AZI’NÉ 8
Ndem neung nguè ngueô’ pô lébat é jheu ngông mela’akô?
1. Lébat lé zii lèkô?
Ndem lé yè njheu mbou épouô ménông lé lôk mbou ntsui é zôp ntsi lé sa’, ndôkô ntsui wôp nguè pô méngnwèt ghô lé kou’ô lé pik ménguengue môpô
Lébat lé kouô a ndoo sitsa’ afœu’ zi Sèta lé ghi mvhô mélaa. Sèta lé ghé zii ngô ta’ ange té lô’, ‘mbing té ngning anè anouneu’. (Jean 8:44) A lé seue nguè mè yè awou’té zi mè pôngtè lé yè a mbou Ndem nda’ a mbou yi. Sèta lé ghi mélaa a mbou mvhô méngwi, Èva, mbôptè yi a léghô lé jou’ ntchou Ndem mbing njou’ ntchou yi. Adam ping nzhènè Èva, pô yi seuk-è athou a mbou Ndem. Atshuè tépông Adam lé neung épouô ménông a nteu ménguengue pô legwheu.—Tông-ô Genèse 3:1-6, 19.
Afœu’ zi Sèta lé pôptè Èva nguè ndè’ yi lé jou’ ntchou Ndem, a lôk nzii lé tsui nguè a ka veung-è Ndem pa’ Efô té ghap-a. Pa’ Sèta la, lélœuè épouô lé zeung ndœu’è zôp nguè Ndem a ghô Efô wôp. A lé ping ntôk poup, Sèta mè tchi’è ‘efô ngông jiô’.—Tông-ô Jean 14:30; 1 Jean 5:19.
2. Tè métsoo émi Ndem lé pôô lé wè mélô’-é?
A kœuè-kœuè zi Ndem lé pôô lé pou ngô té lô’. Épouô ménông pô mé ange épi Ndem lé pôô lé kou’ô wôp a lé jou’ ntchou Ndem té lô’. (Deutéronome 32:4, 5) Ndem lé pôô yimpè mbing nguiè yimpè éshheu a lé lôk kang lé gheu ajouô mbông kèè ajouô tépông. Éshheu mèt kuitè yimpè a lé tsui nkông-né a mbou Ndem.—Tông-ô Jacques 1:13-15; 1 Jean 5:3.
3. Ndem neung nguè ménguengue ghô assi tè ntshi aya’a mela’akô?
Joovah lé neung nguè meung-è gha’ éfœu’ é tôk, a mbou épouô épi lè té veung nguè A si ngô Efô té ghap-a mela’akô?. Ndôk mbou ntsui nguè épouô ménông ghô té jou’ ntchou Yi, mbô pô ghô lé mbông-ô jou’. (Ecclésiaste 7:29; 8:9) A nda’ ngô méngou’ 6000 té ntôk, éyi mpè si njiô a ghô anouneu. Méfô ngông laa nkou’ô wôp lé pik méntchou, mbô éssôô, ngheuè atshui zi té ndeung-ndeung-è, tè mbô méghôô ntsi-ntsi.—Tông-ô Jérémie 10:23; Romains 9:17.
Ntsi zi Ndem lôk sa’ é tswhi anè zi épouô ménông; épouô épi veung ntsi zi Ndem lôk sa’, é jheuè apè. (Isaïe 48:17, 18) Nkwa pia, Joovah shi’ mbou mbik méngomna ntseum. Nda’ épouô épi kang ntsi zi Ndem lôk sa’ poup, mè shi’ ping nang-a a ndoo sitsa’.—Isaïe 11:9.—Tông-ô Daniel 2:44.
Jiô vidéo Ndem neung nguè ménguengue ghô assi tè ntshi aya’a mela’akô?
4. Ntsi zi Ndem lôk nzu’té poup é tshounè yimpè lé ghaa?
Sèta lé leu nguè, tsôô gning pou ngô lé kou’ô lé wou’tè Ndem mé ta’ nteuè. Tè o kông-ô wou lé tsui nguè é si ngô mélaa? Hmm, o ghô kou’! Ntsi zi Ndem lôk nzu’té poup é yè yimpè éshheu a lé kang ntsi lé sa’ Ndem kèè ntsi lé sa’ gning-nông. Mpè lôk ntsi lénang zimpè ntsui efô éyi mpè kang.—Tông-ô Job 1:8-12; Proverbes 27:11.
5. Mpè ghô ghaa té nkang-a Ndem pa’ Efô yimpè?
Métsoo mi mpè kang-a lé gheu ghô tsui kèè Ndem mè Efô yimpè lè
Mpè neung-è nguè Biible tsang lénang tsimpè, nzeung nguemtè Ndem anè ntsi mbông, mpè lôk ntsui nguè mpè kang-a Ndem pa’ Efô yimpè. (Jean 4:23) Mpè lœu’è lé gheuè politik pô lé lœuô’ ntchou pa’ Yésso la, mpè lôkô ntsui nguè mpè kaa veung nguè Sèta ghô efô yimpiè.—Tông-ô Jean 17:14.
Sèta lôk éteue yi ntshouné épouô a lé jiô aghaa pô ménou tépông pa’ ajouô mbông. Mpè neung-è lé zeung ngheu métsoo tépông mèt, mbô méssoo pô épô mémia pimpè ghô wii yimpè kèè ngwa’a yimpè lè. (1 Pierre 4:3, 4) Mpè pôngté lé kang-a ta’ éshheu. Tè mpè ghô kouô a nnô épouô pi kông-ô Ndem? Tè mpè ghô jou’ ntchou Ndem éyi kông-ô yimpè mbing zing anè mémbeu mi? Mpè gheuè poup, mpè lôk ntsui nguè, Sèta si ngô ngang mélaa mela’mi a lé leu nguè, tsôô gning ghô lé jou’ ntchou Ndem-è.—Tông-ô 1 Corinthiens 6:9, 10; 15:33.
Nkông-né zi Ndem tsui mbou épouô ménông é tsuitè mbông-ô nguè ngueô’ pô éssôô shi’ pou mii. Épouô épi veung nguè mènzhè Ndem mé si ngô mènzhè ndeung-ndeung, mbing kang-a Yi pa’ Efô wôp mé shi’ wè lénang temi a ndoo sitsa’.—Tông-ô Jean 3:16.
