʼ yaan k-xíimbal teʼ bejoʼob ken u yeʼestoʼonoʼ».
Tumen le leyoʼ* yaan u jóokʼol desde Sión,u tʼaan Jéeobaeʼ yaan u jóokʼol desde Jerusalén.
3 Letiʼeʼ yaan u beetik u juezil ichil le yaʼab kaajoʼoboʼ,+yéetel yaan u tojkíintik* le baʼaxoʼob ku yúuchul teʼ náanach kaajoʼob jach yaan u páajtaliloʼoboʼ.
U espadaʼobeʼ yaan u sutkoʼob u nuʼukulil u péeksaʼal luʼum,u lanzaʼobeʼ yaan u sutkoʼob u nuʼukulil podar.+
Maʼ ken u líiʼs u espada mix junpʼéel kaaj tu contra uláakʼ kaaj,mix kun seguer u kankoʼob baʼateʼel.+
4 Cada juntúuleʼ yaan u kutal* yáanal u boʼoy u pakʼal uva yéetel yáanal u boʼoy u pakʼal higo,+mix máak kun beetik u sajaktaloʼob,+tumen bey tsʼoʼok u yaʼalik Jéeoba, le máax gobernartik le ángeloʼoboʼ.
5 Tuláakal le kaajoʼoboʼ yaan u meyajtikoʼob u diosoʼob,*chéen baʼaleʼ toʼoneʼ yaan k-meyajtik Jéeoba k-Dios*+ utiaʼal kʼiinoʼob minaʼan u xuul.
6 Jéeobaeʼ ku yaʼalik: «Teʼ kʼiin jeʼeloʼyaan in taasik le kaaj kojkʼalankil u máan kaʼachoʼ,yaan in muchʼik le kaaj bisaʼab náachiloʼ,+yaan in muchʼkíintik yéetel le máaxoʼob tin castigartoʼoboʼ.
7 Yaan in salvartik junjaats tiʼ le kaaj kojkʼalankil u máan kaʼachoʼ,+le kaaj bisaʼab tiʼ junpʼéel náanach luʼumiloʼ yaan in beetik u kʼuchul u beetuba junpʼéel kaaj jach yaan u páajtalil.+
Jéeobaeʼ yaan u gobernar bey rey tu yóokʼoloʼob desde teʼ Montaña Siónoʼ,leloʼ yaan u yúuchul desde bejlaʼeʼ tak kʼiinoʼob minaʼan u xuul.
8 Teech, le torre desde tuʼux ku kanáantaʼal le tamanoʼoboʼ,u puʼukil u hija Sión,+jach tu jaajil yaan u suut tiʼ teech le yáax gobiernooʼ,*+le reino u tiaʼal u hija Jerusalénoʼ.+
9 ¿Baʼaxten táan a kʼaʼam awat?
¿Ka beetik wa tumen minaʼan juntúul a rey,wa tumen tsʼoʼok u kíimil le máax nuʼuktikechoʼ?
¿Ka beetik wa tumen táan a sen muʼyaj jeʼex u muʼyaj juntúul koʼolel táan u síijil u chaambaleʼ?+
10 U hija Sión, chʼoʼochʼotaba yéetel áakamnenjeʼex u beetik juntúul koʼolel táan u síijil u chaambaleʼ,tumen beoraaʼ yaan a jóokʼol teʼ kaajoʼ yéetel yaan a bin kajtal teʼ kʼáaxoʼ.
Yaan a bisaʼal tak Babilonia,+chéen baʼaleʼ yaan a salvartaʼal,+teʼeloʼ Jéeobaeʼ yaan u kaʼa manikech tu kʼab a enemigoʼob.+
11 Yaʼab kaajoʼob ken u muchʼubaʼob utiaʼal u taaloʼob ta contra;letiʼobeʼ yaan u yaʼalikoʼob: ‹Kʼaskúuntaʼak Sión,beyoʼ yaan u páajtal k-ilik le baʼax kun úuchultiʼoʼ›.
12 Letiʼobeʼ maʼ u yojloʼob le baʼax ku tuklik Jéeobaoʼ,maʼ tu naʼatkoʼob le baʼax u tukultmaj u beetkoʼ.*
Yaan u muchʼkoʼob jeʼex u beetaʼal yéetel u kúukuchal* túumben trigo teʼ táax luʼum tuʼux ku jóoʼsaʼal le neekʼoʼoboʼ.
13 U hija Sión, líiʼkech, luʼs u sóol le neekʼoʼoboʼ,+tumen teneʼ yaan in beetik a pʼáatal jeʼex juntúul toro de fierro u baakoʼobeʼyéetel de cobre u maayoʼobeʼ.
Techeʼ yaʼab kaajoʼob ken a xiixkúunte,+yéetel le baʼaloʼob tu yokoltoʼoboʼ yaan a kʼubik tiʼ Jéeoba.
Le baʼaloʼob yaantiʼoboʼ yaan a kʼubik tiʼ u Yuumil* tuláakal le luʼumoʼ».+
Notas
^ Wa «cerroʼoboʼ».
^ Wa «le nuʼuktajoʼ».
^ Wa «yutskíintik».
^ Wa «kajtal».
^ Ich hebreoeʼ ku yaʼalaʼal kaʼach «cada junpʼéeleʼ yaan u máan tu kʼaabaʼ u dios».
^ Ich hebreoeʼ ku yaʼalaʼal kaʼach «yaan k-máan tu kʼaabaʼ Jéeoba k-Dios».
^ Wa «le gobierno yaan kaʼachoʼ».
^ Wa «le nuʼuktaj ku tsʼáaikoʼ».
^ Wa «u rollosil».
^ Wa «tiʼ u jaajil Yuumtsilil».
