UMBUESÁ 13
Mayé religiãoitá tiwaá supí ta umuñhã miraitá ta upitá apekatú piri Deus suí?
Sá Deus aé usaisú, marã religiãoitá ta umuñhã siya maã puxiwerawaá? Ñhãsé aintá ti puranga, aintá ta uganani Deus resé. Mayé religiãoitá tiwaá supí ta umuñhã miraitá ta upitá apekatú piri Deus suí? Mayé Deus uyusaã umaã ramé ta umuñhã kuayé? Maã aé usú umuñhã?
1. Mayé yakuá religiãoitá tiwaá supí ti ta umbué supiwaá?
Religiãoitá tiwaá supí ‘aintá ta utrokari kuá Deus ñheenga supiwaá ta ugananiwaá rupí’. (Romawaraitá 1:25) Yepé exemplo, siya aintá suí ti ta umbué Deus rera retewaá resé. Ma Bíblia umbeu importante yausari isera. (Romawaraitá 10:13, 14) Mairamé usasá maã puxiwerawaá, paí, pastor asuí amú tuixawaitá igreja upé, ta umbeu: “Deus uputarité usasá arama kuayé.” Ma kuá ti supí. Deus ne mairamé umuñhã puxiwerawaá. (Releri Tiago 1:13.) Ta ukuntari ramé kuayé ta umuñhã miraitá ta upitá apekatú piri Deus suí.
2. Mayé yakuá religiãoitá tiwaá supí ti ta umuñhã maã purangawaá?
Bíblia umbeu maã puxiwerawaá religiãoitá tiwaá supí ta umuñhãwaá resé “usikana até iwaka kití”. (Apokalipse 18:5) Siya akayú aintá ta uyumunai política asuí guerra upé. Asuí siya miraitá ta umanũ maã resewara ta umuñhãwaá. Yepeyepé tuixawa religioso aintá rico, ñhãsé aintá ta upurandú dinheiro miraitá suí igreja upé. Religiãoitá tiwaá supí ti ta umuñhakunta puranga miraitá resé mayé Jeová uputariwaá. Kuá igreja tuixawaitá ta umbeu aintá yepé Deus mira, ma ti ta umuñhã maã Deus uputariwaá. Aintá ti ta ukuá supí Deus resé. — Releri 1 João 4:8.
3. Mayé Deus umaã religiãoitá tiwaá supí?
Mayé ne yawé Jeová upitá ipiaíwa umaã ramé maã religiãoitá tiwaá supí ta umuñhã. Tuixawaitá religioso ta umuñhã miraitá ta upitá apekatú Deus suí asuí ti ta umuñhakunta imiraitá resé. Jeová usaisú miraitá asuí ti ugustari maã kuá igreja tuixawaitá ta umuñhã. Aé uprometeri kuaírantuwana usú umukañhemu religiãoitá tiwaá supí, asuí ‘tiã kurí awá umaã aintá’. — Apokalipse 18:8, 21.
REYUMBUÉ PIRI ARAMA
Kuá umbuesá upé yasú yamaã (1) maã xinga Deus umanduári religiãoitá resé tiwaá supí, (2) maã puxiwerawaá aintá ta umuñhãwana asuí (3) marã ti rerikuté repituú reyumbué Jeová resé ta umuñhãwaá resewara.
4. Será Deus uputari pañhe religiãoitá?
Siya miraitá ta umanduári pañhe religiãoitá mayé siya peé yawé ta urasuwaá yandé Deus piri. Supí será? Peleri Mateu 7:13, 14. Ariré pekuntari kuá resé:
-
Maã Bíblia umbeu kuá peé resé urasuwaá yandé mundo tiwaá upawa kití?
Pemaã kuá VÍDEO. Ariré pekuntari kuá resé:
-
Será Bíblia umbeu pañhe religiãoitá ta umusurí Deus?
5. Religiãoitá tiwaá supí ti ta umusangá Deus saisusá
Religiãoitá tiwaá supí ta umuñhã siya maã umuñhãwaá miraitá ta upitá apekatú Deus suí. Yepé exemplo, ta umuñhã kuayé ta uapoiari ramé guerra. Yasú yamaã kuá resé. Pemaã kuá VÍDEO. Ariré pekuntari kuá resé:
-
Maã siya religiãoitá ta umuñhã Mukũisá Guerra upé?
