Maʼ sen úucheʼ tu sucursalil Sudáfricaeʼ remodelartaʼab kaʼapʼéel edificioʼob yanoʼob Krugersdorp. Junpʼéeleʼ letiʼe edificio de 5 pisos tuʼux yaan le oficinasoʼ yéetel le uláakʼ junpʼéeloʼ letiʼe edificio tuʼux yaan le comedoroʼ yéetel uláakʼ servicios. Le edificioʼobaʼ desde 1987 káajak u meyajoʼob.

Tu mesil septiembre tiʼ 2022, le sukuʼunoʼob ku meyajoʼob tu Departamentoil Construcción tu sucursalil Sudáfricaeʼ múul meyajnajoʼob yéetel junpʼéel empresa utiaʼal u remodelartaʼal le edificioaʼ. Mientras táan u beetaʼal le remodelaciónaʼ le sukuʼunoʼoboʼ anchaj u meyajoʼob tuláakʼ tuʼuxoʼob wa desde tu cuartoʼob.

Remodelartaʼab le tuʼux ku kʼaʼamal le uʼulaboʼoboʼ, le tuʼux ku conectartaʼal le corrienteoʼ, jaʼ yéetel uláakʼ baʼaloʼob, lelaʼ yaan u yáantaj utiaʼal maʼ u sen xuʼupul corriente. Utiaʼal xan u aprovechartaʼal tubeel le lugaroʼ beetaʼab oficinaʼob tuʼux jeʼel u béeytal u múul meyaj le sukuʼunoʼoboʼ. Tuláakal lelaʼ ku yáantaj utiaʼal u maas séebtal u meyaj le sukuʼunoʼoboʼ yéetel maas jatsʼuts u yilaʼal tumen chíikaʼan le jardínoʼ, tsʼoʼoleʼ maas sáasil xan tumen ku yokol u juul le kʼiinoʼ. Utiaʼal le oficinaʼob maas mejentakoʼoboʼ meyajnaj paneloʼob utiaʼal u kʼaʼaloʼob. Beyoʼ wa ku kʼaʼabéettal u jel remodelartaʼaleʼ maas fácil kun luʼsbiloʼobiʼ yéetel maas maʼ koʼoj kun jóokʼoliʼ.

Utiaʼal u beetaʼal le remodelaciónaʼ áantajnaj 320 sukuʼunoʼob yéetel kiikoʼob, yaʼab tiʼ letiʼobeʼ ku taaloʼob tiʼ uláakʼ luʼumiloʼob. Ichil le meyaj beetaʼaboʼ tiaʼan le u remodelartaʼal le kaʼapʼéel comedoroʼoboʼ. Beetaʼab xan tuʼux kun líiʼsbil le mercancíaʼoboʼ yéetel tuʼux kun líiʼsbil le baʼaloʼob ku meyaj utiaʼal u beetaʼal le janaloʼ. Tsʼoʼoleʼ maas maʼalobkíintaʼab le corrienteoʼ, le climaʼoboʼ yéetel le plomeríaoʼ.

Jach kiʼimak k-óol yoʼolal le sukuʼunoʼob yanoʼob Sudáfricaoʼ. K-tsʼáaik xan u graciasil tiʼ Jéeoba yoʼolal le áantaj tu tsʼáaj le sukuʼunoʼob utiaʼal u beetaʼal le meyajoʼobaʼ (Proverbios 16:3).