Le ka taal Jesús way Luʼumeʼ tu yeʼesaj jach u yaabiltmoʼon, hasta tu tsʼáaj u kuxtal t-oʼolal (Mateo 20:28; Juan 15:13). Maʼ kun xáantaleʼ kéen káajak u gobernar tiʼ u Reino Dioseʼ yaan u kaʼa eʼesik jach u yaabiltmoʼon tumen yaan u «beetik u xuʼulul u yantal baʼateʼel tiʼ tuláakal yóokʼol kaab» (Salmo 46:9).

 Ilawil baʼax ku yaʼalik le Biblia yoʼolal le baʼax ken u beet Jesúsoʼ:

•   «Yaan u salvartik le óotsil táan u kʼáatik áantajoʼ, le máax ku pechʼ óoltaʼaloʼ bey xan le máax minaʼan máax áantkoʼ. Yaan u chʼaʼik óotsilil tiʼ le óotsiloʼoboʼ bey xan tiʼ le máaxoʼob ku pechʼ óoltaʼaloʼoboʼ, yaan xan u salvartik u kuxtaloʼob. Yaan u salvarkoʼob tiʼ le máaxoʼob beetik u muʼyajoʼob yéetel beetik loob tiʼoboʼ» (Salmo 72:12-14).

 ¿Bix jeʼel k-eʼesik k-agradecertik le baʼax tu beetaj Jesúsoʼ, bey xan le baʼax ken u beet t-oʼolal maʼ kun xáantaloʼ? Tiʼ Lucas 22:19, Jesúseʼ tu yaʼalaj tiʼ u discípuloʼob ka u kʼaʼajsoʼob le kʼiin úuchik u kíimiloʼ. Le oʼolaleʼ cada añoeʼ u testigoʼob Jéeobaeʼ ku muchʼkubaʼob utiaʼal u kʼaʼajsikoʼob le úuchik u kíimil Cristooʼ. K-invitarkech ka a láakʼintoʼon teʼ Kʼaʼajsajil úuchik u kíimil Cristooʼ, lelaʼ yaan u beetaʼal domingo 24 tiʼ marzo tiʼ 2024.

Tuʼux jeʼel a bin teʼ kʼaʼajsajiloʼ