Ndem yè éshheu a mbou épouô métseum lé lôkô priya ntshouté nèt mbaatè Yi. (Psaume 65:2) Téta’, a té jou’ nkwa mépriya. Mpè pè éfœu’, A ghô lé jou’ mépriya gning yi ghéunè ngwi yi. (1 Pierre 3:7) Éfœu’ zi épouô ala’a Israël lé nông-ô ngning-è a nteu lébat, Ndem lœu’è lé jou’ mépriya môp. Anouneu lè, a priya si ngô ntang-a té kou’ wou. Téta’, Ndem veung mépriya méghang méfaa épi meuk mbing ngwa’ méfaa môp.​—Tông-ô Isaïe 1:15; 55:7.

Jiô vidéo Tè Ndem jou’ nkwa mépriya?

A priya si ngô mô’ éshheu a lé lôk nguemtè Ndem, ndôkô nguè mpè pôngtè lé gheuè priya a mbou Joovah nda’, éyi lé pôô yimpè. (Matthieu 4:10; 6:9) Pa’ mpè méghang méfaa la, mpè pôngtè lé gheuè priya anè lézeung Yésso, mela’mi a lé kwheu mela’ méfaa mimpè. (Jean 14:6) Joovah té kông nguè mpè zi’né mépriya athou-thou, mbing nzôkô ngheuè nguia mbou yi, mbô mépriya émi si ngô ntii-tii. A kông nguè mépriya mimpè fhô a taa nteu.​—Tông-ô Matthieu 6:7; Philippiens 4:6, 7.

Gning éyi lé pôô yimpè ghô jou’ mépriya ntseum mbô émi mpè gheuè nteu nteu. (1 Samuel 1:12, 13) A kông nguè mpè gheuè priya nkwa éfœu’, pa’ ndaa-njheu pô seung-njheu, afœu’ lé pfè azou, mbô fœu’ ménguengue.​—Tông-ô Psaume 55:22; Matthieu 15:36.

Lé tshouté nèt mbaatè Ndem a té meung-è gha’ ajouô, mela’mi mpè nang-a nnô épouô épi té aveung-è nteu a mbou Ndem wè. Pô ping ngwii a la’né zi, azi si ntchiitè mbouèné a  ndoo sitsa’ ntseum. (2 Timothée 3:1, 4; 2 Pierre 3:3, 13) Mela’poup tè mpè pôngtè lé tchou’té pô épouô pi zeung nguemtè zôp Ndem, pô seumtè yimpè, mpè zeung seumtè wôp zôp.​—Tông-ô Hébreux 10:24, 25.

Lé tchou’té pô épouô pi kông-ô Ndem, a kuitè yimpè lé tshouté nèt mbaatè Yi. Métchou’té Ménjheuè-njiô Joovah yè méshheu mbông a lé jheuè apè anè aveung-è nteu émô’ épouô.​—Tông-ô Romains 1:11, 12.

O ghô fhœuté anè ajoumi o zi’nè nteu Biible ndôk tshouté nèt mbaatè Joovah. Zeung-è fhœuté anè méfa’ mi, mbô ménteukné mi, ngheu ménda’né mi. Lé fhœuté a nteu priya tshounè yimpè lé pou ndôk nteu yimpè ntseum, nsiaknè Ndem mela’ nkông-né zi pô léghi tsi. Tông-ô Josué 1:8; Psaume 1:1-3.

O ghô tshouté nèt mbaatè Ndem afœu’ zi o pou sang-a anè yi mbing ngwè aveung-è nteu a mbou yi nda’. Téta’, aveung-è nteu si ngô pa’ a flawa zi mè pôngtè lé toung-né. O pôngtè lé nang fœu’ ntseum nkimté métsoo émi o lé zi’né ndôk gheu aveung-è nteu jou ku’né nkwhi.​—Tông-ô Matthieu 4:4; Hébreux 11:1, 6.

Joovah toung-né épouô pi kông-ô yi. A kou’ô yi lé yè yimpè éshheu lé lôk nkou’tè aveung-è nteu zimpè tè ajouô lé vènè yimpè lé shi’ ngwuè lénang temi. (Psaume 91:1, 2, 7-10.) A tsuêtè yimpè anè ntsi lénang ézi ghô gheu mpè lé mbông-ô jou’, mbing lé mbouènè pô lékak wè. Joovah zi’nè yimpè kwa’ ntsi lénang mbông.​—Tông-ô Psaume 73:27, 28; Jacques 4:4, 8.