Nahúm 2:1-13
2 Le máax kʼiʼitbesik le máakoʼoboʼ tsʼoʼok u taal baʼateʼel ta contra.*+
Kanáant u pakʼiloʼob le kaajoʼ.
Maʼ a luʼsik a paakat tiʼ le bejoʼ.
Líiʼsaba utiaʼal le baʼateloʼ, yanak a muukʼ.
2 Jéeobaeʼ yaan u beetik u kaʼa kiʼichkelemtal Jacob,yaan xan u beetik u kaʼa kiʼichkelemtal Israel,tumen letiʼobeʼ tsʼoʼok u xuʼulsaʼaloʼob tumen le máaxoʼob ku xuʼulsajoʼoboʼ.+
Tsʼoʼok u kʼaskúuntaʼal le u kʼab u matailoʼob uva yaantiʼoboʼ.
3 Le escudo yaan tiʼ u soldadoʼob jach yaan u páajtaliloʼoboʼ chak bonaʼaniloʼob,u nookʼ u soldadoʼobeʼ wáaʼchak.
Teʼ kʼiin táan u líiʼskubaʼob utiaʼal le baʼateloʼ,le fierro yaan tiʼ le carroʼob utiaʼal u baʼateloʼoboʼ ku léetsʼbaloʼob jeʼex le kʼáakʼoʼyéetel ku tichʼkoʼob kaʼan le u lanzaʼob beetaʼanoʼob de u cheʼil enebrooʼ.
4 Le u carroiloʼob baʼateloʼ chich u máanoʼob teʼ calleʼoboʼ.
Ku naʼakloʼob yéetel ku yéemloʼob teʼ kʼíiwikoʼoboʼ.
Ku tóochʼbaloʼob jeʼex u tóochʼbal le kʼáakʼoʼ yéetel ku léembaloʼob jeʼex u jaatsʼ cháakeʼ.
5 Letiʼeʼ* ku muchʼik u soldadoʼob jach yaan u páajtaliloʼoboʼ.
Letiʼobeʼ ku tʼóochpajloʼob le táan u binoʼoboʼ.
Tu séebaʼanil ku binoʼob tu tojil le pakʼoʼoboʼ,ku tsʼáaikoʼob baʼaloʼob utiaʼal u balikubaʼob.
6 U joonajil le ríoʼoboʼ yaan u jeʼekʼabtaʼaloʼob,yéetel le palaciooʼ yaan u yíibil.*
7 Lelaʼ letiʼe baʼax tsʼoʼok u yaʼalaʼalaʼ: letiʼeʼ tsʼoʼok u pʼaʼatal ich suʼtsilil,tsʼoʼok u bisaʼal, yéetel u esclavaʼobeʼ táan u yokʼoloʼob.
Letiʼobeʼ ku yokʼoloʼob jeʼex palomaʼobeʼ yéetel ku loxik u tseemoʼob.*
8 Úuchjeakileʼ Níniveeʼ+ bey junpʼéel u tanqueil jaʼeʼ.
Chéen baʼaleʼ beoraaʼ u kajnáaliloʼobeʼ táan u púutsʼloʼob.
Ku yawtaʼaltiʼob: «¡Maʼ a bineʼex! ¡Maʼ a bineʼex!».
Chéen baʼaleʼ mix juntúul ku suutiʼ.+
9 ¡Chʼaʼex le plataoʼ, chʼaʼex le orooʼ!
Jach táaj yaʼab koʼokoj baʼaloʼob yaniʼ,chuup yéetel u clasesil baʼaloʼob jatsʼutstak.
10 ¡Teʼ kaajoʼ tsʼoʼok u pʼáatal mix baʼal yaniʼ, tsʼoʼok u láaj xuʼulsaʼal!+
Sen sajakchaj u puksiʼikʼaloʼob, joʼopʼ u lúubul u muukʼ u píixoʼob, yéetel joʼopʼ u tíitaʼal u caderaʼob.
Tuláakloʼob chíikaʼan u yilaʼal jach saajkoʼob.
11 ¿Tuʼux yaan u saajkab le leónoʼoboʼ,+ le lugar tuʼux ku janal le táankelem leónoʼoboʼ?*
¿Tuʼux yaan u saajkab le león tuʼux ku bisik u mejniloʼ,le lugar tuʼux mix máak beetik u sajaktaloʼoboʼ?
12 Le leónoʼ tu xeʼexetʼaj yaʼab baʼalcheʼob utiaʼal ka u tsʼáa tiʼ u mejniloʼob u jaantoʼob.
Tu kíimsaj baʼalcheʼob utiaʼal u tsʼáa tiʼ le leonaʼoboʼ.
Tu chupaj u saajkaboʼob yéetel le baʼalcheʼob tu chukoʼ,le baʼalcheʼob tu xeʼexetʼoʼ.
13 Jéeoba, le máax gobernartik le ángeloʼoboʼ, ku yaʼalik:+
«¡Ilawile! Yaan in líikʼil ta contra, yéetel yaan in tóokik le u carroiloʼob baʼateʼel yaantechoʼ.+
Le táankelem leónoʼob* yaantechoʼ yéetel espada kun láaj kíimsbiloʼob.
Yaan in xuʼulsik teʼ yóokʼol kaab le baʼaloʼob tsʼoʼok a chukikoʼ.
Maʼ kun kaʼa uʼuybil u tʼaan le máaxoʼob ka túuxtik u yaʼaloʼob wa baʼaxoʼ».+
Notas
^ Wa tu contra Nínive.
^ Teʼelaʼ maʼ xaaneʼ táan u yúuchul tʼaan tiʼ u reyil Asiria.
^ Wa «níikil».
^ Ich hebreoeʼ ku yaʼalaʼal kaʼach «u puksiʼikʼaloʼob».
^ Wa «le táankelem leónoʼob tsʼoʼok u chowaktal u tsoʼotsel u pooloʼoboʼ?».
^ Wa «Le táankelem leónoʼob tsʼoʼok u chowaktal u tsoʼotsel u pooloʼob».
