Miqueas 1:1-16
1 Lelaʼ letiʼe baʼax tu yaʼalaj Jéeoba* tiʼ Miqueas,*+ le máax ku taal tu kaajil Morésetoʼ, lelaʼ úuch tu kʼiiniloʼob Jotán,+ Acaz+ yéetel Ezequías+ u reyiloʼob Judá.+ Le baʼax tsʼaʼab u yiloʼ yaan yil yéetel Samaria bey xan yéetel Jerusalén.
2 «¡Kaajeʼex, tuláakleʼexeʼ uʼuyeneʼexiʼ!
Luʼum, teech yéetel tuláakal le baʼax chupmilechoʼ, chʼenxikinteneʼexiʼ.
Jéeobaeʼ tiaʼan tu santo temploeʼ.
Desde teʼeloʼ, Jéeoba, le máax yaan tuláakal autoridad tiʼoʼ, ka u beet u testigoil ta contraʼex.+
3 Tumen ¡ilawileʼex!, Jéeobaeʼ táan u jóokʼol desde teʼ tuʼux yanoʼ.
Letiʼeʼ yaan u yéemel yéetel yaan u peʼechaʼtik le kaʼanal lugaroʼob yanoʼob teʼ luʼumoʼ.
4 Yaan u yíibil le montañaʼob yáanal u yookoʼoboʼ,+yaan u búujul le táax luʼumoʼoboʼ,yaan u yíibiloʼob jeʼex u yíibil le cera tu táan kʼáakʼoʼ,yaan u pʼáatloʼob jeʼex le jaʼ ku taal u yéemel desde junpʼéel lugar kaʼanaloʼ.
5 Tuláakal lelaʼ yaan u yúuchul tumen Jacobeʼ tu beetaj u tercoil,tumen u kajnáaliloʼob Israeleʼ tu beetoʼob baʼaloʼob kʼaastak.+
¿Tiʼ máax yaan u culpail le baʼax tu beetaj Jacoboʼ?
¿Maʼ wa tiʼ Samariaiʼ?+
¿Máax beet u yantal le kaʼanal lugaroʼob* yanoʼob Judáoʼ?+
¿Maʼ wa Jerusaléniʼ?
6 Teneʼ yaan in beetik ka pʼáatak Samaria chéen jutul pakʼoʼob,yaan in beetik ka pʼáatak chéen junpʼéel terreno tuʼux ku paʼakʼal uva,yaan in pulik* u tuunichiloʼob teʼ táax luʼumoʼ,yéetel yaan in beetik ka chíikpajak u chuunpakʼiloʼob.
7 Tuláakal u póolbil imagenoʼoboʼ yaan u xiixkúuntaʼaloʼob,+yaan u tóokaʼal tuláakal le baʼaloʼob siʼibtiʼ* úuchik u prostituirkubaoʼ.+
Teneʼ yaan in xuʼulsik tiʼ tuláakal u imagenoʼob.
Tuláakal le baʼaloʼob tsʼaʼab tiʼ Samaria úuchik u prostituirkubaoʼyaan u toʼokoltiʼ yéetel yaan u meyaj utiaʼal u boʼotaʼal uláakʼ x-prostitutaʼob».
8 Tu yoʼolal leloʼ yaan in wokʼol yéetel yaan in awat okʼol,+x-maʼ xanabil yéetel x-maʼ nookʼil kin máan.+
Yaan in chiʼibal okʼol jeʼex u beetik le chacaloʼoboʼ,*yéetel yaan in wokʼol jeʼex juntúul avestruzeʼ.
9 Tumen le loob uchaʼan tiʼ Samariaoʼ maʼ tu páajtal u tsʼaʼakal,+yéetel tsʼoʼok u kʼuchul tak Judá.+
Le loob jeʼeloʼ tsʼoʼok u kʼuchul tak tu joonajil in kaajal, tak Jerusalén.+
10 «Maʼ a tsʼáaikeʼex ojéeltbil tu kaajil Gat,junpuliʼ maʼ unaj a wokʼoleʼexiʼ.
U kajnáalileʼex Bet-afrá,* baʼlabaʼex teʼ luʼumoʼ.
11 U kajnáalileʼex* Safir, x-maʼ nookʼil yéetel ich suʼtsilil ka xiʼikeʼex.
U kajnáaliloʼob* Zaanáneʼ maʼ jóokʼkoʼob teʼ kaajoʼ.
Ka kanáantaʼaleʼex kaʼach tu kaajil Bet-ezel, chéen baʼaleʼ beoraaʼ chéen okʼol kun úuchliʼ.
12 U kajnáaliloʼob* Maroteʼ táan kaʼach u páaʼtkoʼob baʼax maʼalob,chéen baʼaleʼ Jéeobaeʼ tsʼoʼok u beetik u kʼuchul le baʼax kʼaas tak tu joonajil Jerusalénoʼ.
13 U kajnáalileʼex* Lakís, kʼaxeʼex le tsíiminoʼob tu carroil baʼateloʼ,+teʼex beet u káajal u kʼebantal u hija Sión.
U hija Sión, tiʼ techeʼ ku yilaʼal le baʼaloʼob kʼaastak ku beetaʼal Israeloʼ.+
14 Bey túunoʼ le kéen xiʼik Moréset-gateʼ yaan a síik baʼaloʼob tiʼ.
U yotochoʼob Akzibeʼ+ tu tusoʼob u reyiloʼob Israel.
15 U kajnáalileʼex* Maaresa,+ yaan in taasik ta wiknaleʼex+ le máax kun chʼaʼik le baʼaloʼob yaanteʼexoʼ.
U kiʼichkelmil Israeleʼ yaan u kʼuchul tak Adulam.+
16 Kʼoliskúuntabaʼex, kʼos a pooleʼex tumen yaan u taal junpʼéel nojoch loob tu yóokʼol le a paalaleʼex jach a yaabiltmeʼexoʼ.
Kʼoliskúuntabaʼex jeʼex juntúul águilaeʼ,tumen a paalaleʼexeʼ tsʼoʼok u toʼokloʼobteʼex utiaʼal u bisaʼaloʼob táanxel luʼumil».+
Notas
^ Ilawil página 2566.
^ Lelaʼ u abreviaciónil le kʼaabaʼ Miguel (u kʼáat u yaʼal «¿Máax Jeʼex Dioseʼ?») wa Micaya (u kʼáat u yaʼal «¿Máax Jeʼex Jéeobaeʼ?»).
^ Ilawil «Kaʼanal lugar», página 2567.
^ Ich hebreoeʼ ku yaʼalaʼal kaʼach «in wekik».
^ Wa «tuláakal le taakʼin boʼotaʼabtiʼ».
^ Juntúul baʼalcheʼ chíikaʼan tiʼ chʼomak.
^ Wa «U yotoch Afrá».
^ Ich hebreoeʼ ku yaʼalaʼal kaʼach «Koʼolel kajaʼan».
^ Ich hebreoeʼ ku yaʼalaʼal kaʼach «Koʼolel kajaʼan».
^ Ich hebreoeʼ ku yaʼalaʼal kaʼach «Koʼolel kajaʼan».
^ Ich hebreoeʼ ku yaʼalaʼal kaʼach «Koʼolel kajaʼan».
^ Ich hebreoeʼ ku yaʼalaʼal kaʼach «Koʼolel kajaʼan».
