Habacuk 2:1-20
2 Teneʼ yaan in pʼáatal waʼatal teʼ tuʼux kin kananoʼ,+yaan in pʼáatal tu yóokʼol le pakʼoʼ.
Yaan u seguer in páaʼtaj* utiaʼal in wilik baʼax ken u yaʼalten ka in waʼale,yéetel utiaʼal in wilik baʼax ken in núuktiʼ le kéen u tsolten u nuʼukoʼ.
2 Jéeoba túuneʼ tu yaʼalajten:
«Tsʼíibt le baʼax ken a wiloʼ, yéetel ilawil a tsʼíibtik maʼalob tu yóokʼol jaajay tuunichoʼob,*+beyoʼ le máax ken u xok kʼaʼamoʼ chéen chʼaʼabil ken u xokil.+
3 Tumen le baʼax ken a wiloʼ yaan u béeytal teʼ kʼiin aʼalaʼan kun úuchloʼ,maʼ chéen junpʼéel tuusiʼ, le kʼiin jeʼeloʼ séebaʼan kun kʼuchul.
¡Maʼ u náayal a wóol,* kex ka a wil táan u xáantaleʼ* páaʼte!+
Tumen jach tu jaajil yaan u béeytal.
¡Yaan u kʼuchul jach tu yorail!
4 Jach ilawil le máax jach nojbaʼal u taaskubaoʼ,letiʼeʼ maʼ toj baʼax ku beetkiʼ.
Chéen baʼaleʼ le máax toj u kuxtaloʼ yaan u kuxtal tumen chúukaʼan u yóol.*+
5 Le vinooʼ ku péeksik máak u beet baʼaloʼob minaʼan u cuentail,le oʼolaleʼ le máax jach nojbaʼal u taaskubaoʼ maʼ ken u béeykunt le baʼax tsʼoʼok u chʼaʼtuklik u beetkoʼ.
Letiʼeʼ maʼatech u naʼajtal, bey jeʼex le Muknal* maʼatech u chuʼuploʼ.
Letiʼeʼ maʼatech u naʼajtal, bey jeʼex le kíimiloʼ.
Letiʼeʼ ku muchʼik tuláakal le naciónoʼoboʼ,yéetel ku chʼaʼik tuláakal le kaajoʼoboʼ.+
6 Letiʼobeʼ, ¿maʼ wa kun tʼaanoʼob tu contra?+ ¿Maʼ wa ken u burlartoʼob? ¿Maʼ wa ken u yaʼaloʼobtiʼ junpʼéel baʼal suuk u yaʼalaʼal?
Letiʼobeʼ yaan u yaʼalikoʼob:
‹¡Yaj bix kun tsʼoʼokol tiʼ le máax ku muchʼkíintik baʼaloʼob maʼ u tiaʼaloʼ,yaj bix kun tsʼoʼokoltiʼ, tumen chéen táan u maas yaʼabkuntik u pʼaax!
¿Tak baʼax kʼiin kun xuʼulul u yúuchul beyoʼ?
7 Le máaxoʼob a pʼaxmoʼoboʼ yaan u téek líikʼloʼob ta contra.
Letiʼobeʼ yaan u yaajloʼobeʼ yéetel yaan u jáajanpaykechoʼob,yéetel yaan u láaj chʼaʼikoʼob le baʼaloʼob yaantechoʼ.+
8 Le baʼaloʼob yaantechoʼ tiʼ yaʼabkach kaajoʼob ta tokaj,le oʼolaleʼ le u maasil kaajoʼoboʼ yaan xan u tokikoʼobtech le baʼaloʼob yaantechoʼ.+
Bey kun úuchultechoʼ tumen yaʼab máakoʼob ta kíimsaj,ta kʼaskúuntaj le luʼumoʼ,le kaajoʼoboʼ yéetel ta beetaj loob tiʼ u kajnáaliloʼob.+
9 ¡Yaj bix kun tsʼoʼokol tiʼ le máax ku beetik baʼax kʼaas utiaʼal u yantal baʼaloʼob tiʼ u familiaoʼ!*
¡Letiʼeʼ ku beetik beyoʼ utiaʼal u tsʼáaik u kʼuʼ tiʼ junpʼéel kaʼanal lugar,utiaʼal u púutsʼul tiʼ le loob kun taal tu yóokʼoloʼ!
10 Le baʼax ta chʼaʼtuklaj a beetkoʼ tsʼoʼok u taasik suʼtsilil tiʼ a familia.
Techeʼ tsʼoʼok a kʼebantal úuchik a xuʼulsik tiʼ yaʼabkach kaajoʼob.+
11 Tumen junpʼéel tuunicheʼ yaan u kʼaʼam tʼaan desde teʼ pakʼoʼ,yéetel desde teʼ techo beetaʼan de cheʼoʼ junpʼéel viga kun núukiktiʼ.