-
Indé arama será puranga maã aintá ta umuñhã?
Peleri João 13:34, 35 asuí 17:16. Ariré pekuntari kuá resé:
-
Mayé Jeová uyusaã umaã ramé religiãoitá ta uyumunai guerra irum?
-
Usasá siya maã puxiwerawaá religiãoitá tiwaá supí ta umuñhãwaá rupí. Maã ta umuñhãwaá uxari rekuá ti ta umusangá Deus saisusá?
Religiãoitá tiwaá supí ti ta umusangá Deus saisusá
6. Deus uputari miraitá ta usemu religiãoitá suí tiwaá supí
Peleri Apokalipse 18:4. a (Pemaã kuá nota). Ariré pekuntari kuá resé:
-
Religiãoitá tiwaá supí ta uganani miraitá. Mayé reyusaã rekuá ramé Deus uputari miraitá ta usemu religiãoitá suí tiwaá supí?
7. Te rexari reyumbué kuá Deus retewaá resé
Será rerikuté repitá apekatú Deus suí maã resewara religiãoitá tiwaá supí ta umuñhãwaá? Remanduári yepé kurumĩwasú resé tiwaá usendú ipaya conselho. Aé uxari ipaya asuí uyupirũ umuñhã maã puxiwerawaá. Ipaya ti uputari aé umuñhã kuayé. Será yapoderi yambeu kuá paya urikú culpa itaíra umuñhã resewara puxiwerawaá?
-
Será yapoderi yambeu Jeová urikú culpa, pañhe religiãoitá tiwaá supí ta umuñhãwaá rupí? Será yasú yaxari yayumbué isesé kuayewaá resewara?
YEPEYEPÉ MIRAITÁ TA UMBEU: “Ixé ti agustari religiãoitá. Aintá añhũ ta umuñhã puxiwerawaá.”
-
Indé remanduári kuayé yuíri?
-
Marã ti yarikuté yapitá apekatú Jeová suí ta umuñhã resewara puxiwerawaá?
MAÃ REYUMBUÉ
Religiãoitá tiwaá supí ta umuñhã miraitá ta upitá apekatú Deus suí. Aintá ta umuñhã kuayé ñhãsé ta umbué tiwaá supí asuí ta umuñhã maã puxiwerawaá. Deus usú umukañhemu religiãoitá tiwaá supí.
Remanduári arama
-
Maã remanduári maã resé religiãoitá tiwaá supí ta umbué asuí ta umuñhã?
-
Mayé Deus umaã religiãoitá tiwaá supí?
-
Maã Deus usú umuñhã religiãoitá irum tiwaá supí?
REPUTARI SERÁ REKUÁ PIRI?
Remaã mukũi maã religiãoitá tiwaá supí ta umuñhãwaá Deus ti ugustari.
“Será pañhe religiãoitá aintá yepewasú? Será pañhe aintá urasú yandé Deus piri?” (Artigo do jw.org)
Marã Jeová uputari yayumuatiri amuitá irum yadorari arama aé?
“Será yaprecisari yaikú yepé religião upé?” (Artigo do jw.org)
Remaã yepé paí história urikuwaá dúvida sá ireligião aé supí. Yawewaá suité aé ti upituú usikari supiwaá Deus resé.
“Marã yepé paí uxari kuera igreja?” (Despertai!, fevereiro de 2015)
Siya akayú religiãoitá ta umbué tiwaá supí Deus resé. Yawé arama, siya ta umaité Deus ti uyupreocupari yané rupí asuí aé umuñhã puxiwerawaá. Remaã musapiri maã resé Bíblia umbeuwaá ta ugananiwaá resé.
“Gananisaitá ta umuñhã miraitá ta upitá apekatú piri Deus suí” (A Sentinela, 1.º de novembro de 2013)
a Nota: Bíblia umbeu religiãoitá tiwaá supí mayé yepé kuñhã ta userukawaá Babilônia turusuwaá. Rekuá arama marã, remaã Rekuá piri arama 1.
