UMBUESÁ 05
Bíblia aé Deus Ñheenga
Bíblia aé yepé presente purangawaá Deus umeẽwaá. Aé urikú 66 livro mirĩitá. Amuramé repurandú: ‘Awá taá umuñhã Bíblia? Awá ñheenga aintá umpinima Bíblia upé?’ Yasuaxara arama, yasú yamaã mayé aikué arama Bíblia até kuíri.
1. Sá apigaitá ta umpinima Bíblia, marã ta umbeu aé Deus Ñheenga?
Kuxiíma 40 apigaitá ta umpinima Bíblia 1600 akayú pukusá, ta uyupirũ akayú 1513 Kristo rundé até akayú 98 Kristo riré. Awaitá umpinimawaá Bíblia aintá pastor, upinaitikasara, rei, asuí amú miraitá. Yawewaá suité Bíblia ti uyawí ukuntari. Mayé uyumuñhã kuayé? Ñhãsé Bíblia uri Deus suíwara. (Releri 1 Tesalonikawaraitá 2:13.) Ñhã apigaitá ti ta umpinima ta ñheenga ne ta umanduáriwaá. “Kuá espírito santo upurakí aintá piá upé, asuí aintá umbeu kuá Deus uxariwaá aintá umbeu”. (2 Pedro 1:21) a (Remaã nota.) Jeová usari iespírito santo umusasá arama maã umanduáriwaá apigaitá supé ta umpinima arama.— 2 Timóteo 3:16.
2. Awá supé Deus umuñhã Bíblia?
Deus umuñhã Bíblia “aintá supé kuaitá mundo puraitá, pañhe aintá mirasá yaweyawé aintá ñheenga rupí, pañhe mundo puraitá supé arama”. (Releri Apokalipse 14:6.) Yawé arama, Deus umuñhã aikué piri Bíblia amú ñheenga rupí amú livroitá suí. Quase pañhe miraitá ta upoderi ta uleri Bíblia, ñhãsé aikué Bíblia siya ñheenga rupí pañhe kuá mundo upé.
3. Mayé Jeová umukaturu Bíblia?
Ta usikari ta umukañhemu Bíblia, ma Jeová ti uxari ne awá umuapatuka umusasá arama iñheenga yandé arama. Ta umpinima ramé Bíblia ta usari papera uaíwawaá kutara. Yawewaá suité marã Bíblia ti upawa? Apigaitá ta ugustariwaá Deus Ñheenga ta umusasá aé siya papera upé. Umundusaitá ta usikari ta umukañhemu Bíblia. Ma mira purangawaitá ta usikari ta umukaturu Bíblia até yawaité ramé ta usikari ta uyuká aintá. Isaías 40:8 umbeu: “Deus Ñheenga ti ukañhemu.”
REYUMBUÉ PIRI ARAMA
Remaã mayé Deus umuñhã apigaitá ta umpinima arama Bíblia, mayé Aé umukaturu Bíblia asuí maã Aé umuñhã pañhe miraitá ta upoderi arama ta uleri Bíblia.
4. Bíblia umbeu awá ñheenga aé urikú
Pemaã kuá VÍDEO. Peleri 2 Timóteo 3:16, ariré pekuntari kuá resé:
-
Sá apigaitá ta umpinima Bíblia, marã akuá ta useruka aé mayé Deus Ñheenga?
-
Yapoderi será yaruyari Deus umusasá umanduáriwaá miraitá supé arama iké iwí upé?
Yepé funcionário umupinima yepé carta, ma ituixawa yara kuá carta. Yaweté yuíri, apigaitá ta umupinima Bíblia, ma kuá ñheenga aé Deus yara.
5. Ta usikari ta umukañhemu Bíblia, ma ti ta upoderi
Supité Bíblia aé Deus Ñheenga, yawewaá resewara yapoderi yasarú Deus ti usú uxari ta umukañhemu aé. Siya akayú rupí umundusaitá ta usikari ta umukañhemu Deus Ñheenga. Siya religião ruixawa ti ta uputari miraitá ta uleri Bíblia. Ma mira purangawaitá ta umukaturu Bíblia, até ta usikari ramé ta uyuká aintá. Yasú yamaã yepé apigá resé umuñhãwaá kuayé. Pemaã kuá VÍDEO. Ariré pekuntari kuá resé:
-
Rekuá resewara mayé miraitá ta usikari kirimbá ta umukaturu Bíblia, reputari será releri piri aé? Marã?
Peleri Salmo 119:97. Ariré pekuntari kuá resé:
-
Marã siya miraitá ta umuñhã ta vida usasá iwasuwaá rupí ta umuñhã arama Bíblia amuitá supé?
6. Yepé livro pañhe miraitá supé arama
Ta umusasá piri Bíblia amú ñheengaitá rupí pañhe amú livroitá suí. Peleri Ato 10:34, 35. Ariré pekuntari kuá resé:
-
Marã Deus uputari ta umusasá Bíblia siya ñheengaitá rupí?
-
Maã regustari piri Bíblia resé?
Quase
pañhe
miraitá kuá mundo upé
ta upoderi ta uleri Bíblia ta ñheenga rupí
Aikué Bíblia usasá piri
3 mil
ñheenga rupí
Bíblia pañhe u yepeyepé parte
5 bilhão
Bíblia ta umuñhãwana.
Aikué piri aé amú livroitá suí
YEPEYEPÉ MIRAITÁ TA UMBEU: “Kuxiímawara kuá Bíblia, apigaitá ta umpinima aé.”
-
Maã remanduári kuayewaá resé?
-
Maã uxari yakuá Bíblia uri Deus suíwara?
MAÃ REYUMBUÉ
Bíblia aé Deus Ñheenga, asuí Deus umuñhã aikué arama Bíblia pañhe miraitá supé.
Remanduári arama
-
Maã uputari umbeu ‘espírito santo upurakí apigaitá piá upé’ ta umpinima arama Bíblia?
-
Marã puranga rekuá mayé ta umusasá Bíblia siya ñheenga rupí? Ti ta upoderi ta umukañhemu Bíblia. Maã remanduári kuayewaá resé?
-
Mayé reyusaã rekuá resewara maã Deus umuñhã umusasá arama iñheenga indé arama?
REPUTARI SERÁ REKUÁ PIRI?
Releri Bíblia história resé, ta umpinimawaá kuxiíma suíwara até kuíri.
“Mayé ta umuñhã yarikú arama Bíblia” (Despertai!, novembro de 2007)
Remaã musapiri maã iwasuwaá rupí Bíblia usasawaá.
“Marã ti ta upoderi ta umukañhemu Bíblia” (A Sentinela, n.º 4 de 2016)
Remaã marã miraitá ta usasá iwasuwaá rupí ta umusasá arama Bíblia amú ñheengaitá rupí.
Ta umupinima asuí ta umusasá Bíblia amú ñheenga rupí siya viaji. Maã uxari rekuá ti uyutrocari maã Bíblia umbeuwaá?
a Nota: Umbuesá 07 upé yasú yayumbué espírito santo aé Deus kirimbasá umuñhãwaá rupiara maã uputariwaá.
