Le máakoʼoboʼ tsʼoʼok u náakal u yóoloʼob tiʼ le kʼasaʼan políticoʼob yanoʼob teʼ kʼiinoʼobaʼ, le oʼolal ku tsʼíiboltkoʼob ka nuʼuktaʼakoʼob tumen juntúul utsul gobierno jeʼel u béeytal u confiaroʼob tiʼeʼ. Junpʼéel encuesta beetaʼab tu añoil 2023 tiʼ yaʼab luʼumiloʼobeʼ tu yeʼeseʼ u maas yaʼabil le máakoʼoboʼ maʼatech u confiaroʼob tiʼ le gobiernoʼoboʼ. a

 Le Bibliaoʼ ku tʼaan tiʼ junpʼéel gobierno nuʼuktaʼan tumen juntúul Máax maʼatech u tuus, ku beetik baʼax toj yéetel jeʼel u béeytal u confiar máak tiʼeʼ. Le gobiernoaʼ u Reino Dios yéetel le Máax nuʼuktikoʼ Jesucristo (Isaías 9:7).

 Jesúseʼ tsʼoʼok u yeʼesikeʼ jach u kʼáat u yáant le wíinikoʼoboʼ yéetel u kʼáat ka xiʼik maʼalobil tiʼob (Mateo 9:35, 36). Letiʼeʼ yaan u beetik u Reyil tiʼ u Reino Dios, yaan u beetik u yantal justicia yéetel jeetsʼelil tiʼ le máaxoʼob ken u gobernartoʼ (Salmo 72:12-14).