2 Crónicas 27:1-9
-
Jotáneʼ ku reinar tu yóokʼol Judá (1-9)
27 Veinticinco años yaan kaʼach tiʼ Jotán+ ka káaj u beetik u reyil, yéetel 16 años xáanchaj táan u reinar tu kaajil Jerusalén. U kʼaabaʼ u maamaeʼ Jerusah, u hija Sadok.+
2 Jotáneʼ seguernaj u beetik baʼax maʼalob tu táan Jéeoba jeʼex úuchik u beetaʼal tumen Uzías, u papáoʼ.+ Chéen baʼaleʼ letiʼeʼ maʼ tu tsʼáajuba okol tu templo Jéeobaiʼ.+ Teʼ kʼiinoʼob jeʼeloʼ le kaajoʼ láayliʼ táan u beetik baʼaloʼob maʼ maʼalobtakeʼ.
3 Teʼ tu yotoch Jéeobaoʼ+ Jotáneʼ tu beetaj le Joonaj Yaan Maas Kaʼanaloʼ, tsʼoʼoleʼ tu construirtaj xan yaʼab baʼaloʼob yóokʼol u pakʼiloʼob Ofel.+
4 Tu líiʼsaj xan kaajoʼob+ teʼ tu montañailoʼob Judáoʼ,+ bey xan kaʼanal pakʼoʼob+ yéetel torreʼob+ teʼ kʼáaxoʼoboʼ.
5 Letiʼeʼ bin baʼateʼel tu contra le ammonitaʼoboʼ,+ yéetel le ka máan kʼiineʼ tu ganartoʼob. Teʼ año jeʼeloʼ le ammonitaʼoboʼ tu tsʼáajoʼob 3 toneladas yéetel 420 kilos* plata tiʼ Jotán, tu tsʼáajoʼob xan trigo, 10,000 medidas de coro,* bey xan cebada, 10,000 medidas de coro. Teʼ tu kaʼapʼéel yéetel tu yóoxpʼéel añooʼ letiʼe bukaʼaj xan tu boʼotoʼob tiʼ Jotánoʼ.+
6 Jotáneʼ seguernaj u maas antal u páajtalil, tumen tu chʼaʼtuklaj u seguer u xíimbal teʼ bej uts tu tʼaan Jéeoba u Diosoʼ.
7 Tuláakal u maasil baʼaloʼob úuch ichil u kuxtal Jotán, le baʼateloʼob bey xan le baʼaloʼob tu beetoʼ, tiʼ tsʼíibtaʼan tu Libroil u Reyiloʼob Israel yéetel Judáeʼ.+
8 Veinticinco años yaan kaʼach tiʼ Jotán ka káaj u beetik u reyil, yéetel 16 años xáanchaj táan u reinar tu kaajil Jerusalén.+
9 Jotán túuneʼ kíimeʼ* ka muʼuk teʼ tuʼux mukaʼan u yúuchben láakʼtsiloʼob teʼ tu Kaajal Davidoʼ.+ Acaz, u hijo túuneʼ, káaj u beetik u reyil tu lugar.+
Notas
^ Ich hebreoeʼ ku yaʼalaʼal kaʼach «100 talentos».
^ Junpʼéel coroeʼ ku taasik 220 litros.
^ Ich hebreoeʼ ku yaʼalaʼal kaʼach «jeʼel yéetel u yúuchben láakʼtsiloʼob».
