Deus umuñhã Iwí miraita ta umurari arama ape. Deus umuñhã yepé apigá asuí yepé kuñhã asuí uxári aintá yepé paraíso upé iserawaá Éden. Jeová uputari kuera Adão asuí Eva asuí ta raíraita ta umurari arama Iwí upé pañhe ara. (Gênesis 2:15-17) Kuá uxári yakuá Deus umuñhã Iwí miraita ta umurari arama ape. Bíblia umbeu Salmo 37:29 upé: “Purangawaita ta supé kurí kuá iwí asuí ta uviveri kurí kuá iwí upé pañhe ara.” Iwaka aé anjoita ruka. Bíblia umbeu Salmo 115:16 upé: “Jeová yara kuá iwaka, ma kuá iwí aé umeẽ miraita supé.” — Jó 38:4, 7.

Uyupirungá upé añhu kuá rendawa iketé Iwí upé, mamé Adão asuí Eva ta umurariwaá, aé yepé paraíso kuera. Ape ta uriku ma kuera ta raíraita asuí ta umuteresemuwaá kuá Iwí miraita irum. Ape miraita ta umuñhakunta kuera ma kuá Iwí até upitá pawa yepé paraíso. (Gênesis 1:28) Iwí ne mairamé usu ukañhemu. Aé usu upitá mayé yané ruka pañhe ara. Bíblia umbeu Salmo 104:5 upé: “Umuñhã kuá iwí apewarawaá arama uiku; ne mairamé usu ukañhemu mamé uikuwaá suí.”

Remaã kuá vídeo Marã Deus Umuñhã kuá Iwí?

Ti resewara Adão asuí Eva ta usendu Deus. Ape Deus uyuka aintá paraíso suí, ariréwara ukañhemu ñhã paraíso. Bíblia umbeu kuá Iwí upitá siya miraita puxiwerawaita irum. — Jó 9:24.​—Releri Romawaraita 5:12.

Será Jeová uputari umeẽ amu paraíso pisasuwaá miraita supé arama? Uputari. Aé upuderi asuí usu umuñhã pañhe maã uprumeteriwaá. (Isaías 45:18) Miraita ta usu kurí ta uviveri yepé paraíso upé Iwí upé, mayé Deus uputariwaá kuera. Bíblia umbeu Salmo 37:10,11 upé: “Kuayentuwana, ti arama yamaã puxiwerawaita; remaã kurí mamé aintá ta uikuwaá kuera, ma tiã kurí ta uiku ape. Ma miraita purangawaita ta usu ta uviveri iwí upé asuí ape ta usu ta uiku surí asuí yepéwasu.”

Yané Ruixawa Jesus usu umundú Iwí resé. Aé usu umpreso Yurupari mil akayu pura. Bíblia umbeu, yepé guerra upé, iserawaá Armajedom, Jesus asuí anjoita ta usu ta umbawa miraita tiwaita ta usendu Deus. Ma usenduwaita Deus ti ta usu ta ukañhemu ñhasé Jesus usu umuñhakunta ta resé. Ta usu ta uviveri yepé paraíso upé Iwí upé pañhe ara.​—Releri Apokalipse 20:1-3; 21:3, 4.

Mairamé Jeová usu umbawa pañhe yané purarasá asuí puxiwerawaá irum? Jesus uxári yakuá ikentuwana upawa arama pañhe puxiwerawaá. Kuá mundo ti uiku puranga asuí pañhe maã usasawaá uiku uxári yakuá yaviveri yaiku kuá mundo upausá upé.​—Releri Mateu 24:3, 7-14, 21, 22.

Iwaka suí, Jesus usu umundú Iwí resé mayé yané Ruixawa mil akayu pura. Aé usu umbawa pañhe maã umupurarawaá yandé. (Isaías 9:6, 7; 11:9) Asuí yuíri, Jesus usu uyuka miraita suí ta pecado, awáita ta ugustariwaita Deus. Jesus rupí Jeová usu umbawa masi asuí manusá irum asuí ne awá usu upitá tuyué.​—Releri 2 Timóteo 1:10; Apokalipse 21:4.

Miraita ta usenduwaita Deus ta usu ta uviveri Paraíso upé Iwí upé. (1 João 2:17) Jesus umbeu idiscípuloita supé ta usikari arama ta umbué miraita ta uputariwaá ta uyumbué Deus resé. Yané tempo upé siya miraita ta uyumbué ta uiku maã ta umuñhã ta umurí arama Jeová. (Sofonias 2:3) Mamé Umbeusáita Jeová resé ta uyumuatiri kuá miraita ta uadorari Deus asuí ta uyumbué mayé ta upitá yepé mena u ximiriku rikusá puranga, yepé paya u taíra rikusá puranga. Ta upitá surí kuá puranga ñheenga resewara uikuwaá Bíblia upé.​—Releri Apokalipse 15:4.