Samuel a lé pou nkou’tè Joovah tè teueté anè lénang tsi. A lé zèè môô, nkia yi a lé ghô lé tchi’ pa’ Hofni pô Finéas la, éwônkheu Héli pi é lé wuè atshuè tépông. (1 Sam. 2:22-26) Samuel a lé nông nkwhiè, nké nku’né nkou’tè Joovah tè teueté. (1 Sam. 3:19) A lé ping kwhi tè athouô fôk, nzè nzing-è anè nzhè Joovah zing, tè a zi ngô yi wônkheu pi é lé teum nzeum a mbou Ndem.​—1 Sam. 8:1-5.

Mpè ghô fhô anè éfœu’ Samuel, nzi’nè akô? A ghô yi o zèè meung-è gha’ môô, mbô o ghô zhè té mi’té nguè Joovah a zhè ménguengue mi é tshiè mvhô wou, mbing nông nzhè pa’ o si njou’ô ngô poup. A ghô yè wou asseukè-nteu. (Is. 41:10, 13) O ghô ta’ mô’ô mbing ngô yi wônkheu pou é lé teum nzeum a mbou Joovah, mbô a ghô pông-ô wou a lézhè nguè Samuel a lé ghô a lé feuné wônkheu pi, épi lé kwhi té ngô mélœuè a lézing ndeung-ndeung anè nzhè Joovah. A lé pou ntshiè akœuè a mbou Joovah neung, mbing fôk mbœu’ ndôk nkou’tè Joovah, a Mô’ô yi, éyi atheuè lepwhou tè teueté. O ku’nè nkou’tè Joovah tè teueté, mbô atshuè mbông jou a ghô kuité wônkheu pou a léping nzeum a mbou Joovah.

JIÔ VIDÉO YI LÈ MPÈ FŒU’NÈ WÔP​—SAMUEL, MBING NTSÔ’ MÉNZÈTÉ MOUÔ:

• Samuel a lé zèè meung-è gha’ môô mbang-a, ntsui nguè a wuè asseukè-nteu, é lèkô?

• Danny a lé tsui nguè a wuè asseukè-nteu, é lèkô?

• Samuel a lé ping nkwhi té ngô ndœuè, ntsui mbông éfœu’ é lèkô?

• Mémô’ô Danny é lé tsui mbông éfœu’, é lèkô?