UMBUESÁ 50

Mayé yapoderi yarikú yané anama surí? — Parte 2

UYUPIRŨ

Taíraitá yepé maã puranga Jeová umeẽwaá. Aé uputari payaitá ta umuñhakunta puranga aintá resé. Jeová umeẽ conselho puranga uajudari arama payaitá ta umuñhã arama kuayé. Deus conselho uajudari yuíri taíraitá ta umuñhã arama maã ta uprecisariwaá ta anama ta uikú arama surí.

1. Maã conselho Jeová umeẽ payaitá supé?

Jeová uputari payaitá ta usaisú ta raíraitá asuí ta usasá pañhe tempo ta upoderiwaá ta irum. Aé uputari yuíri payaitá ta umukaturu ta raíraitá asuí ta usari maã Bíblia umbeu ta umbué arama aintá. (Provérbiuitá 1:8) Deus umbeu payaitá supé: ‘Pemukirari pe raíraitá yané Ruixawa ñheenga resé.’ (Releri Efezowaraitá 6:4.) Jeová upitá surí mairamé payaitá ta usendú maã aé umunduwaá. Aé upitá surí yuíri mairamé payaitá ta umukirari puranga ta raíraitá asuí ti ta uxari amú miraitá supé ta umuñhã arama kuayé.

2. Maã conselho Jeová umeẽ taíraitá supé?

Jeová umbeu taíraitá supé: “Peruyari pe paya nyenga.” (Releri Kolosowaraitá 3:20.) Mairamé taíraitá ta usendú asuí ta urespeitari ta payaitá, aintá ta umusurí Jeová. Ta payaitá ta upitá surí yuíri. (Provérbiuitá 23:22-25) Taína rameré aé Jesus uxari isangá puranga. Aé satambika, yawewaá suité aé usendú asuí urespeitari ipayaitá tiwaitá satambika. — Luka 2:51, 52.

3. Mayé yepé anama upoderi upitá piri Deus rumuara?

Indé paya u mañha, reputari ne raíraitá ta usaisú Jeová mayé ne yawé, ti será? Repoderi remuñhã kuayé mairamé resendú maã Bíblia umbeu: “Você deve inculcá-las [maã Jeová umbeu] a seus filhos e falar delas sentado na sua casa, andando pela estrada.” (Deuteronômio 6:7) Kuá ñheenga “inculcar” uputari umbeu umbuéwara. Indé rekuá ne raíraitá ta uyumbué arama yepé maã, reprecisari rembué aintá kuá resé siya viaji. Ape, kuá versículo uputari umbeu rerikuté rekuntariwara Jeová resé ne raíraitá supé. Puranga reyuka ramé tempo muíri semana readorari arama Jeová ne anama irum. Puranga reyuka tempo muíri semana reyumbué arama Bíblia resé até ti ramé rerikú ne raíraitá.

REYUMBUÉ PIRI ARAMA

Remaã maã upoderi uajudari anamaitá ta uyusaã surí asuí ta uyumukaturu arama.

4. Rembué ne raíraitá saisusá irum

Ti iwasuíma payaitá supé ta umbué arama ta raíraitá. Mayé Bíblia upoderi uajudari? Releri Tiago 1:19, 20, ariré pekuntari kuá resé:

Mayé payaitá ta upoderi ta ukuntari ta raíraitá irum saisusá irum?
Marã yepé paya u yepé mañha ti ta upoderi ta umusatambika ta raíraitá ta piaíwa ramé? a — Remaã kuá nota.

5. Remukaturu ne raíraitá

Remukaturu arama ne raíraitá, importante retana rekuntari aintá irum uyupisikasá resé, até ti ramé regustari rekuntari kuá resé. Pemaã kuá VÍDEO, ariré pekuntari kuá resé:

VÍDEO: Remukaturu ne raíraitá puxiwerawaá suí (2:58)

Marã ti iwasuíma yepeyepé payaitá supé ta ukuntari arama ta raíraitá irum uyupisikasá resé?
Mayé yepeyepé payaitá ta ukuntari uyupisikasá resé ta raíraitá irum?