12 ¡Yaj bix kun tsʼoʼokol tiʼ le máax ku kíimsik yaʼab máak utiaʼal u beetik junpʼéel kaajoʼ,yéetel ku beetik baʼaloʼob kʼaastak utiaʼal ka yanak u muukʼ!
13 ¡Ilawile! Lelaʼ ¿maʼ wa tiʼ Jéeoba, le máax gobernartik le ángeloʼob u taaloʼ? Letiʼeʼ ku beetik u meyaj le máakoʼob chéen utiaʼal ka puʼuluk ich kʼáakʼ le baʼaloʼob ku beetkoʼoboʼ.
Ku beetik u kíimskuba meyaj le kaajoʼoboʼ, chéen baʼaleʼ chéen kunel le meyaj ku beetkoʼoboʼ.+
14 Tumen le luʼumaʼ yaan u chuʼupul yéetel máakoʼob u kʼaj óoloʼob bukaʼaj u poder Jéeoba,yaan u chuʼupul jeʼex chuupil le kʼáaʼnáab yéetel jaʼoʼ.+
15 ¡Yaj bix kun tsʼoʼokol tiʼ le máax ku tsʼíikil yéetel ku pʼuʼujuloʼ,le máax ku káalkuntik u amigoʼobutiaʼal u yilkoʼob x-maʼ nookʼiloʼ!
16 Techeʼ tu lugar a nojbaʼalkúuntaʼaleʼ yaan a mixbaʼalkúuntaʼal.
Teech xaneʼ káalchajkech, yéetel beet u yilaʼal de ke maʼ circuncidadoechiʼ.*
Yaan u kʼuchul u kʼiinil a wukʼik le baʼax yaan teʼ copa tiaʼan tu x-noʼoj kʼab Jéeobaoʼ,+yéetel tu lugar a alabartaʼaleʼ yaan a pʼaʼatal ich suʼtsilil.
17 Jeʼel bix úuchik a xuʼulsik tiʼ le Líbanooʼ bey xan kun xuʼulsbiltechoʼ,jeʼel bix úuchik a xuʼulsik tiʼ le baʼalcheʼob ta sajakkúuntoʼoboʼ bey xan kun xuʼulsbiltechoʼ.
Bey kun úuchultechoʼ tumen yaʼab máakoʼob ta kíimsaj,ta kʼaskúuntaj le luʼumoʼ,le kaajoʼoboʼ yéetel ta beetaj loob tiʼ u kajnáaliloʼob.+
18 ¿Baʼax u biilal junpʼéel póolbil imagenbeetaʼan tumen wíinik?
¿Baʼax u biilal junpʼéel imagen de metal yéetel junpʼéel baʼal chéen tuusoʼob ku kaʼansik?
Le máax beetmil le diosoʼob mix baʼal u biilaloʼoboʼ, ¿jeʼel wa u páajtal u confiar tiʼ letiʼobeʼ?
¿Jeʼel wa u páajtal u confiar tiʼ le diosoʼob maʼ tu páajtal u tʼaanoʼobaʼ?+
19 Yaj bix kun tsʼoʼokol tiʼ le máax aʼalik tiʼ junxéetʼ cheʼoʼ: «¡Aajkech!».
Yaj bix kun tsʼoʼokol tiʼ le máax aʼalik tiʼ junpʼéel tuunich maʼ tu páajtal u tʼaanoʼ: «¡Aajkech! ¡Kaʼansoʼoniʼ!».
¡Ilawileʼex! Le imagenoʼ pixaʼan yéetel oro bey xan yéetel plata,+yéetel maʼatech u chʼaʼik u yiikʼ.+
20 Chéen baʼaleʼ Jéeobaeʼ tiaʼan tu santo temploeʼ.+
¡Tuláakal yóokʼol kaabeʼ u mak u chiʼ tu táan letiʼ!›».+
Notas
^ Ich hebreoeʼ ku yaʼalaʼal kaʼach «u seguer in paakat».
^ Wa «tu yóokʼol tablas».
^ Wa «¡Sen tsʼíibolt u kʼuchul».
^ Wa «bey táan u xáantaleʼ».
^ Uláakʼ bix u traducirtaʼaleʼ «tumen yaan u fe; tu yoʼolal le baʼax ku creerkoʼ».
^ Ilawil página 2572.
^ Wa «u naciónoʼ!».
^ Uláakʼ bix u traducirtaʼaleʼ «yéetel xeen a takchalankil». Ilawil «Circuncisión», página 2559.
