UMBUESÁ 06
Mayé vida uyupirũ?
Bíblia umbeu Deus kuá ‘umuñhãwaá pañhe maã’. (Apokalipse 4:11) Indé reruyari kuá resé? Yepeyepé ti ta uruyari Deus umuñhã vida. Ma sá vida uyumuñhã ipesúa yaviveri teñhuntu. Sá Jeová umuñhãwaá vida, yaprecisari yakuá marã yaikú iké, ti será? a (Remaã nota.) Yasú yamaã maã Bíblia umbeu mayé uyupirũ kuá vida. Yasú yamaã yuíri marã yapoderi yaruyari kuá resé.
1. Mayé uyupirũ kuá universo?
Quase pañhe cientistaitá ta uruyari kuá universo urikú uyupirũgasá. Yaweté Bíblia umbeu: “Uyupirũgá upé Deus umuñhã iwaka asuí iwí.” (Gênesis 1:1) Mayé uyumuñhã kuá universo? Deus usari “ikirimbasá”, kuá espírito santo, umuñhã arama pañhe maã universo upé, mayé estrelaitá, galáxiaitá asuí planetaitá.— Gênesis 1:2.
2. Marã Deus umuñhã kuá iwí?
Jeová ti umuñhã kuá iwí “teñhutu, ma umuñhã aé yaviveri arama isesé”. (Isaías 45:18) Deus umuñhã kuá iwí yepé marã: Aé uputari kuá iwí upitá mayé yepé uka purangawaá miraitá supé ta uviveri arama iké pañhe ara. (Releri Isaías 40:28; 42:5.) Cientistaitá ta umaã kuá iwí aé puranga piri amú planetaitá suí. Aintá ti ta uwasemu amú planeta urikuwaá pañhe maã yaprecisariwaá yaviveri arama.
3. Marã miraitá amurupité suuitá suí?
Umuñhã riré kuá iwí, Jeová umuñhã kaá asuí suuitá. Ariré, “Deus umuñhã kuera apigá mayé iyawé”. (Releri Gênesis 1:27.) Marã miraitá amurupité pañhe amú maã suí? Ñhãsé Deus umuñhã aintá mayé iyawé. Kuá usignificari aintá upoderi ta urikú isikusá, mayé saisusá asuí satambikasá. Deus umuñhã yandé yapoderi arama yayumbué amú ñheenga asuí yagustari arama maã purangawaitá, mayé ñheengarisá. Suuitá ti ta upoderi ta uadorari yané Muñhãgara, ma yandé yapoderi.
REYUMBUÉ PIRI ARAMA
Yasú yamaã musapiri maã: (1) marã yapoderi yaruyari vida urikú uyupirũgasá, (2) marã yapoderi yaruyari supí kuá Bíblia umbeuwaá iwí uyupirũgasá resé asuí (3) maã yapoderi yayumbué Deus resé miraitá rikusá rupí.
4. Umuñhãsá vida
Miraitá ta ukuntari puranga yepé mira resé umuñhãwaá maãitá umaãwaá upé isangá maã aikuewaá natureza upé. Mayé piri awá kuá umuñhãwaá kuá natureza asuí pañhe maã, ti será? Pemaã kuá VÍDEO. Ariré pekuntari kuá resé:
-
Maã miraitá ta umusangá natureza suí?
Pañhe uka urikú umuñhãsá aé. Ma awá umuñhã pañhe maã aikuewaá iwí upé? Peleri Ebreoitá 3:4. Ariré pekuntari kuá resé:
-
Kuá mundo upé aikué siya maã purangawaá. Maã aikuewaá kuá mundo upé regustari piri?
-
Reruyari será aikué awá umuñhã kuá universo asuí pañhe maã? Marã remanduári kuayé?
Indé rekuá?
Repoderi rewasemu amú paperaitá asuí vídeoitá umbeuwaá kuá resé jw.org upé, kuá parte upé “Urikú será yepé umuñhãsá aé?” asuí “Mayé ta umaité vida uyupirũ”.
“Pañhe uka yaweyawé urikú kuá umuñhãwaá aé, ma Deus kuá umuñhãwaá pañhe maã”
5. Supí pañhe maã Bíblia umbeuwaá kuá mundo uyumuñhãsá resé
Gênesis capítulo 1 upé, Bíblia umbeu mayé aikué arama kuá iwí asuí vida. Repoderi será reruyari maã resé Bíblia umbeuwaá? U será aé umbeu tiwaá resé supí? Pemaã kuá VÍDEO. Ariré pekuntari kuá resé:
-
Será Bíblia umbué Deus umuñhã iwí añhũté 6 ara upé?
-
Reruyari será supí maã Bíblia umbeu mayé uyumuñhã pañhe maã? Marã remanduári kuayé?
Peleri Gênesis 1:1. Ariré pekuntari kuá resé:
-
Cientistaitá ta umbeu kuá universo urikú uyupirũgasá. Mayé ta uruyariwaá uikú yepewasú Bíblia umbeuwaá irum?
Yepeyepé ta umaité Deus umuñhã vida evolução rupí. Peleri Gênesis 1:21, 25, 27. Ariré pekuntari kuá resé:
-
Será Bíblia umbué Deus usari evolução umuñhã arama piráitá, suuitá asuí miraitá? U será Aeté umuñhã pañhe aintá asuí pañhe maã urikuwaá vida?
6. Miraitá puranga piri amú maã suí Deus umuñhãwaá
Yandé amurupí suuitá suí Jeová umuñhãwaá. Peleri Gênesis 1:26. Ariré pekuntari kuá resé:
-
Miraitá ta upoderi ta usaisú asuí ta umaã pirasúa amuitá, ñhãsé Deus umuñhã aintá mayé iyawé. Maã kuá umbué yandé arama Jeová rikusá resé?
YEPEYEPÉ MIRAITÁ TA UMBEU: “Ti supí maã Bíblia umbeu mayé uyumuñhã pañhe maã. Aé añhũ yepé marandúa.”
-
Remanduári será kuayé? Marã?
MAÃ REYUMBUÉ
Jeová umuñhã kuá universo asuí pañhe maã urikuwaá vida.
Remanduári arama
-
Maã Bíblia umbeu universo uyupirũgasá resé?
-
Será Deus usari evolução umuñhã arama yepé suú uyeréu arama amú suú u yepé mira? U será Aeté umuñhã pañhe aintá?
-
Marã miraitá amurupité suuitá suí?
REPUTARI SERÁ REKUÁ PIRI?
Remaã yepeyepé maã uxariwaá yamaã aikuewaá yepé Muñhãgara.
“Maã natureza umbué yandé arama?” (Despertai!, setembro de 2006)
Remaã mayé payaitá ta upoderi ta umbué ta raíraitá supé maã Bíblia umbeu uyumuñhãsá resé pañhe maã.
Remaã sá yapoderi yaruyari Deus umuñhã pañhe maã arameté yaruyari pañhe maã uyumuñhã ipesúa yuíri.
“Será Deus umuñhã pañhe maã evolução rupí?” (Artigo do jw.org)
Será supí kãwera kuxiímawara ta uwasemuwaá asuí maã ciência umbeuwaá uapoiari aikué evolução?
Mayé vida uyupirũ— Cinco purandusaitá yaputariwaá yakuá (brochura)
a Nota: Umbuesá 25 upé, yasú yamaã maã Deus uputari miraitá supé.