Mayé Bíblia umbeu, kuá Yurupari mundo upitá uikú puxiwera piri. Peleri 2 Timóteo 3:1, 13, ariré pekuntari kuá resé:

Versículo 13 umbeu mira puxiwerawaitá resé. Yandé yakuá yepeyepé ta suí ta usikari ta upisika taínaitá. Yawé arama, importante payaitá ta ukuntari uyupisikasá resé ta raíraitá irum asuí ta umbué aintá ta uyumukaturu arama kuá miraitá suí?

Rekuáwana kuá resé?

Umbeusaitá Jeová resé ta urikú siya papera ta uajudariwaá payaitá ta ukuntari arama uyupisikasá resé ta raíraitá irum asuí ta umbué arama mayé ta uyumukaturu awá suí ta usikari ta upisika taínaitá. Remaã yepeyepé exemplo:

Remukaturu ne raíraitá (vídeo)
Reyumbué kuá umbuesá purangawaá irum, capítuloitá 10 asuí 32
“Mayé repoderi rekuntari ne raíraitá irum uyupisikasá resé” (Despertai!, n.º 5 de 2016)

6. Rerespeitari ne payaitá

Taínaitá asuí pisasuwaitá ta urespeitari ta payaitá mairamé mayé ta ukuntari ta irum. Pemaã kuá VÍDEO, ariré pekuntari kuá resé:

VÍDEO: Mayé apoderi akuntari se payaitá irum? (2:19)

Marã puranga pisasuwaitá ta usikari ta ukuntari ta payaitá irum?
Mayé yepé pisasuwaá upoderi ukuntari ipayaitá irum respeito irum?

Peleri Provérbiuitá 1:8, ariré pekuntari kuá resé:

Maã yepé pisasuwaá urikuté umuñhã mairame ipayaitá ta umundú umuñhã yepé maã?

7. Readorari Jeová ne anama irum

Umbeusaitá Jeová resé anamaitá ta uyuka tempo muíri semana ta uyumbué arama Bíblia yepewasú. Yaseruka anama adoração. Mayé yapoderi yamuñhã kuá adoração? Pemaã kuá VÍDEO, ariré pekuntari kuá resé:

VÍDEO: Anama adoração — Maã iwasuwaá asuí marã puranga yamuñhã (8:04)

Mayé yepé anama upoderi umuñhã anama adoração muíri semana?
Mayé payaitá ta upoderi ta umuñhã anama adoração yepé jeito puranga ta raíraitá ta ugustari arama? — Pemaã kuá rangá uyupirũgá upé kuá umbuesá.
Maã upoderi umuapatuka ne anama adoração?

Jeová uputari anamaitá Israel upé kuxiíma kuera ta ukuntariwara Deus Ñheenga resé. Peleri Deuteronômio 6:6, 7, ariré pekuntari kuá resé:

Mayé repoderi remuñhã maã umbeu kuá versículo?

Maã repoderi reusari remuñhã arama ne anama adoração:

Pepreparari reunião.
Peleri Bíblia asuí pekuntari kuá resé.
Sá rerikú taínaitá, remuyé yepé atividade taínaitá supé site jw.org suí.
Sá ne raíraitá aintá pisasuwaá, pekuntari yepé maã resé pisasuwaitá supé uikuwaá site jw.org upé.
Remusangá yepé Bíblia história ne raíraitá irum.
Pemaã yepé vídeo site jw.org upé asuí pekuntari isesé.

YEPEYEPÉ MIRAITÁ TA UMBEU: “Bíblia iwasú retana taínaitá supé.”

Maãma rembeu kuá resé?

MAÃ REYUMBUÉ

Jeová uputari payaitá ta usaisú, ta umbué asuí ta umukaturu ta raíraitá. Aé uputari taíraitá ta usendú asuí ta urespeitari ta payaitá. Jeová uputari yuíri anamaitá ta uadorari aé yepewasú.