Isaías 15:1-9
-
Le baʼax ku yaʼalaʼal tu contra Moaboʼ (1-9)
15 Lelaʼ letiʼe baʼax ku yaʼalaʼal tu contra Moabaʼ:+
chéen tiʼ junpʼéel áakʼab ken xuʼulsaʼaktiʼ,tak Ar+ de Moabeʼ yaan u xuʼulsaʼaltiʼ.
Chéen tiʼ junpʼéel áakʼab ken xuʼulsaʼaktiʼ,tak Kir+ de Moabeʼ yaan u xuʼulsaʼaltiʼ.
2 Letiʼeʼ yaan u bin okʼol teʼ Templooʼ bey xan tu kaajil Dibón+yéetel teʼ kaʼanal lugaroʼoboʼ.
Moabeʼ yaan u yawat okʼol tu yoʼolal Nebo+ yéetel Medebá.+
Tuláakal le máakoʼoboʼ yaan u tsʼikik u pooloʼob+ yéetel yaan u luʼsik u meʼexoʼob.+
3 Le máakoʼob ku máanoʼob teʼ calleʼoboʼ yaan u tsʼáaikoʼob toʼotoch nookʼoʼob.
Tuláakal le máakoʼob yanoʼob tu yóokʼol le najoʼob yéetel teʼ kʼíiwikoʼoboʼ yaan u yawat okʼoloʼob,yaan u yokʼoloʼob mientras táan u yéemloʼob.+
4 Yaan u yawat u kaajil Esbón+ yéetel u kaajil Elealé,yaan u yuʼubaʼal u yawatoʼob tak tu kaajil Jáaz.+
U soldadoʼob Moabeʼ maʼ kun xuʼulul u yawatoʼob.
Le kaajoʼ yaan u sen sajaktal.
5 In puksiʼikʼaleʼ ku yokʼol tu yoʼolal Moab.
Le u kajnáaliloʼob kun púutsʼloʼoboʼ yaan u binoʼob tak Zóar+ yéetel Eglat-selisiyá.+
Letiʼobeʼ yaan u yokʼoloʼob mientras táan u naʼakloʼob tu ebekníixil* Luit.
Yoʼolal baʼax tsʼoʼok u yúuchultiʼobeʼ yaan u bin u yawat okʼoloʼob tu bejil Oronaim.+
6 U jaʼil Nimrimeʼ yaan u láaj tijil.
Le yaʼax suʼukoʼ yaan u tijil.
Yaan u pʼáatal minaʼan suʼuk, yaan u tijil tuláakal baʼal.
7 Le oʼolal yaan u biskoʼob u yalab le baʼaxoʼob u líiʼsmoʼob kaʼachoʼ bey xan u yalab u ayikʼaliloʼob.
Letiʼobeʼ yaan u kʼáatmáanoʼob teʼ tuʼux ku yáalkab le jaʼoʼ, teʼ tuʼux yaan u cheʼiloʼob álamooʼ.*
8 Tiʼ tuláakal u luʼumil Moabeʼ yaan u yuʼubaʼal táan awat okʼol.+
Le awat okʼoloʼ yaan u kʼuchul tak Eglaim.
Le awat okʼoloʼ yaan u kʼuchul tak Beer-elim.
9 Tumen u jaʼil Dimóneʼ yaan u chuʼupul yéetel kʼiʼikʼ,le kéen tsʼoʼokkeʼ yaan xan in beetik tiʼ Dimón lelaʼ:
le máaxoʼob kun lukʼloʼob Moab utiaʼal u púutsʼloʼoboʼ yaan u jaantaʼaloʼob tumen juntúul león,bey xan kun úuchul tiʼ le máaxoʼob kun pʼáatloʼob teʼ luʼumoʼ.+
