Tu kʼiinil 6 tiʼ febrero tiʼ 2022, u noojol-lakʼinil Madagascareʼ woʼoltaʼab tumen le ciclón Batsiraioʼ, u yiikʼaleʼ tu chukaj 235 kilómetros por hora. Le ciclónaʼ yaʼab baʼaloʼob tu kʼaskúuntaj tsʼoʼoleʼ yoʼolal u cháakileʼ yaʼab lugaroʼob búuloʼobiʼ. Kíim xan jujuntúul máakoʼob yéetel u milesileʼ anchaj u pʼatik u yotochoʼob.

• Mix juntúul sukuʼun kíimi.

• 407 sukuʼunoʼobeʼ anchaj u pʼatik u yotochoʼob.

• 35 najoʼob maʼ jach kʼaschajoʼobiʼ.

• 19 najoʼob óolak kʼaschajkoʼob.

• 35 najoʼob láaj kʼaschajoʼob.

• 4 salónoʼobeʼ maʼ jach kʼaschajoʼobiʼ.

• Utiaʼal u tsʼaʼabal le áantaj kʼaʼabéet tiʼ le sukuʼunoʼoboʼ le Comité tiʼ Sucursaloʼ tu formartaj 20 Comitéʼob tiʼ Socorro.

• Le superintendenteʼob tiʼ circuito bey xan le ancianoʼoboʼ táan u meyajtiʼob le Biblia utiaʼal u líiʼskoʼob u yóol le sukuʼunoʼoboʼ. Tsʼoʼoleʼ táan xan u tsʼáaikoʼob le baʼaxoʼob kʼaʼabéettiʼoboʼ, jeʼex janal yéetel tuʼux u pʼáatloʼob.

• Le táan u tsʼaʼabal áantaj tiʼ le sukuʼunoʼoboʼ chʼaʼab en cuenta le baʼaxoʼob kʼaʼabéet u beetik máak utiaʼal u kanáantkuba tiʼ le COVID-19.

K-confiar de ke Jéeobaeʼ junpʼéel lugar seguro utiaʼal u taʼakikuba le sukuʼunoʼob teʼ yaayaj kʼiinoʼobaʼ, tsʼoʼoleʼ letiʼeʼ yaan u seguer u tsʼáaik le áantaj kʼaʼabéettiʼoboʼ (Salmo 18:2).