Tu kʼiinil 9 tiʼ febrero tiʼ 2025, beetaʼab junpʼéel reunión especial tu sucursalil Nigeria yaan Igieduma, teʼeloʼ bin 1,143 máakoʼobiʼ. Tsʼoʼoleʼ desde teʼ najoʼob tuʼux k-muchʼikbaoʼ wa tu Najiloʼob Asamblea yaan tu territorioil le sucursaloʼ tu conectartuba 579,436 máakoʼob utiaʼal u yuʼubikoʼob le reuniónaʼ.

Le sukuʼun Samuel Olanrewaju, ku meyaj tu comitéil u sucursalil Nigeriaeʼ, tu presentartaj Le Bibliao’: U Evangelioil Mateo. Tsʼoʼoleʼ presentartaʼab xan u libroil Marcos ichil le idioma abua, gokana, hausa, khana yéetel okpe. Le máaxoʼob tʼanik junpʼéel tiʼ le 5 idiomaʼobaʼ tsʼaʼabtiʼob junpʼéel u copiail u libroil Mateo. Teʼ reuniónaʼ presentartaʼab xan uláakʼ libroʼob yanoʼob teʼ Antiguo Testamento ichil le idioma pidgin (África Occidental) yéetel uhobo. Le máaxoʼob binoʼoboʼ tu séebaʼanil páajchaj u descargarkoʼob le libroʼob teʼ sitio jw.org wa teʼ aplicación JW Libraryoʼ.

Tu luʼumil Nigeriaeʼ yaan maas tiʼ 100 millones máakoʼob tʼanik junpʼéel tiʼ le 7 idiomaʼobaʼ. Le 95,000 sukuʼunoʼob kajaʼanoʼob teʼ luʼumilaʼ jach kiʼimakchaj u yóoloʼob úuchik u kʼamkoʼob le libroʼob tiʼ le Biblia ichil le idioma ku tʼankoʼoboʼ. Beoraaʼ yaan u páajtal u meyajtiʼob utiaʼal u xakʼalxookoʼob, utiaʼal le muchʼtáambaloʼoboʼ bey xan utiaʼal u predicaroʼob.