Mpè lôk éteue yimpè ngôkô mbông-ô éfœu’ zi mpè kia a légheu métsoo anè éshheu ajwakné, ndôk ntôôtè afa’ Lefô. (1 Cor. 9:26) Lékia métsoo mi mpè gheu anè éshheu ajwakné a kuité a lélôk njheu zimpè ngôk mé léghi, mela’mi nzôkô ngông jiô é paaté tè’. (Éph. 5:​15, 16) Piakné pô épouô atseung-è nguia jou, afœu’ zi o si ngheuè atchou’té atseung-è nguia, ndôk njiô métsoo mi pè ghô gheu anè éshheu ajwakné, anè ngou’ swhi. Akèté atchou’té jiô, a ghô kuitè wou: a wè mépak tè zaané anè métsoo mi o ghô fhœuté éwou a nteu apriya, té mbing nkia a légheu.​—Jacq. 1:5.

Ta’ éfœu’ é jiô, tè épouô atseung-è nguia é ghô pooté, nkuité mbô ta’ gning nda’ a nnô pôp, a létchi’è ngnha’-nzhè té tsô’ éfœu’é? O nông mbôkô nguè o té shi’ kou’ô wou a léyè méhawa mi a si nzètè, o shoung-né pô émô’ méngnha’-nzhè pi lénang tsôp é nna’ ngô pa’ étchou la. (Prov. 15:22) O ghô tông-ô ta’ ngnha’-nzhè anè atchou’té atseung-è nguia jou, mbing nkoo nguiè yi ménzèté anè aji’è assi jiô mèt. Tii métsoo mi a pheuè wou. A ghô yi o lè éfœu’ mvhô ngô ngnha’-nzhè, o zeung ntchiité njiô kèè lénang tchou é ghô yè wou éshheu a lé zeung ngôkô afa’ mèt tsetsông-ô wouô lè.

Tè émô’ épouô atseung-è nguia jou, é ghô shi’ anè ta’ sang kèè anè méssang té nzaané lè, éshan afa’ ngnha’-nzhè anè meung-è gha’ éfœu’é? O ghô té wè éteue tè é zaa, mbô o ghô pheu nkeu Lefô a meung-è gha’ meung-è gha’, élé’é tseum, té ndôk nkou’ô wou a léghô ngnha’-nzhè anè meung-è gha’ éfœu’. A ghô yi o té tam a tsetsèrè ngap wè mela’mi o ghôk élé’é tseum, kèè o ngang-assikou lè, mbô o ghô kang-a sang yi a wuè alé’é zi mè zuité éwou, kèè asang yi a wè méngap mèntaa lèè. Piè ta’ calendrier, mmaka sang yi o si nkông-ô wou a léshan afa’ ngnha’-nzhè anè meung-è gha’ éfœu’ éwou, mbing ngheuè ta’ atangté.​—Prov. 21:5.

JIÔ VIDÉO YI LÈ GHÔ NGNHA’-NZHÈ YI A WUÈ ASSEUKÈ-NTEU, MBING NTSÔ’ NZÈTÉ JIÔ:

• Métsoo mi é lé tôkô assi anè lénang meung-mô Aamand, é zi’nè yimpè akô anè ntsi zi Joovah a lôk ntoung-né épouô pi é tshiè afa’ Lefô mvhô anè lénang tsôp-é?