1 Crónicas 18:1-17
18 Le ka máan kʼiineʼ Davideʼ tu ganartaj le filisteoʼoboʼ+ ka tu tsʼáajoʼob yáanal u autoridad, tu tokaj xan tiʼob u kaajil Gat+ bey xan le mejen kaajoʼob yanoʼob tu baʼpachoʼ.
2 Davideʼ tu ganartaj xan le moabitaʼoboʼ,+ le moabitaʼob túunoʼ pʼáatoʼob yáanal u autoridad, yéetel joʼopʼ u boʼotkoʼob impuesto tiʼ.+
3 Davideʼ tu ganartaj Adadézer+ u reyil Zobá+ naatsʼ tiʼ u kaajil Amat.+ Adadézereʼ bijaʼan kaʼach tu jáal le Río Éufrates+ utiaʼal u tsʼáaik yáanal u autoridad le máaxoʼob kajaʼanoʼob teʼeloʼ.
4 Davideʼ tu tokajtiʼ 1,000 u pʼéelal u carroiloʼob baʼateʼel, 7,000 soldadoʼob ku natʼkoʼob tsíimin yéetel 20,000 uláakʼ soldadoʼob.+ David túuneʼ tu xotʼaj u xiichʼel u yook le tsíiminoʼoboʼ, chéen tu pʼataj 100 tiʼ le tsíiminoʼob jíitik u carroiloʼob baʼateloʼ.+
5 Le sirioʼob yanoʼob Damasco túunoʼ taal u yáantoʼob le rey Adadézer ku taal tiʼ u luʼumil Zobáoʼ, chéen baʼaleʼ Davideʼ tu kíimsaj 22,000 u túulal tiʼ letiʼobiʼ.+
6 David túuneʼ tu tsʼáaj jejeláas múuchʼ soldadoʼob tu luʼumil Siria teʼ tu kaajil Damascooʼ. Le sirioʼob túunoʼ yanchajoʼob yáanal u autoridad David, desde teʼ kʼiin jeʼeloʼ joʼopʼ u boʼotkoʼob impuesto tiʼ. Jéeobaeʼ ku yáantik kaʼach David utiaʼal ka ganarnak* jeʼel tuʼuxak ka xiʼik baʼateleʼ.+
7 David xaneʼ tu chʼaʼaj le escudoʼob wóolistak beetaʼanoʼob de orooʼ ka tu bisoʼob tak Jerusalén, le escudoʼob kaʼachaʼ u tiaʼal le máaxoʼob meyajtik Adadézeroʼ.
8 Davideʼ tu chʼaʼaj xan yaʼab cobre tu kaajiloʼob Tibat yéetel Kun. Le cobre tu chʼaʼaj Davidoʼ letiʼe meyajnaj tiʼ Salomón utiaʼal u beetik le nuxiʼ pila de cobreoʼ,+ le columnaʼoboʼ bey xan le uláakʼ nuʼukuloʼob de cobreoʼ.+
9 Tou, u reyil u kaajil Amat túuneʼ, tu yojéeltaj de ke Davideʼ tu xuʼulsaj tiʼ tuláakal u ejército le rey Adadézer+ ku taal tiʼ u luʼumil Zobáoʼ.+
10 Le oʼolal Toueʼ tu séebaʼanil tu túuxtaj Aadoram u hijo, utiaʼal ka xiʼik u yil le rey Davidoʼ, utiaʼal u kʼáatik bix yanil yéetel utiaʼal u felicitartik úuchik u ganartik Adadézer (tumen Adadézereʼ suuk kaʼach u baʼateʼel tu contra Tou). Aadorameʼ tu bisaj tiʼ David baʼaloʼob de plata, de oro yéetel de cobre.
11 Le rey David túunoʼ tu junpáaykuntaj utiaʼal Jéeoba+ le baʼaloʼob taasaʼabtiʼaʼ, tu junpáaykuntaj jeʼex úuchik u beetik yéetel le plata bey xan le oro tu chʼaʼaj tiʼ Edom, Moab, tiʼ le ammonitaʼoboʼ,+ tiʼ le filisteoʼoboʼ+ bey xan tiʼ le amalekitaʼoboʼ.+
12 Abisay+ u hijo Zeruyáeʼ+ tu xuʼulsaj tiʼ 18,000 edomitaʼob teʼ tu Táax luʼumil taʼaboʼ.+
13 Abisay túuneʼ tu tsʼáaj jejeláas múuchʼ soldadoʼob tu luʼumil Edom. Tuláakal túun le edomitaʼoboʼ yanchajoʼob yáanal u autoridad David.+ Jéeobaeʼ ku yáantik kaʼach David utiaʼal ka ganarnak* jeʼel tuʼuxak ka xiʼik baʼateleʼ.+
14 Davideʼ seguernaj u reinar tu yóokʼol tuláakal u luʼumil Israel,+ yéetel seguernaj u juzgartik yéetel u beetik baʼax maʼalob yoʼolal tuláakal u kaajal.+
15 Joab u hijo Zeruyáeʼ letiʼ nuʼuktik kaʼach u soldadoʼob David,+ yéetel Jeosafat+ u hijo Ailudeʼ letiʼ kaʼach tsʼíibtik le baʼaxoʼob unaj u kʼaʼajsaʼaloʼ.
16 Sadok u hijo Aitub yéetel Aimélek u hijo Abiatareʼ letiʼob kaʼach le sacerdoteʼoboʼ, yéetel Savsáeʼ letiʼ kaʼach le secretariooʼ.
17 Benaya u hijo Jeoyadáeʼ, letiʼ nuʼuktik kaʼach le keretitaʼob+ yéetel le peletitaʼoboʼ.+ Yéetel u hijoʼob Davideʼ letiʼe máakoʼob maas yaan autoridad tiʼoboʼ, chéen baʼaleʼ maʼ igual yéetel le yaan tiʼ le reyoʼ.
